Hakim-Hakim 10:8 - Eipomek

⁸ Ara, aketing tamun noutam arye deiyok koubikce, sik bitinye yala nang ara, Amon yala nang ap, Pilistin yala nang ap, sikce Israel nang malye weik kibik. Ara, Yordan mek duman koubuka, otam keting panalyangan tam ulamik Israel nang atia. Amori yala nang, sik mutuku ara, Gilead mutuku noutam ulamik nang arye, Israel nang, sik mutuku kan-kan noutam ulamik nang ati ara, keting tamun delapan belas (18) tahun deice arye, pia ikin ning delilamikce, Israel nang ati, malye weik winilamik.

Hakim-Hakim 10:8 Referans Kwoze

1 Tesalonika 5:3

Ninye nirya arye, “Kume, wini talak ara, ikin una ap, oldana ap kum aryuk, kanye deibuka, pia teleb kanye lamabuka unyabe,” nyanyak talak aniryuk, kilapu mi deiyok, ‘Atalak dipnusile,’ kum tenepmace talakuk, talye karin arye mi deiyok dilamle touk, Allah arye sikti, weik arye wenebuka opnamle. Winiplye talak ara, sik adiparyuk kum lyepdatinge.

Yesaya 30:13

Anggun malye winimunye ning ati, winipmanto ning nyapnusine. Ninye arye cang keil poka domikibuk, daklirye dalubuka talye karin arye, sakuka tukwak poulbalamle touk, anggun malye winimunye ninye ara, anggun wenen ning talye karin arye, anggun dam yanamsile.

Hakim-Hakim 10:5

Yair babye, daulamuka ani, aminyan talak ara, el akunum dibuk. Dibukopura, tonok mutuku si, Kamon mutuku noutam weibik.

Hakim-Hakim 10:7

Winilamika ati, Allah Yahweh arye Israel nang ati, yu ubukba, ‘Israel nang ara, sik wenena ati, yuk mutuku yu nang arye, ikin ning sik nong deice deipnamake,’ tenebukak arye, Allah arye Israel nang dobuka, sik Pilistin mutuku nang ap, Amon mutuku nang ap, sik taruk deice deibuk. Winibukba, sik amutuku-amutuku nang arye, Israel nang ulamik mutuku nirya yanuka, obuka sirya dakikce, ikin ning weik, sik nong deice delilamik.

Hakim-Hakim 10:9

Tonda, aninguk kum bukni, sik Amon yala nang arye, Yordan mek koubuka keting kumulban tam biyikce, Yehuda yala nang ap, Benyamin yala nang ap, Efraim yala nang ap, mal olbiyik. Winibikce, sik Israel nang ati, sikce weik ikin ning, Israel nang nong deice deililamikba, Israel nang ara, ‘Se yata winiptibye do?’ tenen, pia malye kanye bobuka ulamik.

Bilangan 32:39

Atalak arye, Manasye birye deiamuknye, el si Mahir, sik ayala nang arye, Gilead mutuku biyikce, amutuku ulamik nang ati obik. Binuka obikura, sik Amori yala nang, amutuku ulamik nang nirya yakdongokice, amutuku nirya binuka doprobik.

Hakim-Hakim 6:2

Midian nang arye Israel ninye taleamik talak ara, yu weik arye ikin ning weik, sik nong deice delilamik ati, Israel nang arye Midian mutuku nang ati ilil weik ulamuk. Ati, buru tam sakukabikce, tia talak una ati, keil deiya pum bisik ap, mutuku tam keil uamukak ap, bai tam talye ninye binmanto kum mutuku ak, binuka ulamik.