Yair elce deiamuk mapu, ara tiga puluh (30) nang deiamuk. Sik anang ara balye deice bukuka ban ning, el si keledai basam babye sik ulamik touk, yuk-yuk tiga puluh (30) ekor keledai basam balye deice bukuka balamik. Tonda mitik-mitik asik Gilead mutuku tam dolamik babye, tiga puluh asik dobuka ulamik. Adobuka ulamik mitik-mitik asik dolamika ara, wini talak babye anyasik-anyasik nirya ati, atam mutuku si ara, Hawot-Yair mutuku tuba nyanyake.
Hakim-Hakim 10:5 - Eipomek5 Yair babye, daulamuka ani, aminyan talak ara, el akunum dibuk. Dibukopura, tonok mutuku si, Kamon mutuku noutam weibik. Gade chapit la |
Hakim-Hakim 10:5
3 Referans Kwoze
Aminyan talak ara, sik Israel yala nang ara, tamubuka Allah Yahweh arye, Aning ara pia malye ning anya arye, aning ara na like,’ tenelul ninguk talibuka ulamik. Ara, sik Israel nang arye, Allah Yahweh ati, tuba kum tenebikce, elti, ton tamubuka, kum si erelamik. Israel nang ara, isa si Bahal, aisa-aisa ap, tonda Asytoret isa ap, aisa uk sik si erelamik. Ara, Sidon mutuku noutam ulamik nang ap, tonda, Siria mutuku noutam ulamik nang ap, tonda, Moab mutuku noutam ulamik nang ap, tonda Amon mutuku noutam ulamik nang ap, tonda Pilistin mutuku noutam ulamik nang ap, anang-anang, sikce si erelamik isa-isa uk, Israel nang babye, aisa si erelamik.
Ara, aketing tamun noutam arye deiyok koubikce, sik bitinye yala nang ara, Amon yala nang ap, Pilistin yala nang ap, sikce Israel nang malye weik kibik. Ara, Yordan mek duman koubuka, otam keting panalyangan tam ulamik Israel nang atia. Amori yala nang, sik mutuku ara, Gilead mutuku noutam ulamik nang arye, Israel nang, sik mutuku kan-kan noutam ulamik nang ati ara, keting tamun delapan belas (18) tahun deice arye, pia ikin ning delilamikce, Israel nang ati, malye weik winilamik.
Piblisite