Hakim-Hakim 10:2 - Eipomek

² Tola birye, sik Israel nang ati, keting tamun dua puluh tiga tahun (23) deice arye, ninye deiyoknye kibuka taleamuk. Talyamuka ani, Tola akunum dibukopura, Samir mutuku weibik.

Hakim-Hakim 10:2 Referans Kwoze

Hakim-Hakim 10:1

Abimelek akunum dibukopura, tonoknye el si Pua, elce deiamuknye, el si Tola birye Israel sik deiyoknye una ati tikukce, Israel nang ati, teleb kipdeibuk. Tola el apu koprop ara, Dodo, elda Isakar yalanye ulamuk. Elda Ebrahim yala nang sik talilamik mutuku bukni, iknapi tam, mutuku si Samir mutuku bukamuk. Tola bira, ‘Israel nang sik mal olan nang ati, melibuka obuka sirya daknirye, Israel nang unyak mutuku talipnamne,’ tenyamukce, yanuka melilamuk.

Hakim-Hakim 10:3

Tola akunum dibukopura, el pununa ati, Gilead mutukunye tonok ara, el si Yair, elce sik Israel nang ati deiyok kibuka taleamukce, keting tamun dua puluh dua (22) tahun deice arye, ninye deiyoknye kibuka ulamukce, sikti, melilamuk.

Hakim-Hakim 11:26

Tonda, anti asipdekine. Keting tamun ara, yupa pia weik tiga ratus (300) tahun noutam nirya ara, Israel nang anggun Amon yala nang taleamlum noutam ulamupu bukni, weik asik dobuka Hesyebon mutuku ulamlumak ap, Aroer mutuku ulamlumak ap, tonda amutuku dana-dana uamuk mitik asik, dobuka ulamlumak nirya ap, tonda Arnon mek lilkwa ap ara, amutuku talibuka ulamlum bukni, nun ansinibuka amutuku-amutuku ulamupu talak ara, yata deiyok ati, atalak ara anggunce nun malye kibuka kum yakdonoksulumce, amutuku nirya ila tamubuka tuba kum dopromlum do?