Hakim-Hakim 1:9 - Eipomek

⁹ Amutuku akunum winibikopura, aminyan talak, sik Yehuda yala nang anya arye, outam weik mutuku kon uamukak binmek. Ara, Kanaan mutuku noutam bukni, utam (arah selatan) dabu mutuku, mek pia kum mutuku noutam, amutuku si, Negeb mutuku dam tam, aulamik nang ap, tonda amutuku lilun tam bukni, otam keting kumubalamle tam, mutuku kon deice asik dobuka ulamik nang ap, obuka sirya dakik.

Hakim-Hakim 1:9 Referans Kwoze

Yosua 11:21

Atalak aryuk, Yosua birye, ninye si Ainakin nang, tonda Enak nang nyalamik ning ara, amutuku noutam ulamik ati, amutuku biyukce, aninye obuka, kum kipdeibuk. Ara, pala weik mutuku el si ara Raksasa, deiyok nyalamik mutuku ara, iknapye tam nirya, Hebron mutuku ap, Debir mutuku ap, Anab mutuku bukamuk noutam nirya ap, tonda Yudea noutam iknapye mutuku ulamik nang nirya ap, Israel tam iknapye mutuku ulamik nang nirya ap, Yosua birye, amutuku-amutuku nirya binuka olbiyuk. Sik amutuku noutam ulamik nang nirya ara, Yosua biryuk obuka, sirya dakuk. Tonda, sik talibuka ulamik weik asik dolamika nirya babye, kum kibikce, sirya dakuk.

Yosua 10:36

Eglon mutuku noutam akunum obikopura, Yosua ap, el yin talin nang ap, sik Israel nang nirya ap, amutuku tam arye, welebikce, Hebron mutuku biyik. Biyikopura, ‘Amutuku nirya ara, obuka sirya daknuyabʼ tenen, warikil biyik.

Kejadian 12:9

Aning nirya akunum winibukopura, amutuku batakuka, yuk mutuku si Negeb mutuku lyu bisik biyuk.

Hakim-Hakim 1:8

Yehuda yala nang arye, Yerusalem mutuku ulamik nang yanuka obikce, amutuku nirya alubuka doprobik. Doprobikce, amutuku sik asik dobuka ulamik sukum nirya ara, uku dongobik.

Hakim-Hakim 1:10

Tonda, Ebron mutuku bukni, minop talak ara, amutuku bukni, mutuku si Kiryat-Arba nyalamik mutuku ulamik. Kanaan mutuku nang ati, binuka obikce, sirya dakik. Amutuku mal olalbiyikce, ninye deiyok nang, sik si ara, ani. Ara, Raja Sesai ap, Ahiman ap, Talmai ap, adeiyok-deiyok nang, sik yin bon nang nirya mal olalbinmekce, obuka sirya dakik. ARaja nang ap, sik taleamik nang ap ara, Yehuda yala nang arye binuka, obikce sirya dakik.

Yosua 12:8

Amutuku dam arye, bukamuk mutuku ap, Yordan mek dam, otam keting kumulban tam ap, amutuku-amutuku tam bukamuk mutuku nirya ap, tonda amutuku kon nirya bukni, keting panalyangan tam nirya ara, doprobik. Tonda, eitam mutuku nirya ap doprobik. Atonun, Negeb mutuku ton ap doprobik. Amutuku ara, Het yala nang ap, Amon yala nang ap, Kanaan yala nang ap, Feris yala nang ap, Hewi yala nang ap, Yebus yala nang ap, anang uk amutuku talibuka ulamik.