Hakim-Hakim 1:5 - Eipomek

⁵ Bezek mutuku dam arye, olanmeka ani, amutuku ninye deiyok kibuka taleamuknye, Adonia-Bezek bira, sik Yehuda yala nang ap, Simeon yala nang ap, sikce Bezek mutuku dam arye anye eibikce, ‘Opnuyabʼ tenen, biyik. Binuka opnin banmeka ani, sik Kanaan mutuku nang ap, Feris mutuku nang ap ati, obuka sirya dakik.

Hakim-Hakim 1:5 Referans Kwoze

Kejadian 13:7

Tonda, Abram el basam weilamik nang ap, Lot el basam weilamik nang ap arye, pia weik walalamik. Tonda, amutuku noutamak bukni, sik Kanaan yala nang ap, sik Peres yala nang ap, amutuku neika ansinibuka ulamik.

Hakim-Hakim 1:4

Melibikura, Yehuda yala nang, sik ap neika ansinibuka olbinuyik talak ara, Allah Yahweh arye, sik neika olbinuyik nang deice mikip arebukba, Kanaan mutuku ap, Feris mutuku ap, ulamik nang nirya olbiyik. Ara, sik yin bon nang ara, yupa pia weik, Bezek mutuku dam binuka olanmeka deice arye, yupa pia weik, sepuluh ribu nang (10.000) binuka obik.

Hakim-Hakim 1:6

Winibuka obikce, sirya dakik talak ara, ninye deiyoknye, Adonia-Bezek bira, ‘Opnikcakʼ tenen, ilil ubuka ati, adiparyuk bai sakuka biyukba, Yehuda yala nang ap, Simeon yala nang ap, sikce aminyan dobolbiyikce, binuka tomobik. Tomobikopura, anye el pamu taruk duk ap, yan duk pamu ning ap, binuka sekrobik.

1 Samuel 11:8

Winibik ati, sik nirya Besek mutuku uk bulubuka wekikba, Saul birye, sik anang nirya nukuka kintinip deibuk. Sik Israel yala nang ara, yupa pia weik, tiga ratus ribu (300.000) nang kintinibik. Tonda, Yehuda yala nang ninye ara, tiga puluh ribu (30.000) nang asukumuk bulubuka kintinibikce, awekik.

Hakim-Hakim 3:5

Ati ara, minop talak Kanaan mutuku ulamik nang ap, Amori mutuku nang ap, tonda Feris yala nang ap, Hewi yala nang ap, Yebus mutuku ulamik nang ara, Israel nang ap tuba kanaan mutuku noutam, sik neika ulamik.