Biblia Todo Logo
Bib sou entènèt

- Piblisite -




Hakim-Hakim 1:21 - Eipomek

21 Winilamuk bukni, sik Benyamin yala nang arye, Kanaan tam nang, Yebus yala nang ara, Yerusalem mutuku ulamik buk, ‘Obinuka obibirye kum daneipnamap,’ tenebik bukni, Yebus yala nang ara, kum yakdonokamik. Ati, Benyamin yala nang ap, Yebus yala nang ap, sik neika Yerusalem mutuku ansinibuka ulamik. Tonda, ayupu sekupu talak babye, tuba aunyake.

Gade chapit la Kopi




Hakim-Hakim 1:21
13 Referans Kwoze  

Anya asik weik tonun, sik mutuku doprobik bukni, sik Yehuda yala ninye arye, Yerusalem mutuku asik, minop talak ulamik nang ara, min obuka, atuku alubuka dopropmanto kum ati, pia pirilamik. Amutuku nang ara, Yebus yala nang nyalamik. Ara, Yehuda yala ninye arye, Yerusalem mutuku talibuka ulamikce, sik mutuku koproba kiyamik bukni, Yebus yala nang ara, obuka kum yakdonokamik. Winyamika arye, wini talak babye, amutuku noutam ara, Yehuda yala nang ap, Yebus yala nang ap, sik neika Yerusalem mutuku ansinibuka aunyake.


Yehuda yala nang arye, Yerusalem mutuku ulamik nang yanuka obikce, amutuku nirya alubuka doprobik. Doprobikce, amutuku sik asik dobuka ulamik sukum nirya ara, uku dongobik.


Yusuf birye deiamukba, dadeipdanin yangalamik nang arye, Betel mutuku weik asik dobuka ulamikak, biyikce obuka sirya dakik. Atalak nirya ara, Allah Yahweh arye, sik Yusuf yala nang ati, meliamuka deice arye, ayala nang nirya, malye kibuka obuka sirya dakik.


Sik ayala-ayala ninye nirya ara, minop talak Israel ninye arye, Kanaan mutuku binuyik talak ara, Allah arye, ‘Ayala-yala ninye nirya, opmunce, sirya daknamlume,’ nyapdeibuk bukni, sik Israel ninye arye, ayala ninye nirya, obuka kume kum danaiyamik. Tonda, ‘Daulamnyake,’ tenebikce, batakamikba, kam tuba ulamik. Kam ulamikce, ayala ninye arye deiamikba, dadeipdanin yangalamik ninye weik, tonap tabakuka amutuku noutamuk ulamik. Anyapce, aninye nirya tuba kam ulamika ati, Raja Salomo birye, ‘Na pil urdem donamniyakʼ tenen, elce ikin weik pil dilamukba anyasik-anyasik nirya, lipsisikuka dolamik. Tonda, aning atonun, sik aninye babye, atalak babye, Israel ninye sik pil melibuka don nang dem ulamik.


Tonok talak ara, sik deiyoknye Raja Daud ap, Israel mutuku noutam ulamik nang nirya ap, Yerusalem mutuku olban ati biyik. Atalak ara, amutuku tonok bukni, amutuku si ati Yebus mutuku nyalamik. Deiyok ara, sik Yebus nang ara, amutuku koproba noutam nang ulamikce talilamik.


Tonda, Israel ninye ara, Kanaan mutuku tam wekelbinuyik talak ara, Allah arye, “Na diba tenena kum, amutuku yuk-yuk unyak nang nirya ara, anggunce obuka, sirya daknamlume,” nyapdeibuk bukni, sik Israel yala nang arye, aning kum winipnin balamikce, amutuku nang ap neika ulamik. Winilamika deice arye, sik babye, malye weik winilamik.


Manasye yala nang arye, Kanaan mutuku malye kibukabikce, amutuku alubuka doprobik talak ara, Kanaan mutuku minop ulamik nang ara, kum yakdonokamik. Amutuku noutam arye, kum yakdonokamik nang ara, sik si ara, ani. Bet-Sean mutuku ulamik nang ap, Taanak mutuku ulamik nang ap, Dor mutuku ulamik nang ap, Yibleam mutuku ulamik nang ap, Megido mutuku ulamik nang ap, tonda aweik asik nirya dobuka ulamik dam ara, mitik-mitik asik dobuka ulamik nang nirya babye, kum yakdonokamik. Ati ara, Kanaan mutuku noutam ulamik nang ara, kat kanye bobuka, ‘Amutuku uk unamapʼ tenen, ulamika arye, kum yakdonokika ati, Manasye yala nang arye, alubuka dopromik mutuku uk, tuba ansinibuka aulamik.


Anang nirya ara, sik yala nang, sik duweit yuk-yuk aulamik touk ati, ninye deiyok talibuka, bulun nang ulamik. Anang nirya ara, sik tam nang arye, ninye si buku noutama ara, sik deipkirikdanin, yanamik nang nirya ara, si sekekuka delilamik. Sik anang nirya ara, Yerusalem mutuku ulamik.


Swiv nou:

Piblisite


Piblisite