Habakuk 3:15 - Eipomek

¹⁵ Yin talin nang arye, sik kuda basam balye deice bukikirye, laut mekwen damak yanibuka bakiba, mek silong yanuka teiklirye, bulyanmalya ani, kum danalamle touk, ance, nun mal olan nang akunum oplumce, mikip arye nun yanuka lyepsulume.

Habakuk 3:15 Referans Kwoze

Mazmur 77:19

Mikip weik kum yayukce, kumanya weik dobukba, amutuku palamuk ning nirya, lokuka pounmokce, bebeya lakuka piripna dobuka, amutuku nirya dirina weik ubukce, weik liman lebuka, lelim ton nyabuk. Aning nirya winibuka ati, atalak ara tukwak mutuku sirya, im nirya ara, lulukuka, long-long abukba, lulukunmok.

Habakuk 3:8

“Na ni Allah Yahweh, anda amutuku noutamak balamuk mek ati, yu upkuk do? Tonda, amutuku balamuk mek ati, yu upkukba, ‘Wenebuka kum kipdeipnamne,’ tenelalum do? Atouk, laut mekwen ati yu upkuk do? Winipkukba, amek ap, alaut mekwen ap, bokeiplumba, dana-dana tam kiprobuk. Winipmanto ara, yu upkukba, apil dolamlum talak ara, yin nang arye, sik kuda basam libuka, tuku deice balamle ning, el si kereta kuda ap, tonda sik kuda basam balye deice bukikirye, bikbik abuka bikirye, olbalamak touk, ance apil minopce, doplume na nio.

Keluaran 15:8

An si pito arye, weik laut mekwen puplumba, amekwen nirya ceprobukce, dana-dana kiprobuk. Dana-dana tam kibuka tikilbiyukba, aik abilinga kat ulamle atonun winibuk. Ara, laut mekwen noutamak bukni, mikuka kat kibukak arye. Winibukba nun anoutam bisikuk yapue.

Mazmur 77:20

Atalak ara, ance lyepropsulumce, weik laut mekwen noutam arye, teleb bisik kintinip deipsulume. Diba, weik laut mekwen mikip noutam ara, ance nun teleb bisik, tukwak yapdeipsulumce, bobisulume. Bukni, an yupu deice arye, tuku mikdeiplum deice yanibuka binamupu sukumak ara, laka kum ati, ninye arye kum elilamik.