Habakuk 1:14 - Eipomek

¹⁴ Nyabukce, ayupu ton dukdongobuka nyabuk. “Na ni Allah, na kanye aryuk tenepmana ara, nyapnune. Ara, ance ninye ati ara, mek pum tam ulul ning, mekwen pum ikan atonun ulisilyame. Nun kele, laut mekwen pum bisik kam ulul ning, ayala-yala nirya ara, sik ninye deiyoknye atonun ning kum ulule. Sik talye balsusunauk unyake.

Habakuk 1:14 Referans Kwoze

Amsal 6:7

Tulik ara, sik pil donyak bukni, sik deiyoknye ton kum ulule. Tonda, “Pil ara winibuka dopnuyabe,” nyananye ton kum ulule.

Yeremia 16:16

Bukni, wini talak ara, na Allah arye winipmanto ning nyapsine. Ikan tomon nang arye, ikan weik tomolamak touk, ninye yukupniba, yakirye, amutuku nang yanuka tomopnamake. Tonda, narye bai kam ulamle ning, olban nang arye, aning dobonmakirye, olamak touk, ninye nyapniba, amutuku deice unyak nang ap, amutuku kon deice unyak nang ap, keil deiya dungnubuka unyak nang nirya ara, yanuka epra binamake. Eibikcopura, yakuka opnamake.

Habakuk 1:13

Wininalam bukni, na nio, anda malye winin ning ayala-yala nirya ap, malye unyak nang ap ara, kanye deibuka kum elilyame. Anda, pia Teleb koprop, uk ubuka, pung ulyamnye binya arye, an pia teleb asing arye, malye ning ati, kanye deibuka kum elilyame. Aning atonun, malye wininyak nang ara, ance aninye eibuka, ‘Dauplye’ tenen, kum batakalongolyame. Na nio, anyapman touk ulyamnye bukni, yata deiyok ati, wini talak ara, anda malye wininyak nang, sik Kasdim nang ati, kum wenepmalam do? Tuba dinmasemince, bico tenesilyam bukni, yata deiyok ati, sik malye wininyak nang, Kasdim yala nang arye, nun Israel ninye teleb ubuka unyap nang ati, olyanganamsiak do? Habakuk birye Allah ati, malye nyabuka morobuk.

Habakuk 1:15

Wininyak bukni, pia malye wininyak nang bukni, sik tenebice talak aryuk, ikan on ning, mek pum bisik dongobuka yunyake. Tonda, weik aling atonun ning, el si jala, mekwen pum bal el si ikan, yangabuka dolona ati, el si jala dobuka, mekwen pum bisik dopkwetebikiba, dauamlya ani, mekwen pum ikan weklyopura, aminyan aning talibuka doprobikirye, ikan weik wekmaliba, dolonyake. Winibiceura, kanye delinyake. Winilamak touk, sik Kasdim nang arye, nun Israel ninye weik arye tomobuka osinyakce, kanye delinyake.