Bukni, nun malye wininyap ninye ara, Allah ance nunti, “Aning winina meme,” nyapsulum bukni, aninguk tamubuka wininyabe. Tonda, ance, “Aning ara, wininamlulume. Aning ara, pia kum wininamlulume,” nyapsulum yupu yaniltabirye, batakanyabe. Winibya deice arye, an nyapdeiamsulum ning nirya ara, akunum batakupe.
Esra 5:12 - Eipomek12 Deiyok ara, nun Israel yala nang, nun apu yapu nirya malye-malye weik ulamik buk, im deice nirya talibuka, Pia Mikip Weik Ulul deiyoknye Allah arye sikti, malye kanye bobuka, yu weik ubuk. Winibuka ati ara, sik wenena ati, Allah arye atalak arye, Babel tam nirya talyamuknye, Kasdim mutuku nang arye deiyamikba, dadeipdanen yangalamika ani, yanuka deiyamiknye, el si Raja Nebukadnezar biti, lo aribukba, anye birye, nun tam yanuka, mal obuka sirya daksukce, Allah el si eren aik nirya ulubukabukce, sice buklobuk. Winibukopura, nun apu yapu Israel yala nang weik tonun tomubukce, tapu koubuka, el mutuku Babel mutuku tamubuka bobinamukce, ikin pil weik aruklamukba, daulamik. Gade chapit la |
Esra 5:12
28 Referans Kwoze
Winibukopura, Allah arye Babel mutuku noutam ap, Siria mutuku noutam ap, Moab mutuku noutam ap, tonda Amon mutuku noutam ap ulamikce, yin talibuka ninye talye-talye olamik nang nirya ara, dopdeibukba, Yoyakim biti malye kibukabikce, Yehuda mutuku noutam ulamik ninye nirya, yanuka obuka, sirya dakmanto ubik. Ara, talye ati kuma. Deiyok ara, Allah el yupu nyapdeipniba, laka nyana deiyok nang, sik nabi-nabi nang, sik dam nyapdeiamukba, sikce Yehuda mutuku ninye kekenak, “Allah arye nun wenena ati, lo arepsiliba, yuk pera mutuku nang arye, winipnamsiyake,” nyabuka, laka nyapdeiamik touk winibik.
Ura, sik anang ara, winiyaka ati ara, na Allah Yahweh arye, sik anang awininyak ning nirya ati, kum kipdeiptinye do? Tonda, amutuku noutam unyak nang, sik pia malye weik wininyak ning nirya ati ara, narye wenebuka kum kwang daknamne do? Kume, dipkoprob anang ara wenebuka kwang daknamnarya. Sik menenga ati, imun kanye bon ning arepnamsine.
Israel yala nang arye, aning-aning nirya ara, malye weik winilamika ati ara, Allah el yu weik ubukba, sik anang ati, wenebuk. Ara, Allah arye, sik Israel yala nang ati, ‘Pia, sikda ‘Naʼ tenen nang unamak’ tenen, akunum wipdeibukce, sikti, kanye deiamuk bukni, malye-malye weik winilamika ati, Allah arye, ‘Se, anang ara, na like,’ tenelamuk.
Yehuda yala nang, sik deiyoknye Zedekia birye, amutuku taleamuk talak noutam bukni, keting tamun toupne barye bukni, wala tagu barye kibuk. Tonda awala noutamak ara, tagu barye sum arye, Babel mutuku ninye deiyoknye birye, Yerusalem mutuku olyayik. Babel weik deiyoknye, el si Nebukadnesar ap, el yin talin nang nirya ap arye, ‘Yerusalem mutuku nang opnamap’ tenen, yayikce Yerusalem mutuku yanuka warikik. Warikikce, Nebukadnesar ap, el mapu ap, nirya arye, Yerusalem mutuku dam bukni, buru tam sik tenda cang kain aik dopmekce aunmek. Tonda, amutuku aik dana-dana nirya weik cang keil poka antanap dongobuka domik ning dam, tuku weik arye, palibuka poka dam tuku welebuka deilinmek.
Minop talak winilamik atonun, tuba tamubuka tonap, Israel ninye arye malye ning weik winilamikba, Allah elilamukce, lik ubukba, ‘Aning ara na like,’ tenebukce, aninye nirya bobuka, Midian tam nang, sik amu tam deibuk. Winibukopura, Midian nang arye Israel ninye obisibikce, sik nong deice ikin ning weik delilamik. Ara, keting tamun tekbarye deice arye Israel ninye taleamik.
Winilamika ati ara, Allah arye aninye bobuka, Kanaan mutuku talibuka, ninye deiyok ulamuknye, el si Yabin biti arebukba, Yabin birye Israel ninye malye kibukabukce aninye talilamuk. Raja Yabin el asik ara, Hasor mutuku ulamuk. Yabin el yin talin nang, sik deiyoknye el si ara, Sisera ulamuk. El asik ara mutuku si Haroset-Hagoyim mutuku dobuka ulamuk.
Winilamikopura, Allah el si Yahweh arye, el yu sik Israel ninye deice deibuk. Winibuka ati, elce sik wenena ati, arebukba, sik buru tam malye nang, mal olan nang arye, Israel ninye yanuka obukabikce, sik bona nirya dalubuka dololamik. Allah arye Israel ninye, ‘Sik malye tenen ati, dauplye, daunamake,’ tenebukce, sik mal olan nang ati mikip arebukba, anang arye dana-dana tam arye, Israel ninye dam yanuka, malye kibuka opra balamik. Allah arye sik Israel ninye ati tonap kum melilamukba, sik mikip kum ubuka anya arye, sik mal olan nang ati, kum opmanto ulamikopura, sik mal olan nang arye malye kilamik. Allah el mikip ara, sik mal olan nang deice deibuka atia.
Tonoknye biryuk, seribu yin nang ati, dobol bitu do? Aning atonun, bitinye nang aryuk, 10.000 yin nang ati, obisiptiringce, ‘Minopce bindoplulume,’ nyaptiring do? Kume, aning ara, kum winipmanto. Dipkoprop sikti, Allah arye anang ara, ‘Dauaplye, sik oploptinge’ tenen, kum nyaplyopura, aning kum winipmanto. Anggun ni Yahweh arye, ‘Israel ninye oploptinge’ tenen, kum nyaplyopura, yuk mutuku nang arye, kum obuka sirya daktinge. Weik mutuku tikne keil, pia aulamle touk, sik ni koproba Allah babye, pia kaliklamuk bukni, Israel ninye, sik wenena ati, Allah arye sikti batakamukba, sik mal olan nang arye, obuka sirya daklamike.
Winibikcopura, atalak aryuk, na sikti, yu weik upnamnile. Winipniliba, sikti, bataknamne. Tonda, sik dam, na memepropnirye, sikti, melibuka kum kaliknyopura, yuk nang arye, Israel ninye obuka malye kipnamake. Tonda, weik mambul ning ap, ikin weik ning ap, tuba sik dam anyuk upliba, kanye imun ning, anggun dam deipnamsile. Ikin weik uplye talak ara, winipliba, sikce nyapnamake, ‘Se, weik mambul ning, nun dam usilye ning ara, nun ni koproba Allah ara, nun dam ton kum ulula ati, ikin weik usulul do? Dipkoprop Allah arye bataksuka ati, ikin usulule,’ nyabuka, malye nyabuka engenamake.”
Ara, Babel mutuku ninye deiyoknye, Nebukadnesar birye, Babel mutuku taleamuka ani, keting tamun ara, tek dikin (19) noutamak bukni, pamubarye wala noutamak tanggal sepuluh deice ara, Babel mutuku yin talin nang arye, Yerusalem mutuku yanuka wekik. Adeiyok koubuka, yayiknye bira, Raja Nebukadnesar, el melibuka balamuknye, el amu tam pil melibuka dolamuknye el si ara, Nebuzaradan birye, Yerusalem mutuku noutamak wekuk. Nebuzaradan bira, Babel mutuku ninye deiyoknye, Nebukadnesar biti, melibuka kaliklamuknye ani. Ara, ‘Yuk nang arye, nun deiyoknye obicak’ tenen, kaliklamuk. Ati, el deiyoknye birye, ‘Winipnamlyame,’ nyapdeibuk touk, Yerusalem mutuku yanuka wekuk.
Raja Babel Nebukadnesar birye, Yehuda tam ulamik nang obukce, ton batakukba, tuba aunmek nang ara, tapu koubuka talibukce, Babel mutuku tamubuka biyuk. Abobiyuk nang ara, Babel mutuku ninye deiyoknye ap, elce deiamukak, deipdanin, yangalamika ani, deiamuk nang, sik pil melibuka dona ap, sikce deiamikba, dadeipdanin balamik nang nirya ati, sik pil melibuka talye dona ap ati, kiamukba daulamik. Winibuka daulamika ani, aminyan talakuk, okaren mutuku Raja Persia welebukce, Babel mutuku malye kibukce, elce taleamuk.
Minop talak ara, na mapu Israel nang arye, malye un ning weik tonun ulamika ani, na Allah arye sik wenena ati, yu upnukba, sikti, pia ikin weik ning sik deice deiamse. Ara, narye dobuka, sik Babel mutuku nang taruk deice deiamsiba, sik Babel nang arye, Israel nang obuka pia malye weik kibik. Winipse bukni, anggun Babel mutuku nang arye, ‘Naʼ tenen, nang, Israel yala nang ati, bico kum tenelamlume. Anggun yu upnaba, Israel nang nirya bukni, sik pia wise-wise nang babye ati, weik ikin ning sik nong deice deibuka daralongolamlume.
Yehuda tam taleamuk ninye deiyoknye, Raja Zedekia bira, Yehuda mutuku taleamuk, keting tamun dumbarye (4) akunum kibuk talak ara, el ap, yuknye ap, sik bitinye arye, Babel mutuku birik. Babel mutuku binuyuk talak ara, ninye si Seraya, el li birye deiamuknye, el si ara Neria ulamuk. Tonda Neria, el li koproba ara, Mahseia ulamuk. Seraya bira, Babel mutuku ninye deiyoknye Raja ati, el amu tam pil melinanye ulamuk. Ati ara, atalak Seraya ap, Raja Yudea Zedekia ap, neika melibukba, Babel mutuku birik. Winiprik talak ara, na nabi Yeremia birye, el Seraya biti, narye sekeipse yupu arepsirye, “Ayupu ara, Raja Babel dam arelbinulyame,” nyapdeipse.
Piblisite