Daniel 9:1 - Eipomek

¹ Media mutuku koproba anye, Ahasiweros, el mi Darius ati, erepdeibikba, elce Babel mutuku ninye ap, Babel mutuku nirya ap, taleamuk. Atalak noutamak bukni, min yuma keting tamun noutamak ara, na Daniel birye, mambul ning kel bikse.

Daniel 9:1 Referans Kwoze

Daniel 11:1

Malaikat arye Daniel biti, dukdongobuka nyabuk yupu ton ani. Media mutuku ninye deiyoknye, el si Darius birye, Raja kibuka, Media mutuku nirya taleamuk talak ara, keting tamun tonok noutam nirya ara, narye el tam kipdopsirye, ‘El ti kalekniba, el mikip ton kipdeipnamneʼ tenen, Darius melilamse.

Daniel 5:31

Babel mutuku ninye deiyoknye, Belsiyasar akunum obikopura, el pununa ati, Midian mutukunye, el si Darius arye, ninye deiyoknye deiyok kibuka, Raja kiamukce, ulamuk. Atalak ara, Darius el upra balamuk talak ara, keting tamun yupa weik, enam puluh dua tahun (62) deice ulamuk.

Daniel 1:21

Daniel bira, pia tuba, ninye deiyoknye Nebukadnesar, el aik pil dolamuk bukni, Persia mutuku taleamuk ninye deiyoknye, Raja Kores yayukce, Babel mutuku taleamuknye ap, el mutuku ninye nirya ap, obuka sirya dakukce, talibuk.

Daniel 6:28

Tonda, Daniel winibuka deice arye, Darius arye, Babel mutuku taleamuk talak nirya, Daniel weiknye ulamukce, telebuk ulamuk. Aning atonun, Darius el pununa ati, Persia mutuku ninye deiyoknye, el si Kores, Babel mutuku taleamuk talak babye, Daniel weik si erenanye ulamuk touk, tuba ulamuk.

Esra 4:6

Tonda, Raja Darius dibukba, el nong pununa ati, el mi Ahasyweros birye tikukce, Raja kiamuk talak ara, anang aryuk surat sekuka, el dam dopdeibikba, malye nyabik. Ara, Yehuda tam ulamik ninye ap, anoutam bukni, Yerusalem mutuku ulamik ninye ap ati, “Anang pil donmaka ara, nun like,” nyabuka surat sekuka dopdeibik.

Ester 1:1

Persia mutuku noutamak, pemerintah deiyok mutuku, el si ara, weik kota Susan uamuk. Persia mutuku nirya talilamuk deiyoknye, el si Ahasyweros ulamuk. Raja Ahasyweros birye taleamuk mutuku nirya ara, pala pia weik mutuku noutam ara, 127 provinsi uamuk. ARaja Ahasyweros birye taleamuk mutuku ara, India mutuku noutamak arye dipdongobuka, Sudan mutuku noutamak nirya taleamuk.

Daniel 1:4

Nyabukce, ayupu ton nyabuk. “Sik aboyanamalam nang ara, sik nong poudongona kum nanguk, wibuka boyanulyame. Anang ara, sik urasin dipdebuka, anyapmakin nanguk, wibuka boyanulyame. Ara, pia urasin teleb nang ap, sekolah weika arye kel kibik nang ap, nyapminya kekebikirye, moubuka kel bikmanto nang ap, aning-aning nirya winilamikce, akunum kel bikamik nang ap, tonda ninye deiyoknye, el ulul aik pum tam pil dopmanto nang ap, wibuka boyanulyame. Winipminyopura, Aspenas ance Babel mutuku yupu nyana ap, sekna ning ap, sekupu yupu nukna ning ap, kel kipnamaka ati, moubuka laka peterepnamlyame,” nyabuk.

Daniel 6:1

Babel mutuku taleamuk talak ara, amutuku nirya bokukabukce, Provinsi yupa weik, 120 bokeibuk. Bokeibukce, Provinsi kipdeibuk touk, Gubenur nang yupa weik, 120 nang wipdeibukba, amutuku-amutuku yuk-yuk talilamik.