Daniel 11:1 - Eipomek

¹ Malaikat arye Daniel biti, dukdongobuka nyabuk yupu ton ani. Media mutuku ninye deiyoknye, el si Darius birye, Raja kibuka, Media mutuku nirya taleamuk talak ara, keting tamun tonok noutam nirya ara, narye el tam kipdopsirye, ‘El ti kalekniba, el mikip ton kipdeipnamneʼ tenen, Darius melilamse.

Daniel 11:1 Referans Kwoze

Daniel 9:1

Media mutuku koproba anye, Ahasiweros, el mi Darius ati, erepdeibikba, elce Babel mutuku ninye ap, Babel mutuku nirya ap, taleamuk. Atalak noutamak bukni, min yuma keting tamun noutamak ara, na Daniel birye, mambul ning kel bikse.

Daniel 5:31

Babel mutuku ninye deiyoknye, Belsiyasar akunum obikopura, el pununa ati, Midian mutukunye, el si Darius arye, ninye deiyoknye deiyok kibuka, Raja kiamukce, ulamuk. Atalak ara, Darius el upra balamuk talak ara, keting tamun yupa weik, enam puluh dua tahun (62) deice ulamuk.

Rasul 14:22

Aminyan talak, amutuku winilye Listra mutuku ap, Ikonium mutuku ap, Antiokia mutuku ap, Yesus diba tenebik nang ati amutuku tamubuka peterepra balamrikce, anang kanye talima kwa dilamrik. Anang talima kwa dilamrik akarye, amutuku nang Yesus diba tenebuka pia talibik ning ara, atalibika atonun, ‘Pia kanye lamabuka unamak’ tenen, sik kanya talima kwa dilamrik. Winilamrikak arye ayupu nyaprik. “Nun diba tenenyap ninye Allah aryuk, pia talipnamsil talak ara, ikin ning pia weik ulamsilya noutamak arye Allah el dam weknamabe, talye parapkabuka kil-kil kanye bon deice aryuk kum wektibye,” nyaprik.

Daniel 10:18

Nyapsopura, el amalaikat, ninye urasin atonunye birye tamubuka, na nong yanuka, bol pipnukba, na mikip tamubuka, yanuka deice arye, tuba na mikip teleb upnuke.

Mazmur 103:20

Aning ati ara, Allah el im deice pil talibuka donyak nang, sik malaikat nirya ara, Allah elce, “Winamlulume, amutuku binuka pil donamlulume,” nyalilul yupu nirya, kekepmunce, anyalye touk pil dobuka ululume. Anggunda, mikip weik malaikat ululume. Allah aryuk, “Wininamlyame,” nyabuka arisilye yupu nirya ara, kekebuka ululume. Ati, anggun malaikat-malaikat nirya babye, Allah Yahweh, el siuk erenamlume.

Daniel 6:1

Babel mutuku taleamuk talak ara, amutuku nirya bokukabukce, Provinsi yupa weik, 120 bokeibuk. Bokeibukce, Provinsi kipdeibuk touk, Gubenur nang yupa weik, 120 nang wipdeibukba, amutuku-amutuku yuk-yuk talilamik.