Atonun, an melipniminya deice arye, na kanye talima noutam babye, ‘Malye tenen ning tonok babye, pia kum teninamne’ tenen, “Melipnilyame!” nyabuka, moropkine na nio. Tonda, ‘Na ap, malye winin ninguk talibuka wininyak nang ap, neika babirye, malye ning winibibyak’ tenen, ance kalekuka melinamnilame na nio. Tonda, sik malye unyak nang arye, Nun ni bira ani’ tenen, isa si erena ati, arenyak din ning, narye ton, ‘Anang ap neika pia kum dinamne’ tenen, “Kalikuka melipnilyame!” nyabuka, moropkine na nio.
Daniel 1:8 - Eipomek8 Daniel birye, pia moubuka tenebukce, ‘Ninye deiyoknye Raja ap, el melin nang ap, sik dinyak din ara, nara kum dinamne. Ara, adin dipnya deice arye, na nong malye bol bopniba, Allah arye kanye kum deipnilyake,’ tenebuk. ‘Na malye kum winipdeipdanune’ tenen, Aspenas biti, ‘Yuk din ton boyanutume,’ nyabukce, binuka morobuk. Gade chapit la |
Daniel 1:8
22 Referans Kwoze
Bukni, yuknye birye, ‘Kume, akil ara, moun dilul bukni, Allah el ninguk tenebuka pil donamne,’ teneplinye bira, yuk nang arye elti, “Nunce winipnulyam nyanyap touk adiparyuk winipnulyam,” nyabuka mikip arye, kum nyabikcebuk, kil patalamlye babye, ‘Kil talye yopnyak’ tenen, el bidamnye aryuk el babye ati, dipdanmantonye bira, anye birye kil kum doptu babye, teleb aryuk unamle. Aning deice arye, malye kum upnamle.
Se, anggun malye winin ninguk talibuka winilulum ninye nirya ara, na dam pia kum yanganamlulume. Deiyok ara, ‘Nara Allah arye, “Aning ara, wininamlume. Aning ara, pia kum wininamlume,” nyapdeipsisi yupu, ‘Pia moubuka kekepnirye, aninguk talibuka wininamne,’ tenenuna ati, anggun malye winilulum nang ara, na dam pia kum yanganamlume.
Aning akunum nyabukopura, ninye deiyoknye Raja arye, “Sik anang asum-asum nirya, dinamaka ati ara, anggur mek ap, dina ap ara, na din dilamap atonun dinuk, sik babye kintinipnulyame. Tonda, keting tamun winilye deice arye, akunum peterepminba, kel kibikcopura, na aik pil dona ati, bobuka yaminba, na weik aik noutamak pil danamake.” Babel mutuku deiyoknye birye, Aspenas biti nyabuk.
Dopkwetebikura, Barnabas Antiokia mutuku biyukopura, Allah arye anang ati, bico tenyamukce, pia teleb kibuka melipmok ning eibukce, pia kanye deibuk. Barnabas kanye deibukce, anang ati nyabuk. “Anggun Yesus diba tenelulum ning ara, batakna kum, pia talibuka unamlulume. Tonda, anggun kanye teniltona kum arye, anggun kanye talima bokoltona kumce, anirya ansinibuka, nun ni Yesus pia arenamlume. El tibuk pia arenamlulume,” Barnabas arye anang ati, teleb yupu nyabuk akarye, sik talima kwa dibuk.
Ayupu nyapmasin touk, ninye nirya ara, sik talima noutamak arye, ‘Winibuka arepnamne,’ tenebikce touk, yuk ninye melina ati, bokuka arenamake. Kanye bokoltoliba, ‘Arepnun do, kum do?’ tenena ap, yuk nang arye anggunti, “Sik adiparyuk areplulume,” nyapsikce ning ap, deice arye arena kume. Sik kanye deibuka pin-pin asa arye arenyak ninye ati, Allah arye, kanye deilisulula ati, nyapsine.
“Anggun Isa Mutuku Dongonye si erena ati, Isa Mutuku Dongonye si erelamlumce, kam ning obuka, meta dobuka arelbalamlume. Tonda, aisa si eren ati, anggur mek ap dobuka, arelbalamlum bukni, wini talak ara, aisa yukupmunba, sik adiparyuk yanuka melipnamsiyak do? ‘Kanye imun ning yangasulul’ tenen, atalye ning yukupmunba, yanuka melipsiting do, kum do?” Allah arye nyapnamle.
Yuk-yuk mutuku noutam binuka ulamik talak ara, sik Israel nang arye, sik Peor mutuku nang arye, isa si erelamik ning ati, ‘Nun ni bira, isa si Bahal aulule’ tenen, atalye ning talilamikce, isa Bahal, el siuk erelamik. Tonda, sik yuk-yuk mutuku nang winilamik touk, sik Israel yala nang babye, ‘Akunum diamik nang, sik kanye arye yanuka nunti melipsitinge’ tenen, kam ning obuka, akunum diamik nang ati, arelamikce, anang sik kanye ati, “Melipsululume,” nyabuka morolamik.
Aning ati ara, Allah arye na ni koprop Daud biti akunum nyapdeiamuk touk winipnamne. Allah el si Yahweh arye, sisinanye Raja Daud biti nyapdeiamuk. “An mi tonoknye bira, an pununa ati, wipdeipnirye Raja tikeipnamne. An mi tiklirye Israel ninye talipnamle talak nirya ara, asukumuk na si eren aik dopnamnile nyabuk.” Allah arye, na ni koproba Daud biti nyabuka ati ara, wini talak narye tenepmana ara, na ni Allah el si Yahweh, el si eren aik dopnamne.
Aning kum winipnamap bukni, teleb ninguk winipnamap ara, surat sekibirye sik dam dopkwetepnamabe. Pia kum winipnamak ning ara, winibuka nyapnamabe. Yata din ning do, ninye arye si talye erenyak ning ap, ‘Talye si erepnamabe’ tenen, obuka arinyak ning ap ara, nun kum dipmanto ning ara, sik Yahudi yala kum ninye babye, adin ning yala nirya pia kum dinamake. Tonda, ubula arye talye yolana nirya pia kum wininamake. Tonda, minop ngang colopdongobuka obikcopura, ining kum saklamle ning nirya nong kalibuka pia kum dinamake. Tonda, ining mek yala nirya pia kum dinamake. Winibuka nyapnamabe,” Yakobus arye nyabuk. Nyabukce, ayupu ton nyabuk.
Aweik deiyoknye birye, pia telebto ning arepsilyopura, dipmunce to lepliba, kanye deipnamlum bukni, anye birye tenepce, malye yupu nyapsiliba, ‘Talye elce el tilila yupu nyapliba, mangkau arye kekepmunce, malye upmunyak’ tenen nyapsine. Ati, ninye deiyoknye birye, pia teleb ning kintinibuka deipsilirye, ‘Telebe, anggun nirya talye dilyalulume,’ nyapsilyopura, pia kanye moubuka teninamlulume. Ara, to weik arye min-min lelamle ning atibuk, pia kum tenenamlulume. Aning winibuka tenepmunya deice arye, din ning delin yo deice delilbimunyopura, tilila ning uka. ‘Ninye deiyoknye birye pia teleb ning arepmasila ara, yata deiyok ati arepmasil do?’ tenen, moubuka tenenamlulume.
Piblisite