Daniel 1:12 - Eipomek

¹² Daniel birye, sik kaliknanye ati, nyabuk. “Nun nong urasin ara, ‘Teleb do, malye do?’ tenen, dipdenamsilam talak ara, like tonok arye dipdongobuka, mapra balamipya ani, like tagu barye (10) sum akunum kiplyopura, ila tuba tonap dipdenamsilame. Bukni, atalak noutamak ara, mula ap, mek ap, diamuk arenamsilyame.

Daniel 1:12 Referans Kwoze

Roma 14:2

Ara, tonoknye el diba tenelya deice arye, din ning aning-aning nirya talye luparabuka dilirye, ‘Se, nara pia malye winipmana do, kum do?’ tenen, el kanye kum teniltolule. Bukni, yuknye bira, el diba tenelul ning ara, mikip mitik tonun ulula anya arye, el kanye arye, ‘Kume, nara, mula yala nirya diptinye bukni, tuku ning yala nirya ara kum diptinye. Tup ning din ara malye winipnyake,’ tenelule.

Daniel 1:16

Winibuka ati, sik kaliknanye birye, aning eibuka kel kibukopura, sik Daniel ap, el kwit capu nang winilye ap ati, ninye deiyoknye Raja arye nyalamukba, el mapu silip arye kintinyamik din ning ara, kum arelamukce, mula ap, mek apuk, arelamukba, aninguk dilamik.

Ulangan 8:3

Tonda, Allah arye anggunti, asilena ati areamsukba din patalamsuke. Winilamsukba, Allah arye, tuba tamubuka im deice arye, din ning el si manna kwaning, arepsukba dilamlume. Akwaneng ara, anggun apu yapu ap, anggun ap, kum elilamlume. Allah arye winilamuk ning ara, anggun kel bikna ati, peterelamsuke. Deiyok ara, ‘Ninye nirya tukwak kwaninguk dilamak deice arye, kam kum unamake. Allah nyasilye yupu deice arye kam unamap,’ tenebuka, ‘Kel kipnamak’ tenen, Allah arye winilelamsuke.

Wahyu 2:10

Amenyan talak ikin ning weik, anggun nong deice upsilyeba, kanye imun kanye bonamluma ati ara, ilil una meme. Na dipkoprop nyapsine. Isa Mutuku Dongonye arye, anggunti, ‘Aninye malye winipting’ tenen, yupu nyapliba, malye nang anggun kan-kan arye, ton ninye dopdobikirye, wenena aik dongonamsika deice arye asilenamsile. Anggunce nati diba tenepnuluma ati ara, ikin ning weika arye anggun nong deice delinamsiake. Ara yupa weik 10 sum deice arye, ikin ning delinamsiake. Winipnamsiaka babye, natibuk diba tenebuka darapdongobuka umunyebuk, malye nang arye oplopsica babye, pia kum bataknamnulume. Pia kum bataknumunyopura, narye anggun dekna ning dolona ati, pia kam una deiyok ning arepsinyeura, pia kamuk unamlume.

Daniel 1:11

Nyabukopura, Daniel birye, Aspenas el melina ati ereibuknye biti, nyabuk. Anye bira Daniel ap, Misael ap, Asarya ap, kalikna ati, wipdeibuknye atia.

Daniel 1:13

Like tagu barye (10) sum akunum uplyopura, Raja arye kintineibuk din ning, wel nang ap, nun ap, urasin dipdenamsilyame. Adeice arye, ‘Dan nang urasin teleb do? Dan nang urasin malye do?’ tenen, dipdebuka, lak nyapnamsilyame. Adipdesiminbuk, ‘Aning ara. teleb ati ara, anyuk wininamlulume,’ nyapnamsilyame. Nun nirya ara, Raja el amu tam melin nanguk ubirye, el teneplye ninguk kekebuka wininamabe.” Daniel birye nyabuk.