Alampu upna, deice tam ara weisa tekbarye uamuk bukni, alampu amu tam, deiyok dam arye dipdongobuka, eitam nirya ara, el nong deice bunga urasin atonun teleb ulamle touk ubuka, puturubuka deibikce, urasin teleb kat ning emas arye, taplakuka memebik. Ataplakuka memebik ning dobuka, aweisa deiyok dam deibukba, urasin teleb ubuk. Aning nirya ara, Allah arye Musa biti, “An bimince, Harun binyak nyapminba, aweisa el urasin winibuka-winibuka dopnamlule,” nyapmok ning ara, anyapmok touk ubuka, Harun birye memebuka deibuk.
Bilangan 8:5
4 Referans Kwoze
Musao, Israel yala ninye noutam bukni, akan-kan arye, sik Lewi yala nang tonok ara, wipnudurume. Aning deiyok ara, ‘Sik Lewi yala nang ara, Allah el mapu uk unamake. El ninguk unamakʼ tenen, sik Lewi yala nang nirya wiprumnyopura, sik malye ning nirya kilina ati, teleb ulin pil dobikirye, teleb kipdeipnamdurume.
Amutuku noutamak biyik talak ara, Allah el si Yahweh arye, Lewi yala nang ati wipdeibuk. Ara, Allah nyalin yupu yo lakase marikna, el si Peti Perjanjian pum tam deiamuk ning ara, anang arye bobuka banamika ati, anang wipdeibuk. Tonda, Lewi yala nang arye, Allah el si eren aik binuka wekikirye, el pil dopnamik ning ap, tonda, ‘Allah arye Israel ninye ati, teleb kipdeipnamsile,’ nyanamik ning ap, tonda, Allah el si erepnamik ning ap ati, Allah arye Lewi yala nang wipdeibukba, wini talak tuba sikce deibikba, dadeipdanin yangalamik Lewi yala nang ara, tuba apil dobuka unyake.
Ura, sik deipkirikrop nye, Lewi birye deibukba, dadeipdanin yangalamik nang, sik Lewi yala nang, yuk nang nirya ara, wipdeiamikba, Allah el si eren aik pum tam pil, yuk pil ton bokuka arebikura, apiluk talibuka ulamik. Atalak ara, Allah el si eren ap, elti, arena ati ara, tenda arye doltakna aik, dobuka kintinip deiamik. Anyaik noutam ara, sik Israel yala nang nirya arye, Allah ati, teleb ning arelamikce, el siuk erelamik.
Piblisite