Bilangan 5:15 - Eipomek

¹⁵ Anye birye, el kil bobuka, Allah ap, ninye ap, elana ati, tia ati doltakna tenda aik, talibuka pil don nang, sik dam boyanganamlule. Imam deiyoknye dam bobinulye talak ara, apil donamlule. Ara, ‘Allah arye, na kil malye winipmal ning ati, namin kiplirye, kum daneipnamleʼ tenen, Allah arin ning ton boyanamlule. Boyanamle ning ara, ani. Gandum duk tekikirye, sice atonun delinyak ning, el si terigu gandum 2.2 liter, memebuka boyanamlule. Atepung ara, minyak zaitun ap, tonda siltong teleb nyalamle ning, el si aram kemenyan ap, min kum taplak deipmace, diparyuk bobuka arelyanamlule. Deiyok ara, anye birye gandum dobuka, Allah ati arepnamle ning ara, el kil malye winyamlye ninguk, tamubuka teninauk, ‘Malye winiplume,’ nyanamle ning ati winipnamle. Aning deiyok ara, akil arye, pia malye winipnamle ning ara, tamubuka tenen ning ati, winipnamle.

Bilangan 5:15 Referans Kwoze

Yehezkiel 29:16

Israel mutuku nang ara, aminyan talak ikin uplyopura, ‘Se, sik Mesir mutuku nang, sikcuk nun ton yanuka melipsiktingce, lyepdopsitinge,’ nyabuka, tuba ton ap, pia kum moronamake. Deiyok ara, aminyan talak ara, Israel nang arye, tamubuka tenebikirye, ‘Se, nun mal olan nang yangalamik talak ara, nunce, ‘Se, Mesir mutuku nang aryuk, melibuka lyepdopsitinge,’ tenebupu talak ara, malye weik ububa anya arye, aning ara ton ap kum winipnamabe. Atalak ara, yata ning deiyok ati, ‘Mesir nang, sikce nun ton yanuka melipsululume,’ nyabuka, morolamupu do? Aning ara, walwal arye wamupube,’ tenenamake. Atalak ara, Israel nang arye, ‘Kume, Allah Yahweh elda aning-aning talibuka, deice tam erebuka, pia mikip weiknye ululeʼ tenen, nati, pia moubuka biknamniake.

1 Raja-Raja 17:18

Winibukopura, ayouwak kil arye Elia biti nyabuk, “Anda Allah el pil dolyamnye binya arye, ance nati yata tenepmanilamce, malye kipmanilam do? Tonda ance na malye unye ning ati, ‘Tuba tonap, moubuka tenepnutue’ tenen, na dam yanmalam do? Tonda, na mi ona ati, yanmalam do? Yata deiyok ati yanmalamba na mi dipmanil do?” nyabuka malye yupu nyanmok.

Imamat 5:11

Ura, yuk yupu ton nyapnune. Winipmanto ara, yatanye birye do nirya, aning-aning pia kum talilulnye, mangkau arye malye winiplyopura, amalye winipmalinye, el malye winin ning lyebuka, teleb kilina ati, yalma maka bitinye do, tonda tekukur maka bitinye do, aning nirya kintinilina kumnye bira, yuk ning kintinipnamlule. Ara, roti kwaning memena deiyok ning, tepung teikmace ning, el si tepung pia teleb ning, boyanamle. Atepung el dekna ikin ara, dua liter memebuka, boyanganamlule. Ateleb tepung ara, minyak zaitun mek ap, tonda nintong teleb nyan ning, el si Kemenyan ap, atepung deice arye kum tabaknamle. Aning bitinye kum tabakuka deipmalye ninguk boyanamlule. Deiyok ara, akintinibuka boyanamle ning ara, dina ati kum bukni, malye ning upmalinye, el malye winipmalye ning, atepung arepnamla deice arye, Allah arye el malye winipmalye ning lyebuka, teleb kilinamle atia.

Ibrani 10:3

Bukni, aketing tamun ap, ila tuba orketing tamun ap deice arye, aning-aning arilamik ning deice ara, keting tamun nirya noutamak arye, sikce, ‘Se, nunda tuba malye unyabe’ tenen, kel kilamik. Sik malye winilamik ning ara, tuba tenenauk ulamik.

Hosea 3:2

Nyamnuk ati, narye akil ak, dekna weik kat ning, el si ara perak, koglom deikin (15) ap, tonda gandum ikin pia weik ning, seratus lima puluh kilo (150) ap, anggur tapu duk mek purubuka deiamik ning mitik anun ap, aning deice arye, akil ati binuka dekse.

Imamat 2:1

Tonda yata nang do, tonok-tonok nang arye koubuka dinyak ning, yakong do, terigu do, beras atonun ning do, ‘Allah Yahweh ati, yanuka arepnune,’ teneplinye bira, pia teleb kibuka teikikce ninguk, el si tepung, pia teleb ninguk boyanamlule. Bukni, minyak zaitun mek arye dikuka deipmalirye, uku dongolamak siltong teleb ning, el si kemenyan arye, adin ning deice siknipdongobuka deipmalye ninguk boyanuka, arelyanganamlule.

Bilangan 5:16

Amalye winipmalye kil, el domlinye birye, aning nirya akunum winiplyopura, Allah Yahweh ap, ninye ap, elan aik pum tam pil dona deiyoknye birye, el kil ati, “Anda Allah dam yanuka tiknulyame. Winibuka yanatikmince, an urasin dobuka, Allah el bulul tam deipnulyame,” nyapnamle.

Yehezkiel 21:23

Bukni, sik Yerusalem mutuku unamak nang arye, aning nirya eibikcopura, ‘Kume, aning ara, tilila ati unmale. Ara, kanye imun ning yanamsila ati, kum uple. Raja Babel birye, el si erena isa, asipdenamle ning ap, elce mirye nyanmalye ning ap, adeice arye winipmalba, el deice lakakipmal ning ara, talye ati winilule,’ tenenamake. Tonda, sikce, ‘Kume, nun ap, Raja Babel ap, pia mikip nyalin yupu deice arye, Raja Babel an ap, nun israel nang ap ara, kum olanamabe. Teleb arye unamabe. Akunum nyapdapu ati, Raja Babel birye nunti, kum yanuka opnamsile. Weik ikin ning ara, nun dam ton kum yasutue,’ tenenamake. Bukni, na Allah arye, sikce malye-malye weik ulamik ning ati, tonap laka nyapnamne deice arye, aminyan kanye tenebikirye, moubuka bikinamake. ‘Se, dipkoprop, nun malye weik ulamupu bukni, wini talak ara, Allah arye wenebuka opnusileʼ tenen, moubuka bikinamake. Anggunce, ‘Se, aning nirya ara, Allah arye nun wenena ati, akunum winipmasilʼ tenen, moubuka bikinamake. Aning nirya winiplyeura, Babel mutuku Rajanye birye, Yerusalem mutuku bilirye, amutuku nang nirya, malye kiplye ning ara, binuka tomoplyeura, elce anggun tapu koupsilirye, el mutuku bobinuka deiplyeura, ikin ning weik, anggun nong deice delinamsile.

Imamat 1:2

Nyabukopura, ayupu ton dukdongobuka nyabuk. Anyapdeipne yupu nirya ara, sik Israel nang nirya arye, moubuka talibikirye, na nyapsinye touk wininamnyake. Dan talak do nirya, Israel nang kan-kan noutam ara, tonok-tonok nang arye, na Allah Yahweh arena ati, “Kam ning bobinuka arepniba, obuka uku danyakce, uku dongolamyak,’ teneplinye bira, el weilamlye ning noutam aryuk, sapi basam do, domba basam do, kambing basam do, maka do, boyanuka arelyanganamlule.