Bilangan 4:23 - Eipomek

²³ Tonda, sik ayala nang nirya, akunum si sekminyopura, mapu dem, sik umur tiga puluh (30) tahun kiamlye nang arye dipdongobuka, itam umur lima puluh tahun (50) kiamlye nang ara, sik si yuk ton wibuka seknamlyame. Sik anang ara, Allah Yahweh ap, ninye ap, eldana ati, tenda arye dolamik aik noutam, pil mikip arye dopmanto nanguk, wibuka si seknamlyame.

Bilangan 4:23 Referans Kwoze

Bilangan 4:3

Tonda, sik ayala nang nirya, akunum si sekdum nang ara, mapu uk, sik umur tiga puluh tahun nemice nang arye, dipdongobuka, itam umur lima puluh tahun (50) kiamlye nang ara, sik si yuk ton seknamdurume. Sik anang ara, Allah Yahweh ap, ninye ap, eldana ati tenda aik noutam, pil yuk-yuk bokuka, dopmanto nang ati, sik si yuk bokuka seknamdurume.

2 Timotius 4:7

Ara, sik yin talin nang arye, batakna kum aniryuk, malye nang ati olbalamikirye, malye kibuka batakalamak touk, akunum winilamse. Tonda, bik-bik nyan nang arye, ‘Dekni ning dopdopnuyap’ tenen, batakna kum, pi deipnarye piribuka bik-bik abuka balamak touk, akunum winilamse. Anyapmakin yupu nong ara, Allah ap, el yupu ap, ati, diba tenyamse ning ara, kum bataklamsirye, pia moubuka tuba talinune. Allah areamnuk pil ara, akunum dobuka sirya daknin banmane.

1 Timotius 1:18

Na mi Timotiuso, minop talak, Allah yupu laka nyana deiyok nang, nabi nang arye, aminyan winipnamuk ning tenebuka, anti laka nyalamik yupu atonun, na babye wini talak kanye arye tonap, ayupu uk akunum nyapmakine. “Winipnamlyam,” nyapmakin yupu deiyok ara, talye ati kume. Ara, yin talin nang arye, malye un ninye ati, pia piribuka mikip arye olbalamak atonun, anyapmakin yupu kekebuka, moubuka talipminya deice arye, Allah el pil teleb ubuka donamlama ati, nyapkine.

Galatia 5:24

Yesus Kristus ati diba tenebibirye, el ap talima dukdongobuka ubibyeura, elce nun talima talisulul ninye ara, wininyabe. Talye tukwak ninye ubirye, nun kanye talima noutam malye ning ulye akarye, talima lilosululba, malye ning patasilye ning ara, aupmal bukni, amalye winin ning kum wininyabe. Deiyok ara, Yesus Kristus wanwanun yo deice dibuk talak ara, nun ap dukdongopsuk anya arye, el dibuka deice arye, nun ton dibupu. Ara, nun ap, Yesus ap talima dukdongopsuk deice arye, nun malye ning patasilye ara obuka, yaniltana atonun unyabe.

Galatia 5:17

Nunda ninye tukwak ninyeuk unyaba anya arye, nun kanye talima noutamak malye ning aupmasilya arye, talima lilosululba, malye ning patasilye ning ara, pia yuke. Allah El Dib Kanye arye, nun talima talisiliba, teleb ninguk patasilye ning ara pia yuke. Apatan ning pia yuk-yuk ati, nun ninye kanye talima ap, Allah El Dib Kanye ap, olana atonun updikcopura, nun kanye tenenarye, ‘Se, teleb winin ning winiptinye’ tenen, patalamsil ning ara, dipkoprop kum uptibye.

2 Korintus 6:7

Tonda, tilila yupu kum nyanyap bukni, pia dipkoprop ninguk nyana ap; Allah el mikip arisilibuk, adeice arye moubuka pil dona ap; aning-aning nirya wininyabe. Anirya ara, yin nang arye, taruk dana-dana tam yin talibuka olbalamak touk, malye winina pia kum, diksukumuk unyaba deice arye, Allah el pil donyabe.

1 Korintus 9:7

Ara, anggun ton tenipdelulume. Winipmanto ning ara, yata yin talinanye birye, el pil dolul ning ati, el dekna arena kum bukni, el bidamnye yo bok deice aryuk ulul do? Kume. Yatanye birye, wa wiamlibani, wa kouamlye ning nong upturye wisiptopura, kum libuka diptu do? Yata kil arye, basam weilamtua, obuka kwaliptingce, akil ati areptingba kum diptu do? Kume, anirya ara, kum winipmanto.

1 Tawarikh 23:27

Ura atalak ara, ninye deiyoknye Raja Daud elce, ‘Winipnamlume,’ nyapdeibukce, sirya yupu nyapdeiamuk touk, sik Lewi yala nang bukni, sik nebikce keting tamun dua puluh tahun (20) eitam kiamne nang dem, sik nong nukuka, sik si sekamik.

1 Tawarikh 23:24

Anyapce eitam sekupu ninye si, anang ara Lewi yala nang arye deiamikba, dadeipdanin yangalamika ani, deiamik nang ulamik. Sik si nukuka sekna ap, sik apu yapu nang si sekna ap, sik deipdanin yangalamik yala nang si sekna ap, sik mapu silip talibuka una deiyok nang yuk-yuk si sekna ap, winilamik touk kintinibuka sekdeibupu. Sik asukum sekupu nang ara, sik deilin keting tamun ara, dua puluh (20) tahun bukni, akunum eitam kiamne nang dem sekeiamik touk, nun babye asukum sekupu. Anang nirya ara, ‘Allah Yahweh el si eren aik mambul pil talibuka dona ati, pil deiyok nang unamakʼ tenen, wibukabikce, apil areamikba, dolamik.

1 Tawarikh 23:3

Lewi yala nang nirya bulupdeibukopura, Raja Daud birye sik nemik nang ati, keting tamun tiga puluh (30) tahun arye, eitam kiamne nang ati, yuk-yuk wibuka nukuk. Lewi yala nang nirya nukukce sik yupa ara, pia weik tiga puluh delapan ribu (38.000) nang kibuk.

Bilangan 4:22

Sik Lewi yala nang bukni, Gerson yala nang ton, sik yuk nuknamdurume. Ara, ‘Sik yupa yata barye unyak do?’ tenen, bikna ati, sik si seknalame. Ara, Gerson birye deibukba, dadeipdanin yanganyak ninye, sik mapu yuk-yuk unyak touk, sik yupa tonok kibuka unyak ninye ap, sik apu yapu nang arye deibikba, dadeipdanin yangalamik nang aulamik touk, nukmince, sik si yuk-yuk seknamlyame.

Bilangan 4:24

Asi sekminye nang, sik pil donamak ning ara, ani. Allah si eren aik, buru tam ulamle ning, Israel ninye yuk mutuku binukce talak ara, sik Gerson yala nang aryuk, aning nirya tongobuka bobanamnyake.

Bilangan 8:25

Bukni, sik anyaik pum tam ulamikirye, pil dolamikiba, keting tamun lima puluh (50) tahun akunum uplyopura, tonap apil kum donamake, adiparyuk apil batakikirye, urdem daunamake.