Bilangan 36:9 - Eipomek

⁹ Aning atonun ara, Israel ninye yala nirya ara, sik apu yapu nang arye taleamik ning ara, atuku sik yala nang ati, ton bokuka yuk yala nang ati arena kume. Deiyok ara, Israel yala nang yuk-yuk bokuka taleamik tuku ara, yuk-yuk yala ninye ati, bokolona kume. Sik babye min arye ataleamik touk, yuk-yuk talibuka unamak tuku ara, sik tuku koproba unamle. Ayupu nirya ara, Musa birye nyabuk.

Bilangan 36:9 Referans Kwoze

Bilangan 36:8

Ati ara, Israel mutuku noutam unyak ninye arye, deilinamak kilapu nirya ara, adiparyuk sik deipdanin yangalamik tam nanguk donamake. Adeice arye, sik apu yapu taleamik tuku ara, sik damnye talibuka unamake.

Bilangan 36:10

Allah el si Yahweh arye, Musa dam ati, “Aning-aning nirya ara wininamlyame,” nyabuk touk, Musa birye laka nyapdeibukba, ninye si Zelafehat birye deibuk kilmapu, sik pamubarye kilapu nirya ara, anyapdeipmok ning atonun winibik.

Bilangan 36:7

Bukni, mambul weik ning ara, ani. Tuku bokuka dolona ati ara, Israel ninye yala yuk-yuk bokuka, sik apu yapu nang arye taleamikce ning ara, sik ayala nanguk pia talinamake. Tonda, sik taleamikce tuku ara bokuka, yuk yala nang ton dolona ati, arena meme. Israel ninye yala nirya ara, sik apu yapu nang arye taleamik tuku, ayala nang aryuk pia talinamake.

Yosua 24:28

Yosua birye, ayupu sirya akunum nyabukce, elce, ‘Dabilulume,’ nyabukopura, Israel ninye asukumuk batakikce, sik mutuku yuk-yuk tamubuka binukabikce, talibuka ulamik. Ara, Allah arye areamukba, dopromik mutuku binuka ulamik.

1 Samuel 26:19

Ati ara, na an amu tam pil donanye birye, nyapmakin yupu ara, kekepnunilyame. Ara, winipmanto ara, na an pil donanye biti, Allah Yahweh arye, “Anye bira opnamlyame,” nyapdeipmakilba, bobanmaniminya ani, ance na opniminyopura, Allah el kanye deipnamakile. Bukni, ‘Ance kum opnamanilamʼ tenen, Allah ati teleb ning areptinyopura, Allah arye, kanye deipnuturye, “Dawinipmalye, anye bira, kum opnamlyame,” nyabuka, luba kipnutu do? Bukni, winipmanto ara, na deiyoknye, Allah arye kum bukni, talye ninye aryuk tenibuka, nyapmakiyak deice arye, ‘Anye opnune,’ tenepminyopura, Allah arye, sik anang ati ara, supnamle. Deiyok ara, sik aninye unyaka deice arye, na an pil donunye bira, Allah el dam arye yakniliba, Allah arye kalikilul nang, Israel ninye kan-kan ton, kum uptinye. Ati, ‘Yata wiripnuna kumaʼ tenen, sik yuk mutuku ninye dam tikilbisirye, amutuku nang arye, talye ning isa mer siuk, erebuka unyak touk, ‘Sik ap, unyap talak ara, na babye isa si erepnyakʼ tenen, nyapkine.

1 Raja-Raja 21:3

Nyabuk bukni, Nabot birye tamubuka ninye deiyoknye Ahab biti nyabuk. “Na anggur wa wipse mutuku ara, na apu yapu arye taleamik mutuku tuku ati ara, na deiyoknye an moropmanilam ning ara, telebe kum nyapnukine. Nun ni Allah el si Yahweh, el kanye babye, ‘Aning malye,’ tenelulule,” nyabuk.