Bilangan 34:9 - Eipomek

⁹ Tonda anyapce, otam Zifron mutuku dam arye dipdongobuka, sirya tam ara, Hasar-Enan mutuku ara utara dabu tam (arah utara) mutuku tuku wililonak ton asukumuk deipnamlulume. Anoutam uamuk tuku ara, binuka dopropnamlume.

Bilangan 34:9 Referans Kwoze

Yehezkiel 47:17

Wini buka wilipdopnamluma ati, dabu tam (arah utara) wililonak ara, weik laut mekwen, Laut Tengah deibuk dam arye, deiyok kibuka, keting panalyangan tam binamunya ani, otam binuka wilipdopnamlume. Tonda, anyapce dipdongobuka, Hazar-Enon mutuku noutam dilbinamlule. Tonda, Hazar-Enon mutuku bukni, iknapye tam (arah selatan), Damsyik mutuku ubuk. Israel nang mutuku tuku dopropnamaka ning ara, Damsyik mutuku arye, iknapye tam bukni, (arah selatan) dipdongobuka, Hamat mutuku ap, dabu tam (arah utara) mutuku noutam wililonak tam upnamle.

Bilangan 34:8

Tonda, Hor mutuku tam arye, dipdongobuka keting panalyangan tam mutuku si Hamat mutuku bisik ban tam, anyapce Zedad tam ap, dipdongobuka wililonak deipnamlulume.

Bilangan 34:10

Ura keting panalyangan tam mutuku tuku wililongonak ara, Hasar Enan tam mutuku arye dipdongobuka, iknapye tam (arah selatan) bukni, Zefam mutuku tam arye binuka, wilipdopnamlulume.

Yehezkiel 48:1

Allah Yahweh arye, Yeheskiel biti ayupu nyabuk. Israel nang dopropnamaka tuku ara, bokuka arepnalyame. Dabu tam, (arah utara) mutuku noutam ulamik Israel yala nang ara, sik tuku wililamikak ati, ayupu lak nyapdeibik. Israel nang ulamik tam bukni, pia dabu tam sirik tam ara, Helton tam ban bisik bukni, deiyok kounak ara, mutuku si Lebo-Hamat dam arye, deiyok kobikce, atam dipdongobuka, keting panalyangan tam wilyamikce deibik. Ara, weik laut mekwen, el si Laut Tengah (Mediterania), el cang ara, keting panalyangan tam wilibuka dopropmekce, otam asik si ara, Hazar-Enan mutuku dam kiklibuka deibik. Ura, Hazar-Enan mutuku ara, Damsyik mutuku wililonak dam bukni, dabu tam, sirik tam uamuk. Tonda, Hamat mutuku ara, asukumuk bukni, deice tam, iknapye tam uamuk. Abinamik mutuku wililongonak ara, Damsyik mutuku ap, Hamat mutuku ap, dana-dana wililonak binamik. Ara, Israel yala nang arye, atuku ara, bokuka, tonok-tonok talinamak tuku wililongonak ara, keting panalyangan tam arye dipdongobuka, keting kumulban tam bukni, Laut Tengah damuk binuka deibik. Iknapye tam ara, sik Dan yala nang ati, tonok tuku bokuka arepnalyame.