Bilangan 33:49 - Eipomek

⁴⁹ Israel nang, sik tenda aik ara, Yordan mek lilunakuk bukni, mutuku si ton Bet-Yesimot mutuku arye dipdongobuka, Abel-Sitim mutuku binuka, sik doltakan tenda, aik deibik. Ara, Moab mutuku lu tam binuka, sik doltakan tenda, aik deibik.

Bilangan 33:49 Referans Kwoze

Yehezkiel 25:9

Sikce winibuka, Yehuda mutuku nang ati, malye yupu nyalamika ati, na Allah arye dipkoprob nyapne. Moab mutuku tuku wililonak, weik asik dobuka, unyakak nirya ara, opnirye sirya obuka bataknamne. Ara sikce, ‘Amutuku-amutuku ara, pia teleb mutuku. Amutuku unyak mikip nang arye, kalikinamsiake. Nun Moab noutam unyap nang ati, ‘Yuk mutuku yu nang arye yanuka opsicakʼ tenen, kalikinamsiak,’ tenenyake. Tonda, sikce, ‘Nun mutuku noutam, weik asik ton dobububa, amutuku-amutuku nirya ara, mitik mambul bukni, pia mambul mutuku ara, aning,’ tenenyak mutuku ara, narye ulubuka, sice buklopnamne. Ara, Bet-Yesimot mutuku ap, Bahal-Meon mutuku ap, tonda Kiryataim mutuku ara, narye amutuku noutam unyak nang nirya, obuka batalopnamne.

Yosua 13:20

Tonda, Beed-Peor mutuku ap, Pisga mutuku bukni, amutuku bukamuka irikna tam ap, Bet-Yesimot mutuku ap nirya ara, Musa birye dobuka, Israel nang kan-kan noutam, sik yala yuk-yuk ulamik touk, bokuka arebuk.

Yosua 2:1

Ninye si Nun, el mi Yosua birye, ninye bitinye nang wipdeibuk. Ara, ‘Kanaan mutuku noutamak bukni, mutuku si Yeriko mutuku dilbinamdak’ tenen ati, anang wepdeibuk. Yuk nang ton, laka kum nyabuk bukni, elcuk abitinye nang wipdeibukce, Sittim mutuku arye wipdeibuk. Dopdeibukce nyabuk. “Anggun bitinye nang ara, Kanaan mutuku nirya dilbinamarume. Tonda, weik mambul ning ara, weik ninye asik donyakak ara, Yeriko mutuku dipdenamdurume,” nyabuk. Nyabukura, abitinye nang ara, Yeriko mutuku birikopura, sal arye yo bok arebuka, talye-talye yoldalamik kil, el si ara Rahab, el aik wekdikce, tia talak ati aunmarik. Anyaik wekdika deiyok ara, ‘Yu nang arye opsicak’ tenen, dungnubuka birik.

Keluaran 25:23

Ura, anggun adiparyuk, akasia yo dobuka, amarikna arye, roti kwaning dabuka, delin meja memepnamlume. Ameja el cang ara, 88 sentimeter, el pala ara, 44 sentimeter. Tonda, asukum tikilinak, el cang (tinggi) ara, 66 sentimeter kiklibuka memepnamlume.

Keluaran 25:10

Akasia yo lakase moubuka mememunce, peti yo dobuka, marikna atonun kintinipnamlume. Apeti yo pum memena ati ara, el cang ati kiklilena ara, 110 sentimeter kiplyopura, moubuka dopnamlume. Tonda, el pala anerye eitam ap, uapce dipdongobuka asukum tikilinak ap, kiklilena ati ara, atonun 66 sentimeter upnamle.

Keluaran 25:5

Tonda, yim kambing basam obuka, bola kobuka, ining bi ning likiamikce ning ap, tonda laut mek kwen pum noutam ulamle ning, el si lumba-lumba, el bola namin teleb ning ap, tonda akasia yo ap, arelyanganamake.

Bilangan 22:1

Israel ninye bisik balamika ani, Kanaan tam noutamak bukni, Moab mutuku noutamak weik lyu mutuku biyik. Abiyikce, sik doltakna aik binuka dobik. Amutuku ara, Yordan mek atam ara, weik asik dolamik mutuku, el si ara, Yeriko mutuku dam binuka dobik. Yeriko mutuku otam, amutuku binuka, atalak ara, Yordan mek kup-kup, sik doltakna aik binuka dobik.

Bilangan 33:50

Moab mutuku tam, Yordan mek lilunuk bukni, Yeriko mutuku dam unmek talak ara, Allah Yahweh arye Musa biti, ayupu nirya nyapdeibuk.