Bilangan 33:45 - Eipomek

⁴⁵ Sik nirya amutuku arye batakuka, asik oldem uamuk mutuku, Dibon-Gad mutuku uk binuka, sik doltakan tenda aik deibik.

Bilangan 33:45 Referans Kwoze

Bilangan 21:12

Dobuka, mapmeka, berekukopura, sapi basam bol arye doltakne tenda aik ara, ulubukabikce, amutuku ara batakuka, bisik banmeka ani, mutuku si ton, Zeret lu mutuku binuka, sik tenda aik ara, tia ati abinuka dobuka unmek.

Bilangan 33:44

Obot mutuku aunmika ani, batakuka Abarim mutuku ara, Moab mutuku tam binuka, sik tenda aik deibik.

Bilangan 33:46

Dibon-Gad mutuku binuka, tenda aik deibuka unmika ani, amutuku batakuka Almon-Diblataim mutuku binuka, sik tenda aik deibik.

Bilangan 21:18

Tonda, nyanmek, “Amutuku kon lukamik ning ara, amutuku nang, sik deiyok nang ap, minop deiyok kouamik nang ap, sik kama arye, amutuku kon mek lukuka memamik. Tonda, sik deiyok taleamik ning ara, lakakina ati, cang taca yo ton bopmacak arye, amutuku kon mek, tuku palyamik dam binuka, unmake,” nyabuka, mot nyabik. Amot nyabikura, amutuku pata ara, batakuka, bisik binmeka ani, otam pata mutuku ton biyik. Amutuku si ara, Matahan mutuku binuka, tia aunmeka ani, amutuku babye batakuka biyik.

Bilangan 32:34

Amutuku tuku nirya akunum arebukura, sik Gad yala nang arye tamubuka dolamik mutuku asik ara, ani. Ara, Dibon mutuku ap, Ataror mutuku ap, Aroer mutuku ap, tonda,