Bilangan 33:10 - Eipomek

¹⁰ Atalak ara, Elim mutuku batakikce, sik aik ara, weik laut mekwen, el si Teberau Laut mekwen, lilunakuk sik dolamik tenda aik ara, binuka deibik.

Bilangan 33:10 Referans Kwoze

Keluaran 17:1

Atalak ara, Israel ninye nirya, Allah el si Yahweh arye, “Aning ara, wininamlulume,” nyabuk touk, amutuku-amutuku nirya bisipnin balamik. Balamika ani, mek kumak anya arye, ninye kum ulamik mutuku, mutuku si Sin mutuku arye dinibukabikce, mutuku si ton Rafidim mutuku biyikce, cang baju arye barasik, binuka dobik. Aik dobik bukni, amutuku noutamak babye, mek pia kum uamukba, sik Israel ninye arye mek kum dinmek.

Keluaran 16:1

Elim mutuku daulamika ani, aminyan talak wala bitinye ning noutam bukni, Mesir mutuku batakik talak arye nukuka, wala tonok deice arye abalamikba, wala bitinye tanggal lima belas akunum ubukopura, atalak ara Elim mutuku batakuka ninye kum ulamik mutuku noutamak, mutuku si Sin mutuku wekelbiyik. Sin mutuku ara, Elim mutuku atam, Sinai mutuku ortam, anoutamak ubuke.

Bilangan 33:9

Mara mutuku binuka unmika ani, amutuku ton batakuka, sik doltakan tenda aik ara, Elim mutuku binuka deibik. Amutuku ara, weik pata mutuku noutam bukni, amutuku ara, mek pu ara 12 awamuka ati, tonda Korma yo tujuhpuluh (70) ton amutuku tekamuk.

Bilangan 33:11

Weik laut mekwen lilkwa binuka, tenda aik deibik bukni, tamubuka sik aik ulubuka, pata mutuku ara, mutuku si Sin mutuku binuka, sik dolamik tenda aik binuka deibik.