Bilangan 32:42 - Eipomek

⁴² Tonda tonoknye el si Noba arye, Kenat mutuku asik bobuka, ulamik mutuku binuka, amutuku ninye obuka sirya dakukce, amutuku nirya ara, doprobuk. Doprobukce, amutuku noutam ati ara, “Amutuku ara, el si Nobah mutuku,” nyabuka, si dobuk. Ara, el si atonun tenebuka, amutuku si dobuk.

Bilangan 32:42 Referans Kwoze

Mazmur 49:11

Anggun nirya moubuka tenipdelulume, yata nang do nirya, kel weik bikamik nang nirya babye, dibinyake. Sik walwal nang babye, aning-aning nirya ati, moubuka kum tenenyak nang babye, dibikiba, kum danalule. Ninye tukwak nang nirya ara, akunum dibikcopura, sik talilamice bona nirya ara, yuk nang arye dolonyake.

2 Samuel 18:18

Ura, Absalom tuba kam ulamuk talak arye, ‘Na mi min kum deipsa ati, na nong pununa kum upnamnile anya arye, na si kum upnamle’ tenen, weik cang keil ikuka tikeibuk. Akeil ikuk mutuku ara, Yerusalem asik domikak bukni, keting yangan tam, mitik yukak arye ikdeibuk. Amutuku ara, lyu mutuku uamukba, amutuku nang arye, “Nun ninye deiyoknye, Raja el lyuak,” nyalamik. Absalom birye, cang keil ikdeibukce, akeil ap, amutuku ap ati, el sisibuk. Ara, ‘Ninye arye, na si tuba tenepnamak’ tenen, el sisibuk. Amutuku ara, “Absalom, el cang keil ani,” nyalamik. Akeil ati ara, ninye arye, “Absalom el cang keil ara, ani,” tuba nyanyake.

Hakim-Hakim 8:11

Sik daunmeka ani, Gideon birye, ‘Anang olbinun’ tenen, ninye mangkau talye lak balamik bisik kum biyuk. Elda, duknubuka ninye kum balamik bisik biyuk. Ara, abin obin kelamik ninye, sik laka kum balamik bisik deice, mutuku si Nobah mutuku ap, Yokbea mutuku ap bukni, keting panalyangan tam biyuk. Midian nang mangkau kanye bobuka awekmekbuk, Gideon talye karin arye binuka, aunmek yin nang obuka sirya dakuk.