“Se nun ni yapu, atam dinmap mutuku si ara ani. Ara, Atarot mutuku ap, Dibon mutuku ap, Yaezer mutuku ap, Nimra mutuku ap, Hesyebon mutuku ap, Eleale mutuku ap, Sebam mutuku ap, Nebo mutuku ap, tonda Deon mutuku ap eipmabe. Asi nyapmap mutuku nirya ara, sapi basam weinak ati ara, amutuku pia teleb mutuku ulule. Ati, nun tenepmaba ara ani. Nun ni koproba Allah Yahweh arye meliamubukba, nun Israel yala nang arye, sik Midian mutuku nang nirya, amutuku noutam ulamik nang nirya ara akunum obuka sirya dakupu. Bukni, amutuku nirya ara, nunce weinyap kam ning ara, amutuku bobitibye ura, dipkoprob teleb upsutue. Deiyok ara, nunda anggun amu tam unyap nang ara, nunce weinyap ning ara, amutuku noutam arye weiptibyeura, pia weik upnamsile atia,” nyabik.
Bilangan 32:36 - Eipomek36 Bet-Nimra mutuku ap, tonda Bet-Haran mutuku ap ara, sik anang arye binuka, weik asik dolamik. Adobik asik nirya ara, pia ati sik asik koproba kibuka una ati, amutuku bitinye ara, cang keil poka dopdongobikce, antanap dongobuka deibik. Tonda, sik talibuka weilamik ning, sik domba unak ati ara, keil poka ton dopdongobikce, kintinip deibik. Gade chapit la |
Bilangan 32:36
4 Referans Kwoze
Tonda, ninye deiyoknye Raja Sihon, elce amutuku-amutuku taleamuk talak ara, Hesyebon mutuku noutam ulamuk. Amutuku ara, Musa birye doprobukce, mitik tonunuk, bokuka arebuk. Amek kup-kup ara, asik si Bet-Haram mutuku ap, atouk Bet-Nimra asik ap, Sukot asik ap, tonda Zafon asik babye, bokuka arebukba, Kat yala nang arye doprobik. Tonda, Kat yala nang arye, doprobik mutuku bukni, keting kumulban tam ara, Yordan mek ton ounmok bukni, amutuku wililamik, eitam (tonda utam) mutuku ara, weik mek kwen Galilea ton deiamuk. Anyapce dipdongobuka, otam keting panalyangan tam ara, wililamik mutuku ton uamuk.