Bilangan 32:35 - Eipomek

³⁵ Atarot-Sofan mutuku ap, Yaezer mutuku ap, Yokbeha mutuku ap,

Bilangan 32:35 Referans Kwoze

Bilangan 32:3

“Se nun ni yapu, atam dinmap mutuku si ara ani. Ara, Atarot mutuku ap, Dibon mutuku ap, Yaezer mutuku ap, Nimra mutuku ap, Hesyebon mutuku ap, Eleale mutuku ap, Sebam mutuku ap, Nebo mutuku ap, tonda Deon mutuku ap eipmabe. Asi nyapmap mutuku nirya ara, sapi basam weinak ati ara, amutuku pia teleb mutuku ulule. Ati, nun tenepmaba ara ani. Nun ni koproba Allah Yahweh arye meliamubukba, nun Israel yala nang arye, sik Midian mutuku nang nirya, amutuku noutam ulamik nang nirya ara akunum obuka sirya dakupu. Bukni, amutuku nirya ara, nunce weinyap kam ning ara, amutuku bobitibye ura, dipkoprob teleb upsutue. Deiyok ara, nunda anggun amu tam unyap nang ara, nunce weinyap ning ara, amutuku noutam arye weiptibyeura, pia weik upnamsile atia,” nyabik.

Bilangan 32:1

Ura, sik Ruben yala nang ap, Gad yala nang ap, sikce weilamik kam ning ara, pia weike uamuk. Pia weik ubuka ati, sikce Yaezer mutuku ap, Gilead mutuku ap, eibikce utenebik. ‘Se, amutuku bitinye ara, sapi basam weinak ati, amutuku ara, pia teleb mutuku ati, nunce weinyap ning ara, amutuku noutam arye weitibyeura, pia teleb uptue,’ tenebik.

Bilangan 32:34

Amutuku tuku nirya akunum arebukura, sik Gad yala nang arye tamubuka dolamik mutuku asik ara, ani. Ara, Dibon mutuku ap, Ataror mutuku ap, Aroer mutuku ap, tonda,

Bilangan 32:36

Bet-Nimra mutuku ap, tonda Bet-Haran mutuku ap ara, sik anang arye binuka, weik asik dolamik. Adobik asik nirya ara, pia ati sik asik koproba kibuka una ati, amutuku bitinye ara, cang keil poka dopdongobikce, antanap dongobuka deibik. Tonda, sik talibuka weilamik ning, sik domba unak ati ara, keil poka ton dopdongobikce, kintinip deibik.

2 Samuel 24:5

Sikce nukulbinmek talak ara, Yordan mek koubuka, oketeng yangan tam akunum biyikopura, Yoab ap, el melin nang ap nirya, sik binmek mutuku ara, Kat yala ninye arye doprobik tam bukni, weik lu mutuku noutam ara, anyasik dolamik ning si ara, Aroer mutuku iknapye tam binuka nukunmek. Adinibuka, eitam bisik nukulbinmekce, Kat mutuku noutam bukni, weik asik aruma ton dolamik ning binuka, Yaezer mutuku dam nukul biyik.

Hakim-Hakim 8:11

Sik daunmeka ani, Gideon birye, ‘Anang olbinun’ tenen, ninye mangkau talye lak balamik bisik kum biyuk. Elda, duknubuka ninye kum balamik bisik biyuk. Ara, abin obin kelamik ninye, sik laka kum balamik bisik deice, mutuku si Nobah mutuku ap, Yokbea mutuku ap bukni, keting panalyangan tam biyuk. Midian nang mangkau kanye bobuka awekmekbuk, Gideon talye karin arye binuka, aunmek yin nang obuka sirya dakuk.

Yesaya 16:8

Tonda, Hesyebon mutuku noutam, wa wilamikce ning nirya ap, tonda Sibma mutuku anggur tapu wa wibuka koulamika nirya ap ara, sesal seprobukba, sik mal olan nang arye, aning nirya kum kipdeibik. Minop talak ara, sik yuk mutuku talibuka, ninye deiyok kilamik nang arye, Moab mutuku noutam kintinip deiamik anggur mek, kanye walwalalamak ning ati, yanuka dekuka dilamikak, kanye pia walawalamik. Bukni, wini talak ara, anggun anggur pia teleb ninguk, wilamlum wa dam nirya ara, akunum kum kipdeipsike. Min talak, anggun anggur wa wilamluma ara, wibinamna ani, karin mutuku si, Yaezer mutuku bindeibukba, keting yangan tam, ninye kum mutuku bobinuka, tonda keting kumulban tam ara, weik laut mekwen, el si Laut Mati koubuka, otam bisipnarye wilamik. Bukni, wini talak ara, aning nirya akunum kum dasile.