Bilangan 32:34 - Eipomek

³⁴ Amutuku tuku nirya akunum arebukura, sik Gad yala nang arye tamubuka dolamik mutuku asik ara, ani. Ara, Dibon mutuku ap, Ataror mutuku ap, Aroer mutuku ap, tonda,

Bilangan 32:34 Referans Kwoze

Ulangan 2:36

Nun ni Allah Yahweh, el mikip weik deice arye, nunti meliamsukba, Raja Sihon birye taleamukba, el tam nang ulamik mutuku asik dolamika nirya ara, alubuka dopromubu. Ara, Aroer asik dolamika ara, Arnon mek lilun tam uamuk mutuku ap, tonda amek duman noutam ulamikce, asik dolamik ning ap, anerye dipdongobuka, otam Gilead mutuku ap, anoutam mutuku nirya ara, alubuka dopromubu. Raja Sihon taleamuk mutuku noutam nirya ara, sik asik dana-dana tam weik cang keil poka domik ning, awamuk bukni, aning-aning nirya ati ara, uluplobuburye, anyasik dolamika nirya ara, “Se, aning ara, kanye imun upsila anya arye, bataknamabe,’ pia kum tenyamupu. Amutuku nirya, malye kibuburye, alubuka dopromubu.

Bilangan 32:3

“Se nun ni yapu, atam dinmap mutuku si ara ani. Ara, Atarot mutuku ap, Dibon mutuku ap, Yaezer mutuku ap, Nimra mutuku ap, Hesyebon mutuku ap, Eleale mutuku ap, Sebam mutuku ap, Nebo mutuku ap, tonda Deon mutuku ap eipmabe. Asi nyapmap mutuku nirya ara, sapi basam weinak ati ara, amutuku pia teleb mutuku ulule. Ati, nun tenepmaba ara ani. Nun ni koproba Allah Yahweh arye meliamubukba, nun Israel yala nang arye, sik Midian mutuku nang nirya, amutuku noutam ulamik nang nirya ara akunum obuka sirya dakupu. Bukni, amutuku nirya ara, nunce weinyap kam ning ara, amutuku bobitibye ura, dipkoprob teleb upsutue. Deiyok ara, nunda anggun amu tam unyap nang ara, nunce weinyap ning ara, amutuku noutam arye weiptibyeura, pia weik upnamsile atia,” nyabik.

Yesaya 17:2

Winipnyeura, Siria mutuku noutam unyak mutuku nirya ara, ninye ton kum unamake. Pia ati bataknamake. Winibikirye, asukum ara ninye arye kam ning domba totoa weinak kipnamake. Akam ning unamakak ara, ninye tonoknye yalirye kum yanuka yakwetepnamle ati, adomba basam ap, kambing basam ap ara asukumuk mabikirye ilil kum unamle.

Bilangan 21:20

Bamot mutuku tia mapmeka ani, amutuku arye batakuka, bisik banmeka ani, Moab nang mutuku lu uamukak biyik. Amutuku ara, weik arye bukamuk mutuku el si ara, Pisga mutuku aryuk welebikce, weik pata mutuku ton eibik. Apata mutuku noutam ara, ninye ton pia kum ulamik. Yo ap malmalya dem ulamuk.

Bilangan 21:30

Bukni, wini talak ara, nun Israel yala nang arye, Raja Sihon ap, sik Amori nang arye deipneba, dadeipdanin, banyak nang ap nirya ara, akunum obuka kum kipdeipmabe. Ara, eitam mutuku, Hesibon mutuku bisik banak arye dipdongobuka, outam mutuku, Dibon mutuku babye, amutuku-amutuku unyak nang ara, akunum malye kibuka, obuka sirya daknamabe. Tonda, Nasim mutuku arye dipdongobuka, Nopa mutuku dam ap, Medeba mutuku dam unyak nang nirya ap, obuka sirya dakukce, kum kipdeipmabe,” nyabik.

Bilangan 32:35

Atarot-Sofan mutuku ap, Yaezer mutuku ap, Yokbeha mutuku ap,

1 Tawarikh 5:8

Bel el li koproba el si ara, Asas ulamuk. Asas el li koproba el si ara, Sema ulamuk. Sema el li koproba el si ara, Yoel ulamuk. Ruben birye deiamukba, dadeipdanin yangalamik yala nang ara, yupa weik ulamik. Ruben birye deiamukba, dadeipdanin yangalamik nang, ton tam nang ara, Aroer mutuku weik asik dam ulamik. Amutuku arye bulubuka binamika ani, utam ara, Nebo mutuku asik ap, Bahal-Meon mutuku asik binuka, dobuka daulamik.

Hakim-Hakim 11:33

Yefta birye, Amon yala nang weik tonun opnin banmoka ani, ninye weik obuka sirya dakuk. Ara, Aroer mutuku arye dipdongobuka, Minit mutuku, cang weik mutuku dam ara, sik weik asik dolamik ara, dua puluh kota (20) ap, tonda Abel-Keramim mutuku noutam ulamik. Amon yala nang babye, sik nirya obuka sirya dakuk. Israel nang arye, Amon yala nang nirya obikba, weik dibika deice arye, Israel nang akunum mikip weik kibikce, erebuka deice tamto ulamik bukni, sik Amon yala nang ara, ninye pia weik obuka, kum kipdeipnin balamika ati, sikda pia amu tamto ulamik.