Bilangan 31:9 - Eipomek

⁹ Aning nirya akunum obuka sirya dakik ura, Israel ninye arye Midian mutuku kilapu nirya ap, sik akilapu arye deiamik mitik mapu nirya ap, tomobuka boya yayik. Tonda, sik Midian mutuku nang arye taleamikce weilamik kam un ning, sapi basam ap, kambing basam nirya ap, tonda, sikce weilamik ayam maka atonun ning nirya ap, sikce talibuka ulamik dekna weik ning nirya ap ara, alubuka doprobik.

Bilangan 31:9 Referans Kwoze

2 Tawarikh 28:5

Raja Ahas el isa si erelamukce, malye weik ulamuka deice arye, el si erelamuk Allah Yahweh arye wabukce, lo arebukba, Siria mutuku taleamuknye Raja birye obuka, sirya dakukce, Yehuda mutuku nang weik tonun tomobuka, Damasyik mutuku delilbinamuk. Tonda, Allah Yahweh arye, Ahas biti kum melibukopura, Israel mutuku taleamuknye Raja Remalya, el punubuknye, el mi Pekah birye, yuk talak ton yanuka, obuka sirya dakukce, tonok sum arye adiparyuk Yehuda mutuku yin talina mikip weik nang yupa ara, seratus dua puluh ribu (120.000) nang obuk. Deiyok ara, Yehuda tam ulamik nang arye, sik deipkirikdop nang si erelamik Allah ara, batakikce, yuk tam kipdobika atia. Winibika ati, Allah arye, sik kum melibukce, batakuk deice arye, aning ara winibuk. Ara, Yehuda mutuku ulamik nang nirya arye, Allah nyabuka touk, kum winibuka deice arye, sik deice uk ikin ning yayukba doprobik.

Ulangan 20:14

Winipnamlum bukni, amutuku kilapu ap, mapu ap, tonda sikce talibuka weilamak ning nirya ap, yata yala ning do, amutuku noutamak ulamle ning nirya ara, dolonamlulume. Anggun mal olan nang arye, taleamice ning nirya ara, dalubuka dopropmunce, anggun diamuk talibuka unamlulume. Ara, anggun ni koproba Allah Yahweh, el mikip arepsilya deice arye, yuk mutuku ninye nirya, obuka sirya dakmunce, sik taleamice ning nirya dopropnamlulume. Dopropmunyopura, angguncuk aning nirya, talibuka unamlulume.

Bilangan 31:8

Aonmek talak aryuk, Midian mutuku ninye deiyok kibuka taleamik nang, sik pamubarye weik nang babye obik. Anang sik si ara ani. Hewi Rekem ap, Zur ap, Hur ap, tonda Reba ap obik. Atalak uk Beor el mi Bileam babye, parang ya arye obikba dibuk.

Bilangan 31:10

Winibikopura, sikce talibuka ulamik mutuku-mutuku nirya ap, ap aik dobuka ulamikak nirya tia ati ulamik tenda aik nirya ap ara, uku arye dabuka sirya dakik.

Kejadian 34:29

Winibuka dololamikce, amutuku kilapu nirya ap, amutuku mapu nirya ap, sik dekna weik ning ayala-yala nirya ap, sik aik pum delilamik ning nirya ap dolonmek.

Bilangan 31:53

Aning nirya ara, yala-yala weik, yuk-yuk aubuk ning ara, sik yin talin nang arye, Midian mutuku nang malye ubik talak ara, sik yuk-yuk arye aning alubuka dopropmik. Atalak ara, sikce aning nirya ara, sik babye unamik ati, ton bokuka doprobik bukni, aminyan talak ara, Allah Yahweh el si erena ati, Musa dam boyanuka arebik.

2 Tawarikh 14:15

Aninguk kum bukni, tonda aunmek talak aryuk, sik amutuku nang arye talebuka weilamik domba toto ning aik dam nirya babye oplopra biyik. Winibik ati, amutuku-amutuku noutam nirya, sik domba basam ap, kambing basam ap, unta basam ap pia weik arye dalubuka doprobikce, bobiyik. Aning nirya akunum winibikura, Asa ap, el yin talin nang ap, adiparyuk tamubuka, Yerusalem mutuku uk biyik.