Bilangan 3:21 - Eipomek

²¹ Gerson birye deibukba, dadeipdanin balamik nang sik si ara, Lipni ap, tonye si ara, Simei nyabuka si dobuk. Sik si nyalamik touk, sikce deiprikba, dadeipdanin balamik nang babye, Lipni yala nang ap, Simei yala nang ap, ayala siuk si dolamik. Sik apu yapu pununanye, Gerson ulamuk ati, el yala si silamik siuk bikna ati, si silamik.

Bilangan 3:21 Referans Kwoze

Bilangan 3:20

Tonda Merari elda, mapu bitinye deiamuk. Sik si ara, Makli ap, tonye si ara, Musi nyabuka deiamuk. Asi nyapmap nang nirya ara, sik apu yapu pununanye, Lewi ulamuk ati, sik yala si silamik ninguk bikna ati, si silamik.

Bilangan 3:22

Ara, Gerson birye deibukba, dadeipdanin, balamik nang arye deibik mapu, sik wala tonok, akunum upman mapu nirya ap, wala eitam upman mapu nirya ap, aninye sik nukikce tabakuka, si akunum sekik ning yupa ara, tujuh ribu lima ratus (7.500) ninye ulamik.

Bilangan 26:58

Sik Lewi yala nang arye deibikba, dadeipdanin balamik nang ara, Libni yala nang ton deiamik. Tonda, Hebron yala nang ton ulamik. Ton nang ara, Mahli yala nang ton deiamik. Tonda, Musi yala nang ton deiamik. Tonda, Korah yala nang ton deiamik. Ura, Kehat bira, Amram el li koproba ulamuk.

Keluaran 6:16

Ura, Lewi birye deibuk nang ara, winilye deibuk. Lewi birye deibuk nang ara, Gerson ap, Kehat ap, Merari ap deibuk. Anang ara, Lewi yala nang, sik apu yapu ulamik. Lewi bira, keting tamun yupa weik, seratus tiga puluh tujuh (137) tahun wisi danamuk bukni, dibuk.

Bilangan 3:18

Aning atonun, Gerson birye, mapu bitinye deiamuk. Amapu sik si ara, Lipni ap, tonda Simei ap, nyabuka si domuk.

Bilangan 4:22

Sik Lewi yala nang bukni, Gerson yala nang ton, sik yuk nuknamdurume. Ara, ‘Sik yupa yata barye unyak do?’ tenen, bikna ati, sik si seknalame. Ara, Gerson birye deibukba, dadeipdanin yanganyak ninye, sik mapu yuk-yuk unyak touk, sik yupa tonok kibuka unyak ninye ap, sik apu yapu nang arye deibikba, dadeipdanin yangalamik nang aulamik touk, nukmince, sik si yuk-yuk seknamlyame.

Yosua 21:6

Aning atouk, Lewi yala nang bukni, Gerson birye deiamukba, deipdanin yangalamik nang, el tam nang sik duweit, anyasik tiga belas (13) dobuka ulamik. Adoprobik mutuku ara, Isakar yala nang ap, Asyer yala nang ap, Naftali yala nang ap, tonda Manasye yala nang bukni, otam nang ap, sik nirya arye, talibuka ulamik mutuku noutam arye, bokuka arebikba, sik Lewi yala nang bukni, Gerson birye deiamuk mapu nirya ara, dolamik. Sik ulamik mutuku ara, Yordan mek koubuka, otam keting panalyangan tam, mutuku arebikura doprobik.

1 Tawarikh 6:17

Lewi birye deiamuknye Gerson, el mapu ara ani. Libni ap, Simei ap, winibuka deiamuk.