Winibuka daulamya ani, like pinbarye (8) sum akunum uplyopura, anye birye yim domba basam mi bitinye, bol pia teleb ning ap, kil domba basam mi tonok, pia teleb ning ap, dobuka yanganamle. Ara, yuk-yuk bobuka, yanganamnyake. Aning nirya ara, bol pia teleb ning uka, dobuka yanganamle. Ton yuk ning ara, tepung tiga (3) kilogram ap, Zaitun minyak mek ap, talbalibuka wibik ning ap, Zaitun minyak mek sepertiga liter, (0.3 liter) ap, boyanganamle.
Bilangan 29:3 - Eipomek3 Anggunce batakna kum adiparyuk, tabakalongona ati kintinibuka, Allah ati arelyanganamlum din ara, ani. Ara, tonok sapi basam ati, gandum tepung nakub barye (6) liter ap, minyak zaitun ap, tabakuka kintinip deipmamunye ninguk, boyanuka arepnalume. Tonda, yim domba basam tonok ati, el tabakana ara, gandum tepung dumbarye liter kintinibikirye, ayim domba basam ap arepnamake. Gade chapit la |
Bilangan 29:3
4 Referans Kwoze
Atalak adiparyuk, Allah Yahweh el si erena ati, kam ning obuka, uku dongon pil dopnumunyopura, uku diplirye, siltong teleb ning ara, tulum weleplyopura, Allah Yahweh kekeplirye, el kanye pia teleb unamle. Allah ati arepnamlum ning ara, ani. Yim sapi basam, keting tamun tonok nenmalye ning ap, yim domba basam ara, wisi tonok ap, tonda yim domba basam mi tekbarye (7), keting tamun tonok kipmalye ning ap, opmunyak arye, Allah ati arepnamlume. Aning nirya ara, nong bol pia teleb ninguk, boyanganamlume. Abobuka arepnamak ning ara, uku dongopmunyaba, siltong teleb ning weleplyopura, Allah Yahweh kekeplirye, el kanye teleb unamle.
Tonda domba basam mi arenamlum talak ara, gandum tepung, el ikin ara, bitinye liter kintinip deipnamlume. Domba basam mi tonok ap, tepung bitinye liter ap, el minyak zaitun ap, tabakuka kintinipmunce, aning boyanuka arepnamlume. Allah ati boyanuka arelyanganamlum din ara, atonunuk boyamunce, tabakuka arenamlume.
Piblisite