Bilangan 27:11 - Eipomek

¹¹ Tonda aning atouk, winipmanto, mapu babye, kilmapu babye kum deiamlinye diplyopura, el kwit koproba uk atuku ara dolonamlule. Tonda, el kwit koproba babye kumce diplyopura, sik ni koproba kan-kan, tonye binyuk dolonamlule. Ababye kumopura, sik kayapu nang koproba uk dolonamnyake. Ara, ‘Anye bira, dipkoprob nun yalanye, nun damnye ani,’ tenebikinye birye, doproptue. Aning nirya ara, Allah Yahweh arye sik Israel nang ati, Aninguk talibuka upnin banamakʼ tenen, Musa dam nyapdeibukba, sik dam binuka lak nyabuka ati, aning ara, pia kum batakanamlume. Anggun Israel nang arye, aninguk pia talibuka unamlume.” Allah Yahweh arye Musa biti nyabuk.

Bilangan 27:11 Referans Kwoze

Bilangan 35:29

Aning nirya ara, pia ati, winibuka-winibuka unamlume. Dan mutuku do nirya, anggun unamlum mutuku noutam nirya ara, sik ap, anggunce deipmunyeba, dadeipdanin banamak nang nirya ap, sik unamak mutuku nirya ap, unmakak nirya ap, ayupu atonun talibuka unamake.

Yeremia 32:8

Ura, Allah arye na dam akunum nyapdeipnuk touk, aminyan talak ara, Hanameel bira na dam yayuke. Hanameel babye, Raja Zedeikia birye, el yin talin nang ulamik aik koproba, tomobuka deiamukak yayuke. Hanameel yayukce, elce nati yanuka nyapnuk. “Benyamin yala nang arye, talinyak mutuku noutam bukni, Anatot mutuku talinun tuku ara, ance deknunilyame. Deiyok ara, anda na yalanye ulyama ati, nun mutuku noutam ulamupu touk, ancuk atuku minop dektume,” nyabuka, moropnukba, narye bita kekepse. ‘E, anyapmanil yupu ara, dipkoprob Allah Yahweh, elcuk min talak nyapdeiamnuk yupu ara, anye birye ayupu atonun, akunum nyapnile,’ tenepse. Winibuka tenepsa deice arye, moubuka bikse. ‘E, anye birye nyabuka moropmanil yupu ara, dipkoprob Allah Yahweh arye tenelul touk, akunum nyapnile,’ tenebuka bikse.

1 Samuel 30:25

Daud birye, anyabuk deice, “Dipkoprop diksukum ning ara, aninguk wininamabe,” nyabuka, laka nyabuk. Nyabukba, sik Israel ninye ara, aninguk winipra yangalamik ani, wini talak babye, tuba wininyake. Ara, ‘Sik mal olan nang, olbana nang babye, sik aik ap, sik bon-bona ap, mining dam anyuk kalikna nang babye, sik dekna ning atonun, dolona telebe,’ tenebik. Deiyok ara, Daud birye, ‘Aning ara, pia wininamabe,’ nyapdeibuka anya arye, sik Israel nang arye, atalak arye dipdongobuka, wini talak babye, aninguk wininyake. Yuk nang obisibikirye, bon-bona doprobikirye, aning nirya bokuka, neikto touk dolonyake.

Imamat 25:49

Akumopura, anggun duweit arye do, anggun ni koproba el weit do, el du do, ura, apil donanye, el mam koproba do, ura, sik ap mening dam unyak nang do, sik yala nang nirya arye do, sik Israel pil don nang ara, sik lyena ati, yo bok dekuka pununa teleb uka. Aning kumopura, apil donanye, el babye mikip uplyeba, bona weik taliplirye, dekna ning weik akunum ‘Naʼ tenen, deiplyopura, ‘Narye na dekamnuk ning ati, tamubuka punupnirye, na deiyoknye biti, yo bok arepnamna deice arye deknamtinye,’ teneplyeura, aning babye, teleb uka. El bidamnye winipmanto uplyopura, elcuk dekelanamle.

Imamat 25:25

Aning atonun, sik Israel nang dem, sik kwit ton, sik mapu silip kan-kan aulamlinye bira, ikin ning el dam yalyopura, ikin kanye boplirye, yuk-yuk mambul ning pataplye bukni, ato ning pia winipmanto kum uplyopura, el tuku dektu bukni, teleb ning ara ani. ‘Mambul uplyeura, el taleamlye tuku, yuk nang tia talak ati dektinge,’ teneptuopura, teleb ning ara, atonun winamlule. Ara, el aik ninye koproba dam, aulamice nang, el du koproba do, el weit koproba do, el li koproba do, el mam koproba do, ikin upmalinye el melina ati, adiparyuk tia talak ati, atuku deknamnyake. Ikin upmalinye birye, el weik tonun patalye ning ati, el taleamlinye tuku deklyeba, yuk yala nang arye dekikceura, aikin upmalinye bira, el tam nang, mening dam daulamikce nang ton yakirye, atuku dekikirye, dolonamake. Ara, sik kwit birye, el taleamuk tuku dekmalinye, el melina ati winipnamake.

Bilangan 27:10

Tonda, el kwit koproba babye, kumnye bira, sik ni yapu arepnamlume. Akumopura, el li yapu kan-kan, tonye biti areprumunyeba, dolonamlule.