Bilangan 26:5 - Eipomek

⁵ Ruben bira, Yakub el mi dunye deiamuk, Ruben birye deibuk nang ara, ani. Ara, Henok elce deibukba, dadeipdanin biyik nang ton, sik Henok yala nang ulamik ati nukik. Tonda, Palu birye deibukba, dadeipdanin balamikce, sik Palu yala nang ton ulamik ati nukik.

Bilangan 26:5 Referans Kwoze

1 Tawarikh 5:3

Ura, Israel, el si ton Yakub bira, el mi dunye bira, Ruben ulamuk. Ruben elce, deiamuk mapu ara, dumbarye nang deiamuk. Sik si ara, ani. Henok ap, Palu ap, Hesron ap, Karmi ap ulamik.

1 Tawarikh 5:1

Ruben bira, Yakub el mi dunye ulamuk. Ulamuka ati, el li koproba kunum dibukopura, elce el li koproba taleamuk ning, weik tam dopropmatue. Bukni, el li koproba Yakub min kum diamuk talak ara, el pil talye dolamuk kil, akil babye dobuka domuk. El mi Ruben birye, akil ap, neika mapdika deice arye, malye kipdeipdanamuk. Winyamuk deice arye, Yakub el mi dunye dopropmanto ning ara, Ruben biti kum arebuk. Aning kum bukni, el weit koproba Yusuf birye deiamuk mapu ati, arebuk. Yakub birye, el mapu deiamuk noutam arye, weik mambulnye bira, minop deiamuknye, Ruben ulamtu bukni, malye weik kipdeipdanamuk. Ati ara, ninye si sekamik buku nirya ara, min yuma deibice nang, el si sekenyak bukni, Ruben el si ara, min kum sekenyake. Yehuda bira, el duyapu kan-kan ara, weik mambulnye ulamuk. Tonda, elce deibukba, dadeipdanin yangalamik nang arye deiamiknye bira, ninye deiyoknye talibuka, Raja ulamuk. Winilamuk bukni, sik apu koproba Yakub birye, el minop deibuk mi dopropmanto ning ara, Ruben biti kum arebuk. Aning ara, Yusuf birye deiamuk mapu ati, arebuk.

Keluaran 6:14

Israel nang sik punun nang si ara ani. Min ara, na Musa ap, Harun ap, nun apu yapu asukum sekne. Ara, Yakub birye deibuk mapu dumbarye ara ani. Yakub birye min deiamuknye bira, Ruben. Ruben birye deibuk nang ara, Henok ap, Palu ap, Hesron ap, Karmi ap, deibuk. Anang ara, Ruben yala nang, sik apu yapu ulamik.

Kejadian 29:32

Yakub ap, Lea ap neika mapmarikba, Allah arye melibukba, Lea birye mi bomuka ani, sal mi deibukce, el si ara, Ruben nyabuka si dobuk. Lea birye el mi deibukce, nyabuk. “Winira, na ni Allah, el si Yahweh arye, kanye imun ulamnuk ning kel kipnukce, akunum melipmanile. Sal mi deipmana anya arye, wini talak na akanye Yakub birye, kanye deipnamnile,” nyabuk.

Bilangan 1:20

Ura, aning ara, Yakub, el si ton Israel nyabuk. Elce minop deiamuk mi, el si Ruben, elce deiamukba, dadeipdanin yangalamik nang, ayala nang sik mapu aulamik noutam mapu, sik keting tamun akunum dua puluh tahun (20) itam kiamuk nang ara, sik yin talipmanto nang ulamika ati, anang ara sik yala, aulamik touk kiklibuka, sik si yuk-yuk sekik.

Bilangan 26:4

“Abulubuka wekmek nang ara, Israel nang Mesir mutuku arye yanmek nang ati, nuknamlume. Allah Yahweh arye nyapdeipsuk touk, sikce umur dua puluh (20) tahun arye eitam nang bukni, sal diamuk nirya bulubikiba, nukmunce, sik si seknamlume,” nyaprikba, anang nirya bulubikba nukik. Ati ara, sik apu koproba, Yakub birye deibukba, dadeipdanin yangalamik nang nirya, Mesir mutuku noutam arye yangalamik nang bukni, kam tuba unmek nang ati nukik.

Bilangan 26:6

Tonda, Hesron yalanye birye deibukba, dadeipdanin biyik nang ton, el yala nang ulamik touk nukik. Tonda, Karmi birye deibukba, dadeipdanin balamikce, ulamik ati, sik Karmi yala nang ulamik touk nukik.

Kejadian 35:22

Israel ap, el mapu silip ap, amutuku noutamak ulamik talak ara, el mi Ruben birye, el li domuk kil ton, el si ara Bila, duknubuka ubula yobuk. Winibukba, yuk nang arye kekebuka, laka nyabikopura, Israel kekebukce, malye kanye bobuk.

Kejadian 35:23

Ura, Yakub birye delilamuk mapu ara, 12 nang ulamik. Yakub ap, Lea ap arye, delilamrik nang ara, sik si ani. Min yuma ara, Ruben deiprikce, aminyan talak Simeon ap, Lewi ap, Yehuda ap, Isakar ap, Zebulon ap, deiamrik.