Bilangan 26:28 - Eipomek

²⁸ Yusuf yalanye birye deiamuk nang bitinye, sik si ara, ani. Manasye ap, Efraim ap deibuk.

Bilangan 26:28 Referans Kwoze

Kejadian 46:20

(Tonda Mesir mutuku noutam Yusup ap, el kil Asenat ap arye Deiprik mapu si ara Manasye ap, Epraim ap ulamrik. Asenat, ara On mutuku (tonda Heliopolis mutuku nyalamik) ninye arye isa si erena deiyoknye el si ara Potipera, elce deiamuk kilmu Yusup domuk.)

Kejadian 48:5

Nyabukce ayupu ton dukdongobuka nyabuk. “Winira Yusupo, nara an dam min kum yanamse talak ara, ance Mesir mutuku noutam deiplum mapu bitinye sik si ara, Manasye ap, Epraim ap ara, yuk ninye arye sikti, ara, na mapu atonun tenenamake. Ara, narye Ruben ap, Simeon ap deiamse touk, yuk nang arye an mapu bitinye ati ara, ‘Amapu ara, Yakub el mapu atonun urudake’ tenen, nyanamake.

Bilangan 1:34

Tonda, Manasye birye deibukba, dadeipdanin yangalamik nang, ayala nang, sik mapu aulamik noutam arye mapu, sik keting tamun akunum dua puluh tahun arye dipdongobuka, itam kipne nang ara, sik yin talipmanto nang ulamika ati, sik anang ara, sik yala aulamik touk, sik si yuk-yuk nirya sekik.

Ulangan 33:16

Aning atonun, Allah ance, sik Yusup yala nang ati, tukwak teleb ning aubuk ning nirya, pia teleb ning arepminya deice arye, ‘Teleb ning weik arye kanye deibuka dopropnamaka’ tenen, moropkine. Minop talak, yo mutmuta tiklamuka noutamak arye, uku dinmoka noutam unmoknye, ‘Allah ancuk, Yusup yala ninye ati, pia melipnalam’ tenen, moropkine. Aning-aning nirya, teleb kin ning moropmakin ning nirya ara, Allah ance, ‘Yusup el yala ninye dam deipnalam’ tenen, moropkine. Ati ara, Yusup el yala ninye arye, ateleb ning nirya dopropnamaka deiyok ara, Yusup el du yapu nirya ara, aulamik bukni, Yusup bira, sik deiyoknye, sik deice tam ulamuka ati, aminyan talak, el yala nang ara, teleb ning weik arye dopropnamake.

Yosua 14:4

Ura, Yusuf birye deibukba, dadeipdanin yangalamik yala nang ara, sik si Manasye ap, Epraim ap, sik dem amutuku noutam nirya ara, arebukba doprobikce, asukum dem taleamik. Bukni, sik Lewi yala nang ara, tuku ton pia kum arebukba, kum doprobik. Sik Lewi yala nang ara, tuku ton kum bokuka arebuk bukni, sik unamikak ati, amutuku noutam uamuk asik ap, tonda Lewi yala nang arye, weilamik kam ning, domba basam ap, kambing basam ap, sapi basam ap ara, sik dina ati, maning palamuk mutuku ton, bokuka arebukba doprobik.

1 Tawarikh 5:23

Manasye yala nang arye deibikura, dadeipdanin yangalamik nang ara, noutam arye bokuka, yuk-yuk binuka ulamik. Ton tam nang ara, Manasye yala noutam arye bokukabikce, ayala nang ara, Basan mutuku arah utara, dabu tam mutuku arye, dipdongobuka, binamika ani, pia pera Bahal-Hermon mutuku ap, Senir mutuku ap, tonda Hermon mutuku damuk binuka, asik dobuka daulamik. Winilamikce, sik ayala nang ara, pia weik ulamik.

1 Tawarikh 7:14

Manasye birye el pil don kil, Aram mutuku kil ulamuka ati, el ap, akil ap ulamdikakarye, mapu bitinye deiamdik. Anang sik si ara, Asriel ap, Makhir ap nyabuka si domuk. Winibukopura, aminyan talak ara, Makhir birye mi tonok deiamuk. Anye el si ara, Gilead nyamuk.