Bilangan 24:25 - Eipomek

²⁵ Bileam birye ayupu nirya nyanmoka ani, akunum nyabukopura, el mutuku koproba tamubuka biyuk. Biyukopura, atalak aryuk Balak babye, el mutuku koproba tamubuka biyuk.

Bilangan 24:25 Referans Kwoze

Bilangan 31:8

Aonmek talak aryuk, Midian mutuku ninye deiyok kibuka taleamik nang, sik pamubarye weik nang babye obik. Anang sik si ara ani. Hewi Rekem ap, Zur ap, Hur ap, tonda Reba ap obik. Atalak uk Beor el mi Bileam babye, parang ya arye obikba dibuk.

Yosua 13:22

Tonda, amutuku noutam bukni, Israel yala ninye arye omiknye bira, Beor elce deiamuknye, el si Bileam ton oplobuk. Bileam bira, isa si erelamuka arye, isa mikip deice arye, aminyan upnamuk ning ati, yupu lake nyalamuk. Anye Bileam babye, amutuku noutam ulamik Kanaan tam nang weik tonun ton, sik Israel ninye arye, yu weik parang arye olamik.

Bilangan 24:11

“Aning ati ara, wini talak ara an adiparyuk, an mutuku koproba tamubuka bilyame. Narye anti, ‘Dengna ning weika arye arepnamkine,’ nyabuka nukamkise bukni, Allah arye ayupu nyapmakilba, teleb yupu uk nyapmalam deice arye, dengna arepnamkin tenyamkise ning ara, kum arepkiniba, dopropnamlame. Deiyok ara, Allah arya,” Balak birye Bileam biti nyabuk.

Bilangan 24:14

Nyabukopura, Bileam birye ayupu ton dukdongobuka Balak biti nyabuk. “Wini talak ara na mutuku uk tamubuka binune. Bukni, na mutuku min kum binmanye talak ara, Israel ninye arye, Balak an taliplumba unyak ninye ati, aminyan talak ikin ning sik nong deice deipnamak ning ara, laka nyapnukine,” Bileam birye Balak biti nyabuk.

Bilangan 25:1

Israel ninye, sik tia ati Sitim mutuku binuka unmek. Amutuku binuka unmek talak ara, Israel ninye arye, Moab mutuku kilapu, amutuku noutam ulamik kilapu ap, neika epdanuka malamik.