Bilangan 24:20 - Eipomek

²⁰ Bileam birye Amalek ninye ulamik mutuku dinmokce, tabakana ati, ayupu tonap nyabuk. “Aminyan dotalak winipnamuk ning ati, yupu tonap dukdongobuka nyapnusine. Amutuku-amutuku nirya ara, anggun Amalek ninye aryuk talibuka umumce, weik mambul ninye ululume. Bukni wini talak akunuma, sirya talak ara, anggun obuka yaknamsiake. Ara, talye ati kume. Amalek ninye obuka sirya dakikiba, kum danamake.” Bileam birye nyabuk.

Bilangan 24:20 Referans Kwoze

Keluaran 17:14

Akunum obuka sirya dakikopura, Allah el si Yahweh arye Musa biti nyabuk. “Awinipmuk ning nirya ara, yuk talak nirya ‘Winyamik’ tenen, tenina ati, domba bol mikamuk ning dobuka sekna ning deice arye abol deice seknamlyame. Ara, luba kina kum, Israel ninye pia tenenamaka atia. Tonda aning nirya Yosua el kekena ati nyanamlyame. Deiyok ara, Amalek nang arye Israel ninye obuka sirya dakika ati, ‘Aminyan talak yuk ninye nirya arye, Amalek ninye sik si ila tuba tonap kum tenipnamak’ tenen, sik si kum kipdeipnamne,” Allah arye Musa biti nyabuk.

Ester 9:14

Nyabuka morobukba, ninye deiyoknye Raja arye, “Telebe dawiniplulume,” nyapdeibukba, Ester birye moropmuk touk winibik. Weik kota Susan mutuku noutamak, Raja birye, ‘Winipnamlulume,’ nyabuka, sekna ning deice arye, surat sekuka deipmoka ati ara, anyapmok touk winibik. Ara, Haman el mapu nirya ara, 10 nang dobuka, namin yo arye ikuka, deiamikak uk, yanuka diripkwetebikba, dibik.

Ester 3:1

Awinilamik ning nirya, akunum kibukopura, Persia mutuku ninye deiyoknye, Raja Ahasyweros birye, yuknye ton, el si ara, Haman wipdeibuk. ‘Haman bira, weiknye unamle’ tenen, erebuka deibukba, Mentri Pemerintah kibuk. Raja Ahasyweros, el amu tam pil dolamik nang weik aulamik bukni, Haman bira, sik deice tam ulamukce, weik mambulnye ulamuk. Haman, el li koproba ara, Hamedata, el yala deipdanin yangalamiknye, el apu koproba Agag ulamuk.

1 Tawarikh 4:43

Sik anang ara, Simeon birye deibukba, dadeipdanin yangalamik nang ara, Edom tam noutam, Amalek yala nang ton, mitik tonun sirya tuba aulamik nang dam, binuka obuka sirya dakamik mutuku ulamik nang obuka, sirya dakikce, malye kibik talak ara, adiparyuk, amutuku tuku babye, alubuka doprobikce, talibuka ulamik.

1 Samuel 30:17

Wininmekce, asum sintam arye, deiyok koubuka, alukunyan ap, beren tam ap, keting noutam ap, anyapce sintam ap, atalak noutamak nirya, Daud ap, el yin talin nang ap arye, sik Amalek yala nang ati, mal pibiyik. Pilbiyikce, pia olanmek ani, lukunyan kibuk. Daud ap, el yin talin nang ap arye, Amalek nang weika arye, obuka sirya dakikura, amutuku ulamik kam nang yupa ara, empat ratus (400) nang, ‘Bura sakuka binuyap’ tenen, unta nyalamak ning, balye deice bukukabikce, bai sakuka bindobik. Bindobik bukni, yuk Amalek nang nirya ara, tonok babye, ton kum biyik. Anang nirya obuka, sirya dakik.

1 Samuel 30:1

Like winilye deice arye, Daud ap, el melina yin talin nang ap, mutuku si Ziklak mutuku biyik. Atalak ara, Negeb mutuku nang ap, Ziklak mutuku nang ap nirya ara, sik Amalek yala nang arye, akunum olyangalamik. Olyangalamik ani, sik Ziklak mutuku ulamik ninye ara, obuka sirya dakamikce, sik aik nirya, uku dongobikba dibuka, sirya dakrobuk.

1 Samuel 14:48

Atalak noutam nirya ara, Raja Saul akunum Israel, sik ninye deiyoknye Raja wipdeibikba, tikuk. Winibuka tikuk talak noutam nirya ara, dan mutuku nang do nirya, sik Israel ninye ati, mal olan nang olbalamukce, Amelek mutuku ninye nirya ara, obukabukce, malye kilamuk.

Hakim-Hakim 6:3

Midian nang arye, Israel ninye taleamik talak noutamak nirya, Israel nang sik dina koulamik ning wa dam akunum koubuka, aik yan talak ara, sik Midian nang ap, Amalek nang ap, tonda keting yangan tam yuk yala nang nirya ap, Israel ninye sik wa wibuka koulamik ning ubula dona ati, sik mutuku-mutuku nirya bululyanuka, adiparyuk sik wa wilina nirya, ubula dalubuka dololamik.

Keluaran 17:16

Tonda Musa arye nyabuk. “Allah el si Yahweh ara, ‘Weiknye buna ning deice bukuka, elcuk melipnamsil’ tenen, na taruk erepse. Yahweh arye sik Amalek nang ati, batakna kum, doryanamle keting tamun nirya deice arye, pia sik Amalek nang onauk unamle,” Musa birye nyabuk.

Keluaran 17:8

Israel ninye, Rafidim mutuku noutamak tuba unmek talak ara, Amalek yala nang arye, ‘Israel ninye opnamap’ tenen, amutuku yanuka warikmekce, Israel nang ati, mal dolyayik.

Kejadian 36:12

Esau el mi Elifas bira, kil tonok ton dobuk kil ara, el si Timna ulamuk. Akil arye, el mi Amalek deibukba, Esau el kil Adah birye, anang ati, ‘Na mapu’ nyalamuk.

Bilangan 24:7

Sik unamakak nirya ara, mek weik upnamle ati ara, adeice arye mek weika arye kwebuka dinamake. Ati ara, sik yala ning kounamaka nirya ara, mek dikilina ap winibikceba, pia teleb ubuka paplirye, duk moupnamle. Tonda sik talipnamalanye bira, ninye deiyok Raja ara, mikip weik arye talipliba, sik nirya mikip weik ap, teleb ap, unamake. Minop talak weik deiyoknye, el si Agag, elce taleamuka ara, mitik mambul bukni, Israel ninye sik talipnamle deiyoknye Raja ara, weik mambul mikipnye unamle. Winipnamla ati ara, el ap, sik Israel ninye ap arye talibuka unamak ning nirya ara, yuk mutuku ninye nirya arye, ‘Se, sikda pia telebe,’ nyabuka si erenamake.

Bilangan 24:19

Aning atonun, Yakub el yala ninye danoutam ara, tonoknye, ninye deiyoknye ton tiklirye, sik Israel olan dam ninye asik dolulumak, noutamak unyak ninye nirya obuka sirya daknamle. Elce nyapliba, el tam nang arye, amutuku mal olan nang nirya obuka sirya daknamle. Bileam birye Balak biti nyabuk.

Bilangan 24:24

Tonda weik laut mekwen deice arye, weik mek liya yo, el si ara kapal laut, Kitim mutuku arye yanamake. Anang uk bukni, ton si ara Siprus mutuku nang nyanyake. Anang yacopura, Asyur mutuku ninye ap, Heber mutuku ninye ap ati, obuka sirya daknamake. Winipnamak bukni, aminyan talak, sik Kitim mutuku yin talina nang babye, kum upnamake. Ara, dotalak sik Israel ninye arye, amutuku nang nirya obuka sirya dakikirye, bisipnamak ati nyapkine,” nyabuk. Bileam birye nyabuk.

1 Samuel 15:2

“Ura, aning-aning nirya, deice tam ulirye, aning nirya talilula deiyoknye, Allah el si Yahweh arye, nyapmakile. ‘Narye Amalek ninye nirya, wenebuka opnamane. Ara, urdem ati kum bukni, sik apu yapu Mesir mutuku arye, bisik yayik talak ara, Amalek nang arye, duknupdopmekba, sik Israel ninye mangkau kanye bobuka yanganmikce, Amalek nang arye obika ati, anang wenebuka opnamane.