Bilangan 23:28 - Eipomek

²⁸ Wini talak aniryuk, Balak birye, Bileam bobukabukce, mutuku si Peor mutuku deice bobiyuk. Winibukba, utam uamuk mutuku, ninye kumak, pia mok ap, mek ap, kum arye buppu weik ati, ninye kum ulamik mutuku urasin tam, binuka dinmarik.

Bilangan 23:28 Referans Kwoze

Bilangan 21:20

Bamot mutuku tia mapmeka ani, amutuku arye batakuka, bisik banmeka ani, Moab nang mutuku lu uamukak biyik. Amutuku ara, weik arye bukamuk mutuku el si ara, Pisga mutuku aryuk welebikce, weik pata mutuku ton eibik. Apata mutuku noutam ara, ninye ton pia kum ulamik. Yo ap malmalya dem ulamuk.

Mazmur 106:28

Yuk-yuk mutuku noutam binuka ulamik talak ara, sik Israel nang arye, sik Peor mutuku nang arye, isa si erelamik ning ati, ‘Nun ni bira, isa si Bahal aulule’ tenen, atalye ning talilamikce, isa Bahal, el siuk erelamik. Tonda, sik yuk-yuk mutuku nang winilamik touk, sik Israel yala nang babye, ‘Akunum diamik nang, sik kanye arye yanuka nunti melipsitinge’ tenen, kam ning obuka, akunum diamik nang ati, arelamikce, anang sik kanye ati, “Melipsululume,” nyabuka morolamik.

Bilangan 23:27

Aminyan talak ara, Balak birye, Bileam biti nyabuk. “Wini talak ara, yaminyeura, narye yukak bobinukine. An ap, na ap, yukak welepnuname. Asukum binimnyopura, Israel ninye yupa ton eipnamalame. Ati ara, yukak binamanam talak ara, ance sik Israel ninye ati, malye yupu nyabuka supnamlyame. Na walwal bukni, Allah arye nati, kanye deipnuturye, Israel ninye ati, malye ulina yupu, sun yupu nyapnamkil do, kum do? Bukni, ‘Winipnutue’ tenen, ‘Se,’ tenepne ati, yukak welebinimirye dinamaname,” Balak birye nyabuk.

Bilangan 23:29

Atalak ara, Bileam birye, Balak biti nyabuk. “Wini talak amutuku noutamak ara, kam ning obuka, uku dabuka delinak ati, pala keil yuk-yuk yanganmaminya ani, tekbarye keil lelebuka kintinideipnilyame. Winipmunyopura, yim sapi basam tekbarye ap, yim domba basam tekbarye ap, kintinideipnilyame,” nyabuk.

Bilangan 24:1

Atalak ara, Bileam akunum kel kibuk. Ara, elce sik Israel ninye ati, teleb ulina yupu nyanmokba, Allah el si Yahweh arye kanye deibukba, Bileam kel kibuka ati ara, el min arye malye yupu nyabuka subuk touk, ila tuba tonap kum winibuk. Ara Bileam birye, sun yupu ton kum nyapdeibuk. Aning kum bukni, tikukabukce, Israel ninye unmek tam, mek ap mok ap kum arye, buppu weik ati ninye kum ulamik mutuku anyuk bita dinmok.