Bilangan 22:37 - Eipomek

³⁷ Dilbinmoka ani, sik nirya akunum eipdayik ning ara, Balak birye, Bileam biti nyabuk. “Narye ninye dobuka deipsirye, ‘Minopce yanululume,’ nyapkise ning ara, yata ati minopce kum yalum do? Tonda ance, ‘Kume, dekna ning weika arye, dipkoprob kum arepnamnile,’ tenepmaluma ati, mandipna kanye dobuka, kum yanamlum do?” nyabuka, Balak birye, Bileam biti asipdeyukce wenebuke.

Bilangan 22:37 Referans Kwoze

Bilangan 24:11

“Aning ati ara, wini talak ara an adiparyuk, an mutuku koproba tamubuka bilyame. Narye anti, ‘Dengna ning weika arye arepnamkine,’ nyabuka nukamkise bukni, Allah arye ayupu nyapmakilba, teleb yupu uk nyapmalam deice arye, dengna arepnamkin tenyamkise ning ara, kum arepkiniba, dopropnamlame. Deiyok ara, Allah arya,” Balak birye Bileam biti nyabuk.

Yohanes 5:44

Anggunce, anggun bidamnye ati, “Nunda teleb ninyeuk unyabe,” nyabuka si erelamunce, kanye talima erelalulume. Winilulum bukni, ‘Allah ara el tonok ululnye birye kanye deipsutu’ tenen, el tenesilye ninguk diksukumuk winibibyeura, Allah arye, ‘Teleb tenenamsile,’ tenebuka kum winilulume. Winimunce, malye-malyeuk winimunyopura, yata wiribuka dib tenepnutum do? Kume, kum winiptume.

Lukas 4:6

Dinmokura, Isa Mutuku Dongonye arye ayupu ton nyabuk. “Aweik ninye deiyok nang nirya, sik mikip ap sik talinyak ning ap, ninye ap, ton sik urasin pia teleb ulul ning nirya ara, dipkoprop aning nirya talilya deiyoknye bira, na unune. Na ununa anya arye, na tenepne ninguk aning nirya areptinye.

Mazmur 75:6

Aning atonun, anggun maknya kintinilulum deiyok-deiyok nang arye, ‘Nunda, mikip weik nang unyabe,’ nyabuka, dilana meme,” nyapse. Tonda, anggunda kekenauk ulamunce, ‘Nunda pia teleb nang, mikip weik nang unyabe,’ nyabuka, maknya kintinilana ara, bataknululume. Ato yupu babye nyana ara, pia meme,” nyapse.

Bilangan 22:36

Bileam ap, sik anang ap nirya, ila tamubuka yanganmek ning ara, yuk nang arye eibuka, Balak dam laka nyabikba, kekebukce, bisik dilbiyuk. Ara, Moab yala nang ulamik tam bukni, el taleamuk wilibak, Arnon mutuku dam, weik asik binuka tikuka dinmok.

Bilangan 22:38

Nyabukura, Bileam birye tamubuka, Balak biti nyabuk. “Wini talak ara, na akunum yane. Bukni, naryuk malye kibuka, na tenepne yupu kum nyapkitinye. Allah arye nati, ‘Aning nyapnamlyame. Ayupu winibuka nyapnulyame,’ nyapdeipnamnil yupu uk, nyapkitinye. Yuk yupu ton kum nyapkitinye.” Bileam birye, Balak biti nyabuk.