Bilangan 22:36 - Eipomek

³⁶ Bileam ap, sik anang ap nirya, ila tamubuka yanganmek ning ara, yuk nang arye eibuka, Balak dam laka nyabikba, kekebukce, bisik dilbiyuk. Ara, Moab yala nang ulamik tam bukni, el taleamuk wilibak, Arnon mutuku dam, weik asik binuka tikuka dinmok.

Bilangan 22:36 Referans Kwoze

Rasul 28:15

Bukni, bisik tuba mapnin balamubu talak ara, yuk nang arye nyabikura, kekebikce nun diba tenyamubu touk, Roma mutuku Yesus ati diba tenyamik nang ara, eiabce mutuku si Porum Apius dilyanamsik. Tonda, tonok mutuku ton dekna aik winilye uamuka ati, Tiga Taberne nyalamik mutuku dilyanamsik. Dilyanamsikura, Paulus arye anang akunum eibukopura, Allah ati, “Telebe,” nyabukura, el talima kwa deibukura, el kanye deibuk.

Yeremia 48:20

Asipmunyopura, sik anang arye, tamubuka laka nyapnamake. Ara, “Kume, Moab mutuku noutam domumupu ning nirya ara, akunum uluplobuka, sice buklopmasiaka ati, pia alye dakdanuka banmabe! Ati ara, anggun babye, adiparyuk ngalukuka engenamlume! Ati ara, anggunce Arnon mek dam arye, yuk nang ton eipmunyopura, anggunce, “Se, Moab nang nirya bobinuka, olbikirye, sice bultakalbinmaka adano!” nyabuka, laka nyanamlyame!” Sik Moab mutuku arye, bikbik abuka binamak nang arye, sik Aroer nang ati, winibuka nyanamsiake.

Yesaya 16:2

Moab mutuku nang nirya ara, dobokceba bai sakuka, bikirye walwal uplyeba, ‘Nun mal olan nang arye, obuka sirya daksicakʼ tenen, Arnon mek koubuka, otam mekin uk yanuka dipdekirye, ‘Se, sik Yudea tam nang arye, yata yupu nyapnusiak do, melipnusiak do, kum do?’ tenen, yanuka kekenamake. Winipmanto ara, mi maka, sik nin birye yukupdoplyeba, tukwak saklirye, ilil weik uplyeba, sakuka bai tam balamak touk, winipnamake.

Hakim-Hakim 11:18

Kades mutuku uk daulamika ani, aminyan talak amutuku batakuka, bisik biyik talak ara, Edom mutuku tam ap, Moab mutuku tam ap, ubuka kum binamik bukni, kata uamuk mutuku, mek pia kum uamuk mutuku bisikuk binamikce, amutuku pia lilkwauk binamika ani, keting panalyangan tam biyikce, Moab mutuku noutam kum biyikce, Arnon mek binamuka, dam binmeka ara, Moab mutuku keting panalyangan tam, sirya mutuku tam, tenda aik domik. Bukni, amek koubuka, otam keting kumulban tam, sik Moab mutuku noutam kum binamik. Ati ara, Moab nang, sik mutuku noutam pia kum binamik.

Ulangan 3:8

Atalak aryuk nunce ninye deiyok nang bitinye arye, talibuka ulamdik mutuku nirya alubuka doprobupu. Ara, Yordan mek koubuka keting panalyangan noutam bukni, Yordan mek duman tam ap, anyapce ubuka, Arnon mek duman arye dipdongobuka, deice tam mutuku dabu tam (ara utara) weik mutuku dup, el si Hermon mutuku dam, atam nirya dopromubu.

Ulangan 2:24

Musa birye, sik Israel nang ati nyabuk. Moab mutuku bisibuka yapu talak ara, Allah arye nunti, nyamsuke. ‘Wini talak ara, anggun adiparyuk, Arnon mek duman koubuka, otam binamlume. Bimunyopura, narye anggunti, Amori mutukunye, Raja Sihon, elda Esibon mutuku talibuknye ap, el taleamuk mutuku ap nirya ara, anggun Israel nang ati arepsiniba, binuka, obuka sirya dakmunce, el taleamuk mutuku nirya ara, dopropnamlume. Winipmunce, amutuku ara, anggun talibuka unamlume. Allah arye nyapdeiamsuke.

Keluaran 18:7

Ayupu Musa dam laka nyabikba, kekebukopura, tia ati baju arye dolamik aik, bai tam biyukce, ‘Na yamal binyab epdananamʼ tenen, Yitro yanganmok bisik dam biyukce, sik nirya epdayik. Akunum epdayikopura, Musa birye, el yamal koproba Yitro el dam yayukce, ‘Kipnun tenen, ngang kanupdongobukce, Yitro iribuka mutubuk. Tonda, Musa ap, Yitro ap, sik mamum asipdarikce, “Teleb ulyam do, uk ton dikulul do?” nyabuka, asipdarikopura, sik anirya Musa el baju bola arye dolamik aik pum tam wekik.

Kejadian 46:29

Biyik talak ara, Yusup birye nyapdeibukba, el amu tam pil don nang arye el tuku deice boban ning kintinibik. Kintinibikura, aning deice welebuka bisik banmokce, ‘Na ni bisik noutam epdanamanam’ tenen, biyuk. Biyukura, Gosyen mutuku noutam epdarik talak ara, Yusup birye el li koproba ati iripdobukce, pia weik engenmok.

Kejadian 18:2

Mangkau kanye bobuka talye bukmokak, anang winilye yanganmekba, eibuk. Eibukce, ‘Si ereipnun’ tenen, tikukukce, sik yanganmek bisik bikbik abuka biyukce, kisok kanupdongobuka bukukce, “Telebe,” nyabuk.

Kejadian 14:17

Abram birye, yu weiknye Kedolamer ap, el tam kiprobik ninye deiyok nang ap nirya, akunum obuka sirya dakukce, el dam tamubuka bisik banmok talak ara, Syabe lyu mutuku noutamak bayukba, Sodom mutuku taleamuk deiyoknye yayukce, sik neika eipdarik. (Syabe lyu mutuku ara, el si ton Ninye Deiyok nang banyak mutuku ton nyalamik.)

1 Samuel 13:10

Bukni, aning nirya Allah ati arebukce, aunmek talak aniryuk, Samuel yayukba, Saul birye Samuel biti binuka, elti, “Telebe,” nyabuka, taruk talibuk.

Bilangan 22:35

Nyabuk bukni, Yahweh arye dopreipmok malaikat arye, tamubuka Bileam biti nyabuk. “Kume, anda sik anang ap, melibuka binululume. Bukni, narye nyapmakin yupu uk, nyapnamlyame. Ance yuk yupu ton nyana kume,” Allah el malaikat arye, Bileam biti nyabuk. Nyabukopura, Bileam ap, Balak el yupu laka nyalyanmik deiyok nang ap, sik neika bisikuk banmek.

Bilangan 22:37

Dilbinmoka ani, sik nirya akunum eipdayik ning ara, Balak birye, Bileam biti nyabuk. “Narye ninye dobuka deipsirye, ‘Minopce yanululume,’ nyapkise ning ara, yata ati minopce kum yalum do? Tonda ance, ‘Kume, dekna ning weika arye, dipkoprob kum arepnamnile,’ tenepmaluma ati, mandipna kanye dobuka, kum yanamlum do?” nyabuka, Balak birye, Bileam biti asipdeyukce wenebuke.