Bilangan 22:31 - Eipomek31 Nyabukopura, Allah el si Yahweh arye, Bileam biti, ‘Malaikat lakak kibuka deipniba eipnul’ tenen, laka kipdeibukce, Bileam el asing lapdeibukba, Bileam birye eibuk. Ara, Yahweh arye dopreipmok malaikat, parang ya dobuka tikmokbuk eibukce, Bileam adiparyuk lukdanuka biyukce, kanupdongobuka, Allah ati si erena ati, tuku deice malbiyuk. Gade chapit la |
Narye aning ati dopkwetepnamkin deiyok ara, ‘Sik asing laipnalama’ tenen, dopdeipnamkine. Tonda, ‘Sik kanye talima yuk punubiceura, sik kanye talima kuna atonun unyaka ati, dirinak tamubuka dobuka, delilyanganalam’ tenen, dopkwetepnamkine. Tonda, Isa Mutuku Dongonye, el mikip arye talibukak arye tamubuka, ‘Allah el mikip arye talipnamle ati dobuka, delilyanganalama’ tenen, dopkwetepnamkine. Ara, yata deiyok ati kume. Ance anang ati aning nirya akunum winipminyeura, nati diba tenebikca deice arye, sik talima ak malye tenenyak ning ap, sik malye unyak ning ap, Allah arye meliplirye, aning kum kipdeipnamle. Tonda, na Yesus ati diba tenepnika deice arye, Allah arye akunum wipdeiamuk ninye ap, ansinibuka unamake. Allah arye aning ati winipnamle. Yesus arye na Paulus ati nyapnuke, Paulus arye nyabuk.
Ati ara, nun ni Allah Yahweh anti moropkiabe. Ara, ‘Talye tukwak mutuku, im sirya, mutuku sirya nirya unyak nang arye, ‘Winipnamabe,’ tenenyak ning arye, ‘Yuk ning nirya ara, bisiplyak’ tenen, an Yahweh arye, anang wenepmince, sikti, yupu sekenalame. Tonda, yala yuk-yuk nang nirya ara, mutuku sirya, im sirya nirya, yuk-yuk daunyak nang ara, an dam yakcopura, an Allah aryuk sikti, yupu lipsisikuka bokeipmince, wenepnalame.
Atalak aryuk, ninye deiyoknye Raja Daud birye, dileyukba, ‘Israel yala nang, weik asik domik ning Yerusalem mutuku noutam ulamik nang nirya opnunʼ tenen, yayuk malaikat ara, tukwak kiapna, im deice kiapna kibuka, lakuka yangayukce, ninye ona ati yu parang ya boyangayukba eibuk. Daud birye eibukopura, Daud birye amutuku noutam ulamik nang ati, yuk-yuk deiyok kibuka talilamik nang, sikti, nyabukba, sik nirya arye malye karung arye wiamik baju ongobukabikce, “Se, nun malye unyap ning ati opnasila atia,” nyabuka, malye kanye bobikce, tuku deice pubuka mabik.
Tonda Allah arye nyalinilye yupu kekenunye bira, na aunune. Allah arye weik kel bikna deiyok ning arenilirye nyaniliba, kekepnirye, laka nyanune. Allah elda, mikip weiknye birye, aning-aning nirya talibuka Weik Erenanye ulirye, lengdar mana deice arye laka nyaniliba kekebuka elinune. Allah el si erena ati, tuku deice mapna buk, na asing lapdeipniliba, teleb kibuka elinune. Ati, ayupu nyapnusine.” Bileam birye Balak biti laka nyabuk.
Tonda, Allah arye nyaplye yupu kekenunye bira na unune. Allah elda, mikip weiknye ati ara, aning-aning nirya talibuka deice tam ulirye, Weik Erenanye ulule. Ati, elce lengdar mabuka atonun winipnya deice arye, mambul yupu yanuka laka nyaniliba, kekebuka elinune. Allah el si erena ati, tuku deice poulbinuka mapnyopura, na asing labuka dinyopura, aniryuk yanuka nyalinulule. Wininululba elinune, tonda kekenune. Ati, ayupu nyapnusine.”
Nyabuk buk, akeledai basam arye tamubuka, Bileam biti nyabuk. “Nara, an keledai basam unune. Aketing tamun, aketing tamun weika arye, asum-asum nirya, narye bobuka bakunun ati ara, arup sum winipman touk, yuk talak nirya ton unun talak nirya ara, awinipmana atonun winikunun do, kum do? Kume, aning atonun kum winikunune ati, yata deiyok ati opnilam do?” nyabuk. Nyabukura, Bileam birye tamubuka nyabuk, “Kume awinipnilam atonun kum wininilyame,” nyabuk.
Ara Yosua ap, Israel nang ap, Yeriko mutuku dam binuka unmek talak ara, tonok sum Yosua birye, Yeriko mutuku tam binuka dinmokba, ninye tonok, el urasin tam tikmokce, ninye on ning parang ya talipmokba, Yosua birye eibuk. Eibukce, anye dam biyukce, asipdeyuk. “Anda nun melina ati yalam do, nun ona ati, nun oldan nangak, melipnamsilamnye do?” nyabuka asibuk.
Nyabuka asibukura, anye birye tamubuka nyabuk. “Kume, ance nyapnilam ning ara, kum wininune. Nara, an kwit kume. Tonda, nara an oldananye kum bukni, nara Allah el si Yahweh, el im deice mal olan ninye, el yin talin nang, sik deiyoknye yanmane,” nyabuk. Nyabukopura, Yosua kekebukce, minopce anye dam biyukce, ‘Anye bira weik mambulnye’ tenen, kanupdongobukce kibuk. Winibukopura, Yosua birye, anye biti asipdeyuk. “Nara, Allah el pil donanye unirye. El yupu kekebuka dobolbanune. Ati, na ni Allah arye, yata yupu nyapdeipkuk ati, yanuka nyapnamanilam do?” Yosua birye nyabuk.