Bilangan 22:26 - Eipomek

²⁶ Aning winibukopura, Yahweh arye dopreipmok malaikat leibuka, Bileam binuyuk bisik dukulanak, yuk bisik pum pia binmanto kumak ara, pia mitik bisik binuka tikabuk. Asukum ara, yuk bisik ton pia kumak.

Bilangan 22:26 Referans Kwoze

Hosea 2:6

Ati ara, winipmanto ara, narye akil el ban bisik nirya ara, weik cang poka, alip tam tace ning deibuka, antanapdongopniba, elce abisik ton pia kum wekuka banamle. Na arye akil ati, kanye walwal un ning arepneba, ‘Abisik binamne,’ tenelul ning ara, kum eipmanto uplirye, yuk talye bisik kirikuka banamle.

Yesaya 26:11

Se, na ni Allah Yahweh, ance sik malye weik unyak nang ati, yu tenipmince, ‘Anang wenepnamneʼ tenen, kintinip deipmalam ning ara, pia kum tenebikirye, kel bikuka kum elinyake. Ance an mapu ati, ‘Bicoe, sikda dipkoprob melibuka kalikinamne,’ tenipmince, melinamlam ning ara, sik amalye wininyak nang kum eilinyaka anya arye, ance aning lak kipdeipminba, eiptingopura, aminyan ara sikce, ‘Se, nun malye wininyabe,’ tenen, ilil upliba, alye dakanamake. Ance sik malyeuk wininyak nang ati, yu weik upkiliba, ance wenebuka opnamalam nang ara, akunum kintinip deipmalam ning ara, sikti, wenebuka opmince, uku buk dilamle touk, anang kum kipdeipnalame.

Bilangan 22:25

Winipmokba, ila tuba Yahweh arye dopreipmok malaikat abisik noutamak tikmokba, keledai basam amalaikat eibukce, leibuka bisik lilun tam tikilbiyuk. Winibukba, Bileam el yan keil poka domik ning arye, yan kisok tiklim darabuka obuk. Winibukopura, Bileam birye akeledai basam ati, tonap yo kama arye, kulabuka obuk.

Bilangan 22:27

Winipmok buk, ton bisik bayukopura, ila tuba Allah arye dopreipmok malaikat ara, bisik yanuka lipdongobuka, tikabukba eibukce, akeledai basam ara, lukdanduka kwarabukce, asukumuk kuksibuka malbiyuk. Winibukba, Bileam birye, yu weik ubuka ati nyabuk. “Anda yata ati, winipre banmanilam do?” nyabukabukce, Bileam el kama dobuka, ila tuba akeledai basam kulabuka obuk.