Bilangan 22:23 - Eipomek

²³ Allah el si Yahweh arye, dopreipmok malaikat mal olan nang atonun kibuka, el parang ya boyanuka tikmokbuk, akeledai basam eibukce, lukdanuka kwarabukce, tamubuka wa wiamik bisik kup-kupuk biyuk. ‘Amalaikat tikmal bisik ara, kum binun’ tenen, keledai basam arye, wa win dam bayukba, Bileam birye, “Yata ati wininmanilam do?” nyabukabukce, ‘Teleb bisikuk binuname’ tenen, akeledai basam kama dobukabukce, debuka obuk. Winibuk ati, akeledai basam tamubuka, nong bisikuk libuka yayuk.

Bilangan 22:23 Referans Kwoze

Yudas 1:11

Sik anang ara, pia bicoe, Allah arye anang wenepnamla ati, sik anang ikin upnamle. Sikda Kain arye Allah nyabuk yupu kum kekebukce, malye winibuk touk wininyake. Tonda, minop talak Bileam arye, ‘Ayupu ara, tilila yupu,’ akunum bikmokcuk, “Yo bok weik arepnukiabe,” nyabikura, kekebukce, ‘Yo bok weik doproptinye’ tenen, patabuka ati, tilila yupu peterebuk. Tilila yupu peterebuk touk, sik anang babye, ‘Yo bok weik dolonamap’ tenen, malye wininyake. Tonda, minop talak Korah arye, ‘Allah arye nyapdeibukura, Musa nyalamuk yupu kum kekepnuyap’ tenen, deiyok koubuka, el yanibuk touk, sik anang babye, Allah arye nyasulul yupu yaniltanyake.

2 Peterus 2:16

Bileam ara, ‘Yo bok weik arepniting’ tenen, patabuk bukni, tilila yupu nyabuka, malye pil dobuka ati, Allah arye Bileam wenebuka yupu sekuk. Allah arye Bileam ati wenebuk ning ara, nyapnusine. Ara, talye keledai basam ara, ninye yupu kum nyapmanto ning bukni, Allah el mikip aribukura, akeledai basam arye, nabi Bileam malye winibuk ning ati, wenebukce, yupu sekuk. Ara, Allah meilyamuk deice arye, akeledai basam arye ninye yupu nyalamaka atonun yupu deice arye nyabuka, nabi Bileam ati wenebuk.

Rasul 22:9

Na ap, neika beipu nang ara, dirina ara, eibik bukni, ninye yupu atonun arye nyapnuknye, el yupu ara, sik kum kekebik.

Daniel 10:7

Alaka winibuk ning ara, narye eipmase bukni, na ap, amek dam neika tikmapu nang, sik yuk nang ap ara, aning nirya ton kum eibikce, kum bikik. Bukni, na Daniel bira, eibuka bikse. Na ap neika unmapu nang ara, sik kum eibuka bikik bukni, sikda ilil weik ubukba, ‘Yata wiripnusil do?’ tenen, bai sakikce, bikbik abuka duknulbiyik.

Yeremia 8:7

Ura, anggun nirya tenenipdelulume! Bangau maka babye, el kanye aryuk, ‘E, atalak akunum kiplyopura, na mutuku koprop tamubuka yanamneʼ tenen, bikilule. Tonda yalma ap, borom-boromanye maka ap ara, yuk-yuk yala maka ap, ‘Amutuku ulamepya ani, teleb talak akunum kiplyeura, anirye koubuka, nun mutuku koproba tamubuka binamapʼ tenen, akunum bikinyake. Bukni, nara Allah, na mapu koproba nirya ati, narye, “Aning ara wininamlume. Aning ara, pia kum wininamlume,” nyapdeipsise yupu ara, anggunce moubuka kum bikilulume.

1 Tawarikh 21:16

Atalak aryuk, ninye deiyoknye Raja Daud birye, dileyukba, ‘Israel yala nang, weik asik domik ning Yerusalem mutuku noutam ulamik nang nirya opnunʼ tenen, yayuk malaikat ara, tukwak kiapna, im deice kiapna kibuka, lakuka yangayukce, ninye ona ati yu parang ya boyangayukba eibuk. Daud birye eibukopura, Daud birye amutuku noutam ulamik nang ati, yuk-yuk deiyok kibuka talilamik nang, sikti, nyabukba, sik nirya arye malye karung arye wiamik baju ongobukabikce, “Se, nun malye unyap ning ati opnasila atia,” nyabuka, malye kanye bobikce, tuku deice pubuka mabik.

2 Raja-Raja 6:17

Nyabukopura, Elisa birye Allah ati morobuk. “Na ni Allah, an si Yahweh. Ance anye el asing perekeipminba, ance kintinipmasilam ning ara eipnule,” nyabuka morobuk. Morobukopura, Allah kekebukce, amelinanye asing lapdeibukura, amutuku deice bukni, anoutam ara, dana-dana tam unmek nang nirya, kuda basam weik ap, kuda basam kirikuka tuku deice balamle ning el dirina ara, uku buk atonun dinmok ning ap, aning nirya pia weik wininmok ning eibuk.

Bilangan 22:22

Bukni, Allah arye, Bileam el kanye talima pum tam tenebuk ning ara, akunum kel bikuk ati ara, yu ubukba Bileam el bidamang ap, el melina nang bitinye ap, sik nirya bisik biyik talak ara, Bileam bira, el keledai basam deice bukuka banmokba, Allah el im deice pil donanye, malaikat dopdeibukba, ‘Abisik kum binamak’ tenen, sik banmek bisik noutamak, binuka tikmok.

Bilangan 22:24

Winibukce, ‘Mitik bisik arye bitinimye’ tenen, banmarik ani, aminyan babye, pia abisikuk banmarike. Abisik ara, dana-dana ara, anggur tapu wa wiamika anya arye, anoutam ara, mitik bisikuk banmarike. Abisik dana-dana tam ara, keil poka dobuka, antanapdongamik bisik pum anya arye, yukak leibuka binmanto kum ati, amitik bisikuk banmarik. Banmarik buk, ila tuba tonap, Yahweh arye, el im deice pil donanye dopreipmok. Amalaikat ara, bisik dukulba keil poka dobuka, antanapdongamikak, yanuka tikmokce, dinmoke.

Yosua 5:13

Ara Yosua ap, Israel nang ap, Yeriko mutuku dam binuka unmek talak ara, tonok sum Yosua birye, Yeriko mutuku tam binuka dinmokba, ninye tonok, el urasin tam tikmokce, ninye on ning parang ya talipmokba, Yosua birye eibuk. Eibukce, anye dam biyukce, asipdeyuk. “Anda nun melina ati yalam do, nun ona ati, nun oldan nangak, melipnamsilamnye do?” nyabuka asibuk.