Bilangan 22:21 - Eipomek

²¹ Bileam mapmoka berekukopura, el keledai basam dobuka, el balye deice bukuka, binuyuka ati kintinibuk. Ara el ap, Moab mutuku deiyok nang ap, bisik banuyik ati kintinibuk.

Bilangan 22:21 Referans Kwoze

2 Peterus 2:15

Aninye ara, diksukum un bisik batakuka, yuk malye-malye un bisik akunum banyake. Wininyaka ara, minop talak ulamuknye el si ara Beor, el mi Bileam arye, malye winilamuk touk wininyake. Bileam arye, ‘Malye pil dopnebuk, yo bok weik arepnitinge’ tenen, patanmokura, malye pil dobuk touk wininyake.

2 Peterus 2:16

Bileam ara, ‘Yo bok weik arepniting’ tenen, patabuk bukni, tilila yupu nyabuka, malye pil dobuka ati, Allah arye Bileam wenebuka yupu sekuk. Allah arye Bileam ati wenebuk ning ara, nyapnusine. Ara, talye keledai basam ara, ninye yupu kum nyapmanto ning bukni, Allah el mikip aribukura, akeledai basam arye, nabi Bileam malye winibuk ning ati, wenebukce, yupu sekuk. Ara, Allah meilyamuk deice arye, akeledai basam arye ninye yupu nyalamaka atonun yupu deice arye nyabuka, nabi Bileam ati wenebuk.

Kejadian 22:3

Nyapdeibukba, Abraham mapmoka, berekukopura, ‘Abasam deice buknirye, mutuku dup binaman’ tenen, el keledai basam balye tam bung ning deibukce, kintinibuk. Kintinibukce, el pil melin nang bitinye ap, el mi ton Isak ap banmek. Tonda, ‘Na mi opnyopura, Allah el arena ati, uku seknirye, na mi el nong uku dapniba, uku dipnamale’ tenen, uku seknamuk yo ton, wiribuka kwangnibuka deibuk. Yo kwangnibuka kintinibukopura, ‘Allah arye nyapmanilak binamap’ tenen, el ap, anang ap, Isak ap, neika bisik panabuka banmek.

Amsal 28:18

Diksukumuk ulirye, tilila yupu pia kum nyalulnye bira, Allah arye anye biti lyeplirye, teleb kipdeipnamle. Bukni, yata ninye do nirya, sik kam unyak talak noutamak arye kwalin bisikuk banyak ninye ara, aminyan talak Allah arye aninye ati, wenebuka oploplirye, sirya daknamle.