Bilangan 22:18 - Eipomek

¹⁸ Nyabuka laka nyabik bukni, Bileam birye tamubuka, Balak el yupu laka nyalyanmik nang ati nyabuk. “Kume, dekna weik ning nirya, perak ap, emas ap, Balak el ninye deiyoknye aik noutamak, pia weika arye, deiamtu ning, arepnutua babye, kum yanamne. Aning ara, urdem ati kume. Na ni koproba, Allah el si Yahweh, elce nyapdeipnilye yupu uk, kekebuka unamne. Yuk ning ton kum winipnamne. Ara, mitik ning babye, weik ning babye, Allah arye kum nyapdeipnilye ning ara, pia kum unamne. Elce nyapdeipnilye, yupu kum yaninamne.”

Bilangan 22:18 Referans Kwoze

Bilangan 24:13

Kume, narye nyalamse. ‘Ninye deiyoknye Balak, el weik aik pum tam deiamuk ning, aning-aning nirya, emas ap, perak ap, dekna teleb ning weika arye deibuka, anyaik deiamting ning arepnitinga babye, aning kum dopropnamne. Deiyok ara, na kanye aryuk tenebuka, na bidamang yupu uk kum nyaptinye. Malye yupu babye, teleb yupu babye, naryuk kum nyaptinye. Aning kum bukni, Allah el si Yahweh arye, ‘Nyanamlyame,’ nyapdeipnilye ninguk ara, an kekenak yanuka nyaptinye.’ Aning ara akunum laka nyapse,” nyabuka, Bileam birye Balak biti nyabuk.

2 Tawarikh 18:13

Nyabuk bukni, sik bitinye Ahab dam kabul kum yanapdik talak ara, Allah Yahweh el yupu dipkoprob laka nyana deiyoknye Mikha birye, el dam laka nyalbanmoknye biti nyabuk. “Kume, nara yuk ning ton kum nyapnune. Allah si Yahweh ara, dipkoprob kam ulula ati, yuk talye yupu kum nyaptinye. Na ni koproba Allah Yahweh elce nyapnunil yupu uk, dipkoprob aninguk binuka nyapnune,” nyabuk.

1 Raja-Raja 22:14

Nyapdeibuk bukni, sik bitinye min kum yanaprik talak ara, Mikha birye el yupu bobinmoknye biti nyabuk. “Nara yuk ning ton kum nyapnune. Allah el si Yahweh ara, pia Kam Una Deiyoknye dipkoprob ulule. Ati, Yahweh elce nyapdeipnunil yupu uk, dipkoprob aninguk, binuka nyapnuna,” nyabuk.

Bilangan 23:26

Nyabuk bukni, Bileam birye tamubuka, Balak biti nyabuk. “Kume, na akunum laka nyapmakine. Allah el si Yahweh arye, nati, ‘Nyapnamlyame,’ nyalinilye touk, aninguk kekebuka, adiparyuk nyanune. Talye yupu uk, kum nyaptinye,” Bileam birye nyabuk.

Bilangan 22:38

Nyabukura, Bileam birye tamubuka, Balak biti nyabuk. “Wini talak ara, na akunum yane. Bukni, naryuk malye kibuka, na tenepne yupu kum nyapkitinye. Allah arye nati, ‘Aning nyapnamlyame. Ayupu winibuka nyapnulyame,’ nyapdeipnamnil yupu uk, nyapkitinye. Yuk yupu ton kum nyapkitinye.” Bileam birye, Balak biti nyabuk.

Titus 1:16

Ato wininyak ninye ara, nyanyake. “Kume, Allah diba tenebuka, kanye dukdongobuka unyabe,” nyabuka, talye nyaltakanyak bukni, sik malye-malye ninguk winiyak deice arye, Allah batakuka yaninyake. Anang ara, Allah el yupu nirya, kekena kum arye yaniplobikibuk, Allah arye sikti, pia lik tenelirye, lik ulule. Yata teleb winin ning do, sik pia kum winiptinge. Malye winin ninguk, tenebuka wininyake. Na Paulus arye sekeibkine.

Rasul 8:20

Nyabukura, Peterus arye tamubuka nyabuk. “Se, anda, Allah arye bico tenesilirye, elce urdem talye arisulul ning, El Dib Kanye ara, ance, ‘Yo bok deice arye dektinye,’ tenepmalama ati, an dipminopura, an yo bok kum danamlarya.

Daniel 5:17

Nyabukopura, Daniel birye tamubuka nyabuk. “Na ni Raja, ance, ‘Na dekna ning arepnutue’ tenen, kum patanmanile. Aning ara, an dam anyuk aupmale bukni, yuk nang arena telebe. Wini talak ara, narye sekna ning yinipnirye, lak nyapniba, na ni Raja anti, ‘Deiyok ani,’ tenen, kel kipnulama ati, lak nyapnukine.

Bilangan 22:19

“Bukni, anggun kwit capu min yuma yanmek nang winipmek touk, na ap, anggun ap, na aikuk tonok lukunyan ton, mapnamabe. Ara, talye ati kume. Allah el si Yahweh arye, alukunyan noutamak arye, ‘Yupu ton nyapdeipnamanil do, kum do?’ tenen, kekeprenamane. Ati, tonap mapnamabe, nyapsine,” Bileam birye nyabuk.

Bilangan 24:12

Nyabukopura, Bileam birye tamubuka Balak biti, “Ance dopreiplum nang ati, ‘Allah arye nati arepnamnil yupu, ayupu uk nyapnamne,’ kum nyapdeiamse do? Kume, aning nyalamsise. Aninguk akunum laka nyalamsise.

1 Raja-Raja 13:8

Nyabukba, nabi arye tamubuka, Yerobeam biti nyabuk, “Kume, na deiyoknye Rajao, an talibuka winilyam ning ton, wibuka arepnamanutuma babye, aning ara, dipkoprob kum doproptinye. Tonda, na ni Raja an aik yaniba, din ap, mek ap, neika kum diptininye.

Bilangan 22:8

Nyabikopura, Bileam birye sikti, tamubuka nyabuk. “Ura, tonok lukunyan asukumuk mapnulume. Ambusum ara, narye anggunti, yupu nyapnamasine. Ara, na ni Allah, el si Yahweh arye nyapnunil yupu kekepnirye, ayupu uk, ambusum nyapnamasine,” nyabuk. Nyabuka ati, sik Moab mutuku deiyok nang ap, Midian mutuku deiyok nang ap nirya ara, Bileam ap mabik.

Yosua 24:10

Winibuk bukni, narye Bileam el yupu kum kekepse. Aning kum bukni, narye arepsiba, Bileam birye, anggunti, teleb yupu uk nyabuka, anggun deice delilamuk. Tonda atalak-atalak arye, tuba tonap, teleb yupu uk nyapdeiamsuke. Elce ateleb yupu nyapdeiamuk ning ap, Balak birye kum opsuk ning ara, na deice aryuka. Na aryuk lopdeipsise.” Allah arye nyabuk.

Ayub 3:15

Na diamtinirye, ninye deiyok nang Raja weik nang, sik pia teleb ning emas ap, perak ap, weik arye bulubuka, sik aik deiamikce, kanye deibuka ulamika ani, batakuka diamik touk, na babye atonun winyamtinye.”