Bilangan 21:31 - Eipomek

³¹ Aning nirya akunum winibikopura, Amori yala nang ulamik mutuku nirya ara, sik Israel yala nang arye, talibuka ulamik.

Bilangan 21:31 Referans Kwoze

Bilangan 21:30

Bukni, wini talak ara, nun Israel yala nang arye, Raja Sihon ap, sik Amori nang arye deipneba, dadeipdanin, banyak nang ap nirya ara, akunum obuka kum kipdeipmabe. Ara, eitam mutuku, Hesibon mutuku bisik banak arye dipdongobuka, outam mutuku, Dibon mutuku babye, amutuku-amutuku unyak nang ara, akunum malye kibuka, obuka sirya daknamabe. Tonda, Nasim mutuku arye dipdongobuka, Nopa mutuku dam ap, Medeba mutuku dam unyak nang nirya ap, obuka sirya dakukce, kum kipdeipmabe,” nyabik.

Bilangan 21:32

Tonda, aulamik talak ara, Musa birye, ninye ton wipdeibukce, Yaser mutuku unyak nang ara, ‘Yata barye unyak do? Yata barye optibye do?’ tenen, “Dilbilulume,” nyapdeibuk. Ara, “Nun Israel nang arye, amukutu nang obuka, sirya dakibirye, sik unyak mutuku nirya dopropnamabe. Adeice arye, sik Amori nang, amukutu noutam unyak nang nirya ati, dilbiyik. Winibuka, akunum binuka dipdebuka yayikura, aminyan talak ara, sik Israel nang arye, Yaser mutuku dam noutam ara, ninye ton bulubukabikce, biyikura, amutuku-amutuku ulamik nang nirya yayikba, sik amukutu noutam, asik dobuka ulamika ara, bindobik.

Yosua 24:12

Tonda anggunce Raja bitinye, ninye deiyok nang olbilum sum ara, narye amutuku ninye ati, kanye walwalan kin ning ap, ilil una ap arepsiba, sik Amori ninye deiyok nang bitinye, ilil weik ubukba, sik bikbik abuka bindoprik. Birikba, anggunce obuka sirya daklume. Anggun Israel ninye arye, anggun bidamnye parang ya ap, anggun bidamnye mal ap arye, obuka sirya kum dakamlume. Anirya ara, mong arye, ninye si topliba, bikbik abuka balamak touk, na melipsisa deice arye, aninye nirya bai tam sakuka bindobikba, anggun bisiplume. Aning nirya ara, na uka. Allah arye nyabuk.