Bilangan 21:30 - Eipomek

³⁰ Bukni, wini talak ara, nun Israel yala nang arye, Raja Sihon ap, sik Amori nang arye deipneba, dadeipdanin, banyak nang ap nirya ara, akunum obuka kum kipdeipmabe. Ara, eitam mutuku, Hesibon mutuku bisik banak arye dipdongobuka, outam mutuku, Dibon mutuku babye, amutuku-amutuku unyak nang ara, akunum malye kibuka, obuka sirya daknamabe. Tonda, Nasim mutuku arye dipdongobuka, Nopa mutuku dam ap, Medeba mutuku dam unyak nang nirya ap, obuka sirya dakukce, kum kipdeipmabe,” nyabik.

Bilangan 21:30 Referans Kwoze

Yeremia 48:18

Tonda, anggun Dibon mutuku noutam ululum nango, anggun pia telebak ululum mutuku arye, koulukuka yanululume. Koulukuka yamunyopura, alye dakdamunce talye tuku deice ap, butbuta deiceuk yanuka buknamlume. Minop talak ara, ninye nirya arye anggunti, ‘Se, sik babye pil teleb donyake,’ tenelamsik bukni, wini talak ara, kume. Deiyok ara ani. Moab mutuku noutam uamuk ning nirya ati, yanuka akunum kum kipdeiamuka deiyoknye bira, anggun dam ton akunum yanganamle. Akunum yalyopura, anggunce kat ning arye, weik asik dolulum ning, el si benteng nirya ara, ulubuka dakloplirye, sice buklopnamsile.

Yesaya 15:2

Dibon weik asik unyak nang ara, sik isa si erenyak mutuku kon deice welebikirye, weik arye engenmake. Sik Moab mutuku unyak nang ara, sik mal olan nang arye, Nebo mutuku ap, Medeba mutuku ap, kum kipdeipmaka ati, pia bico uplyeba, ‘Seʼ tenen, weik yupu arye nyabuka, engenauk unamake. Tonda, sik kisok potong, delo kuknamake. Aning atonun, sik cang bam potong, akunum kopnamake. Ara, amutuku bitinye tenebikirye, bico uplyeba, tonap engenauk unmaka ati, bikilina ati, amutuku ninye nirya arye, sik potong kopnamake.

Yeremia 48:22

Dibon mutuku ap, Nebo mutuku ap, Bet-Diblataim mutuku ap,

Yosua 13:17

Aning atouk, Hesyebon mutuku ap, tonda amutuku dam mutuku bukamuka, lu tam nirya ara, Dibon mutuku ap, Bamot mutuku ap, Bahal mutuku ap, Bet-Bahal-Meon mutuku ap,

Bilangan 32:34

Amutuku tuku nirya akunum arebukura, sik Gad yala nang arye tamubuka dolamik mutuku asik ara, ani. Ara, Dibon mutuku ap, Ataror mutuku ap, Aroer mutuku ap, tonda,

Bilangan 32:3

“Se nun ni yapu, atam dinmap mutuku si ara ani. Ara, Atarot mutuku ap, Dibon mutuku ap, Yaezer mutuku ap, Nimra mutuku ap, Hesyebon mutuku ap, Eleale mutuku ap, Sebam mutuku ap, Nebo mutuku ap, tonda Deon mutuku ap eipmabe. Asi nyapmap mutuku nirya ara, sapi basam weinak ati ara, amutuku pia teleb mutuku ulule. Ati, nun tenepmaba ara ani. Nun ni koproba Allah Yahweh arye meliamubukba, nun Israel yala nang arye, sik Midian mutuku nang nirya, amutuku noutam ulamik nang nirya ara akunum obuka sirya dakupu. Bukni, amutuku nirya ara, nunce weinyap kam ning ara, amutuku bobitibye ura, dipkoprob teleb upsutue. Deiyok ara, nunda anggun amu tam unyap nang ara, nunce weinyap ning ara, amutuku noutam arye weiptibyeura, pia weik upnamsile atia,” nyabik.

Yesaya 15:9

Tonda, Dibon mutuku noutam, balye mek nirya ara, ninye obikceba, sik ining ap tabaklyeba, amek ara, ining bi uk kibuka banamle. Allah elce sik amutuku ulamice nang, sik deice ara weik imun ikin ning ton ap dokweteplyeba, pia weik kanye imun upnamle. Allah elce kus atonun ning, weik yu ning, el si singa kus dopdeiplyeba, sik Moab mutuku nang, ‘Obuka sirya daksicakʼ tenen, bai sakuka bindopnamak nang ara, obuka sirya daknamle. Bukni, asukumuk, Moab mutuku noutam daunamak nang, mitik tonun tuba kam unamak nang ara, tuku ton arepnamlarya.

Mazmur 18:14

Diba, Allah Yahweh anda im deice arye tukwak mutuku yalum talak ara, im noutam arye, weik liman nyabuk. Atalak ara, an Allah, aning-aning nirya deice tam talibuka umince, Pia Mikip Weik Deiyoknye ulyama ati, ance weik yupu deice arye nyaplumba, tukwak nang nirya kekebik.

2 Samuel 11:24

Sik aik dam bukni, keil poka damak unmapu talak ara, Raba mutuku mal olan nang arye, cang poka alip tam arye tikuka, onmasiak talak ara, an yin talin nang ton opmake. Tonda, onmasikop arye, an melinanye, Het yalanye, el si Uria babye yin arye opmakba dipmale.” Yoab dopdeibuknye birye, Raja Daud biti, laka nyabuk.

Kejadian 49:23

Yu nang arye an yala ninye ati, yin talibuka oplopnamak bukni, kum opnamake. ‘Aninye ara oplopnamap’ tenen, yu upliba, maraplopnamake.

Bilangan 21:31

Aning nirya akunum winibikopura, Amori yala nang ulamik mutuku nirya ara, sik Israel yala nang arye, talibuka ulamik.

1 Tawarikh 19:7

Amon yala nang talibuka ulamik tekbarye ninye deiyok nang arye, tiga puluh dua ribu (32.000) kereta perang dekik. Tonda, Maakha mutuku talibuka ulamuknye biti, “Melipsilyame,” nyabikba, el yin talen nang ap boyayuk. Yayukce, Medeba mutuku dam yanuka, dolina aik el si tenda yanuka dobik. Tonda, Amon mutuku noutam ulamik yin talen nang nirya ara, sik asik dam arye bulubuka tonokak uk wekelyayik.

Yosua 13:9

Sik aninye doprobikce, ulamik mutuku ara, Aroer mutuku arye, dipdongobuka binamuka ani, osirya tam ara, Dibon mutuku dam ubuke. Ura, Aroer mutuku, ara Arnon mek duman bukni, kup-kup tam uamuk. Tonda, amek duman mutuku noutam uamuk asik dolamik ning ap doprobik. Ton ning ara, mutuku konak ara, Medeba mutuku arye, dipdongobuka, binamuka ani, Dibon mutuku dam biyuk mutuku ton nirya ara, bokuka arebuk.