Bilangan 20:2 - Eipomek

² Ura, Kades mutuku ara, mok pia kum mutuku anya arye, sik mek pia kum ubukba, Israel ninye nirya arye bulubuka, Musa ap, Harun ap dam yayikce, malye kibuka, ‘Anang bitinye ara, nun deiyok nang, tuba kum unamsirake’ tenen, malye yupu nyabuka derebik.

Bilangan 20:2 Referans Kwoze

Bilangan 16:19

Winibik talak ara, Korah birye, sik Israel ninye ati, “Nirya bulubuka yanamlume,” nyabukba, sik nirya bulubuka yayik. Sik nirya yayikopura, Musa ap, Harun ap, tonda Korah ap, sik nirya bisik bublan dam Allah ap, ninye ap, eldana ati dolamik tenda aik dam, yanuka wekik. Yanuka wekikopura, talye karin arye, pia mel paralamle touk dirina ara, Allah Yahweh el dirina, sik dam yayukba, sik awekmek ninye nirya eibik.

Bilangan 16:42

Winibuka ayupu nyanmekba, Israel ninye weik, kekebikopura, ninye nirya bulubuka wekmekce, ‘Musa ap, Harun ap, sik yupu ton kum kekenamabe, sikti yu weik upmasile,’ tenebikce bulubuka wekikce, Musa ap, Harun ap ati, malya kibik. Winibikce, malye yupu nyanmek talak ara, Musa ap, Harun ap arye, Allah el si eren aik ati aik deibik ning dam, atamuk tamubuka dinmarikba, adomik aik deice ap, dana-dana tam nirya ap, weik dua bum ton koulukukce, yanuka sinipdongobuk. Winibukce, adua deice arye, Allah Yahweh el dirina lak ubukba, sik aninye nirya eibik.

Bilangan 21:5

Winibuka malye kanye bomik talak ara, Allah ap, Musa ap ati, malye nyalamik yupu ara, ani. “Yata ati anggunce, Mesir mutuku arye bobuka, yanamsurum do? Winyamsuruma ara, ‘Ninye ap, mek ap, pia kum mutuku noutamak arye, sik nirya diptinge’ tenen, boyasurum do? Amutuku ara, teleb din ning ara, pia kume. Tonda din mek ara, pia kume. Tonda, Allah arye aresulul din ara, weika arye tuba-tuba dinyaba anya arye, nun like weik usulule,” nyabuka malye nyalamik.

Bilangan 16:3

Sik anang nirya, tabakuka adiparyuk, Musa ap, Harun ap, sik dam biyik. Biyikce, nyabik, “Musao, ance tonap kum winipnulyame. Akunum winipmalame. Yata deiyok ati, Israel ninye ara, ‘Malye ning nirya batakmunce, pia lek teleb nanguk unamlume,’ nyabuka, tupa-tupa nyasilyam do? Nun nirya ara, Allah el kanye delin ninye akunum unyabe. Tonda, nun ni koproba, Allah Yahweh, nun kan-kan aulule. El si eren aik ara, nun unyap noutam ulule. Aning ara, anda yata deiyok ati, an bidamnye binyuk, erepdeipdalam do? Aning ara, “Israel ninye nirya, sik deice tam unune. Sikda, mitik mambul bukni, ‘Nara weik mambulnye ununeʼ tenen, erepdalamce, maknya kintinipdalam do? Yuk nang ara, an atonunye kum unyaka ati do?” nyabuka wenebik.

Keluaran 16:12

“Israel ninye sikce kanye imun kanye bobuka, malye nyanmaka ara, narye akunum kekepmane. Ati ance, sik Israel ninye ati, nyapnamlyame. Arup sintam ara, tup ning arepneba dinamalume. Tonda, mapmamunya beren tam talak ara, im deice kwaning, el si ara manna arepneba, dinmamunyebuk, boupnamasile. Winipmunyopura, adeice arye, ‘E dipkoproba, Allah elda nun Ni Yahweh, nun weik deiyoknye usulule,’ tenebuka kel biknamanulume,” Allah el si Yahweh arye nyabuk.

Keluaran 16:7

Aning atonun, ambusum beren tam ara, anggun dam Allah el si Yahweh arye, el mikip deice upnamal ning upliba eipmunyopura, ‘Se Allah ara dipkoprob mambule’ tenenamalume. Anggunce Allah ati derebuka malye nyaplumbuk, Allah kekesulula ati, el mikip deice arye pil dopnamasile. Na ap, Harun ap ara, nun bitinye ara mambul weik nang kume ati, malye nyanmasulumce derenmasulum ning ara, yata ati do? Malye nyanmasulumce derenmasulum ning ara, dipkoprob Yahweh ati nyanmaluma.

Keluaran 16:2

Amutuku noutamak ara, mek ap, aning-aning nirya ap kum uamukba, ninye kum ulamik mutuku anya arye, Israel ninye amutuku noutamak balamikce ulamik talak ara, Israel ninye arye Musa ap, Harun ap ati, din ning patalamukba, weik arye malye nyalamik.

Mazmur 106:32

Tonda, Kanaan mutuku noutam daulamika ani, aminyan talak Meriba mutuku dam unmek talak ara, sik Israel yala nang arye, tonap malye wininmeka deice arye, Allah Yahweh el yu weik ubuk. Israel nang arye, mek patalamuka ati, malye weik winibika deice arye, Musa babye malye winibuka ati, Allah arye Musa biti, wenebukba, ikin ning doprobuk.

Bilangan 14:2

Sik nirya arye Musa ap, Harun ap ati, nyanmek. “Se, teleb ning ara, nun Mesir mutuku noutamak ulamupu talak aryuk diamtibye. Akumopura, mok kum ati, ninye una kum mutuku, apata mutuku noutamak teleb ning ara, adiamtibye. Aning babye telebe,” nyabuka ngaluklamikce, Musa dam malye yupu nyalamik.

Bilangan 14:9

Bukni amapo, nunce Allah Yahweh ati, ‘Nun like’ tenen, yaniptabibirye, malye kum kipnamabe. Tonda, Kanaan mutuku unyak ninye ati, ilil una meme. Ara, Allah el si Yahweh arye, nun dam ulirye melipsilyopura, adiparyuk sik amutuku unyak ninye nirya, obuka sirya daknamabe. Yatanye birye Kanaan tam nang ati melipsetua kume. Allah arye sikti, kalikuka melilamuk bukni, wini talak ara kume. Ati, sik talibuka melipmantonye ton pia, kum ulule. Bukni, nunda nun ni koproba Allah el si Yahweh arye melipnamsile. Ati, Kanaan tam unyak nong cang nang ati, ilil una meme,” nyaprik.