Bilangan 20:18 - Eipomek

¹⁸ Nyabuka morobik bukni, Edom mutuku deiyoknye birye, tamubuka nyabuk. “Kume, nun mutuku bisik anggun bana kume. Anggun yuk bisikuk binululume. Narye anggunti, ‘Abisik bana kume,’ nyapmasinye bukni, malye kibuka bamunyopura, nun amutuku unyap ninye nirya arye, ya dobuka yabirye, opnamsiabe,” nyabuk.

Bilangan 20:18 Referans Kwoze

Bilangan 24:18

Tonda Edom mutuku ninye nirya obuka sirya daknamle. Tonda el mal olan nang, sik si Seir mutuku ninye ara, dotalak yanamlanye, Israel ninye sik deiyoknye birye obuka sirya dakliba, sik Edom mutuku nang ara el amu tamuk unamlume. Edom mutuku nang ara, amu unamlum bukni, sik Israel ninye uk ara, mikip weik upre bakirye, erena ninye unamake.

Bilangan 20:19

Nyabukura, Israel nang arye tamubuka, nyabik. “Kume, anggun tam weik nong bisik babye talak, nun ap, nun basam aning-aning nirya ap arye, anggun mek ton dibipyopura, dipkoprob amek dekna ati, dekna yo bok adiparyuk arepnamsiabe. Ati, ‘Anggun bisik ara, yanibuka bitibye’ tenen, moropkiyabe, yuk ning ton kume,” nyabik.

Bilangan 20:20

Nyabikura, Edom mutuku deiyoknye ap, el amu tam ninye ap arye, tamubuka nyabik. “Kume nun bisik ara, pia bana kume,” nyabik. Nyabikopura, Edom mutuku nang arye, Israel ninye ona ati, yin talin nang, mikip weik nang weika arye bulubuka, Israel ninye olyayik.

Bilangan 21:4

Israel ninye, Hor mutuku batakuka biyik talak ara, ‘Edom mutuku noutam bisik kum binuyaba ati, amutuku sirya bisikuk bana teleb’ tenen, Ining Bi Laut mekwen, el si ton Teberau mekwen bana ati, balamik bisik biyik. Abisik banmek talak ara, Israel ninye nirya arye, ‘Yata ati, amalye mutuku noutamakuk banyap do? Mok ap, mek ap, kum ati, buppu weik arye, ninye kum ulamik mutuku, pera weik bisik banmap talak ara, ikin pia weik upsile,’ tenebikce, malye kanye bobikce, malye weik nyalamik.

Bilangan 21:23

Nyabuka morobik bukni, amukutu ninye deiyoknye, Raja Sihon birye, Israel nang, sik nyabik yupu, pia kum kekebukce, “Anang ara, na bisik pia kum binamake,” nyabuk. Nyabukce, elce, ‘Israel nang ara, mandipna kanye bobikirye, na mutuku noutam ton yanamake. Ati, ‘Sik opnuyap’ tenen, el yin talin nang nirya bulupdeibukba, pata mutuku bisik biyik. Sik akunum biyikopura, Israel nang ap, Yahas mutuku noutam biyikba, asukumuk olanmek.

Ulangan 2:29

Winibibirye, nunda balamipya ani, Yordan mek koubuka, otam binamabe. Wininamaba ara, nun ni Allah Yahweh arye, nunti areamsuk mutuku binamaba ati, moropkiyape. Tonda, Esau birye deiamukba, dadeipdanin yanganyak nang, Edom mutuku noutam unyak nang ap, tonda Moab yala nang bukni, Ar mutuku unyakak ap ati ara, nunce ayala bitinye nang ati, ‘Anggun umunye mutuku noutam bisik ara, nun banmapya ani, otam mutuku binamabe,’ nyabuka morobububa, sik amutuku bitinye nang arye, ‘Yo, telebe, anggunda nun talibuka unyap mutuku bisik noutam binamlume,’ nyapsikba, yanganyabe,” nyabuka morobupue.