Bilangan 19:14 - Eipomek

¹⁴ Narye anggunti, ‘Aninguk wininamlume,’ nyabuka, tonok ning ton nyapnusine. Ara winipmanto, tonoknye ton, el una ati, doltakan tenda aik dobuka, ulamlye aik noutam arye, diplyopura, yata nang do nirya, anyaik neika unmakce nang babye, anyaik mangkau arye yanuka, weknamak nang babye, dipmalinye dam, akunum winipmanyaka anya arye, sik nong deice akunum pia malye updeipdanamake. Ati, atonun nang ara, like tekbarye (7) sum noutam nirya ara, malye un ning, sik nong deice tuba aupmalibuk unamake. Winibuka unyak talak noutam arye, na kanye ara, ‘Anang, na dam kum yatinge,’ tenenune.

Bilangan 19:14 Referans Kwoze

Imamat 21:11

Tonda dipmace nang, deipmace sukum ara, imam deiyoknye kum dilyanganamlule. El li koproba do, el lin koproba do, dipmarica babye, ‘Sik nong dam yalyeura, malye kipdalyakʼ tenen, ati, aning kum winipnamlule. Ara, el li koproba do, el lin koproba do, dipmarikca babye, sik nong deipnamak sukum ara, kum dilyanganamlule. Aning winiplya deice arye, el nong deiceuk, malye kilinamle.

Bilangan 19:13

Aning ati ara, yatanye do nirya, akunum dipmakce nang, sik bol pipmalye bukni, adiparyuk mek likuka, teleb kum kipdeipdalyopura, amalye un ning ara, pia tuba, sik deice aupnamle. Ara, ‘Amalnye ning kum danunilʼ tenen, mek kwebuka dikilan pil, min kum dopmakce ati, na kanye ara, ‘Sik malye ning ara, sik nong deice tuba aupnamla anya arye, na dam ton, pia kum yatinge,’ tenenune. Tonda, sik malye ning, tuba aupmalye deice arye, ‘Na Allah Yahweh, na si erena ati, doltakan tenda aik, pia teleb lek aik, malye ulinyaka anya arye, anyaik dam, pia kum yanganamake,’ tenenune. Ati, aning atonun ululnye bira, yuk Israel nang ansibuka, neika kum unamlule. El anye bira dobuka, pia bai tam yakuka, dopkwetepnamlume. El ap, anggun yuk Israel nang ap, neika una pia kume. Deiyok ara, el nong deice malye upmalye ning, tuba tonap teleb kilina ati, mek likina teleb mek ton, el nong deice kum diklobika anya arye, na kanye ara, ‘El tuba malnye uk ulule,’ tenenune.

Bilangan 19:15

Tonda, kendi mek makau nirya ap, periuk mek makau nirya ap, el bublan tirikilongona kum ning, dipmalinye, el aik noutam upmalye ning nirya ara, akunum malnye uk ulinamle. Aning babye, dipmalinye dam upmalula anya arye, aning dobuka, na dam kum boyatinge.

Imamat 14:54

“Aning wininamlyame,” nyapdeipsise ning ara, pukle suse nong bol deice dina do, kisok kabum dina do, kice weik talina do, kanye imun weik pukle suse dina do, korot suse weik dina do, aweik imun kanye bon ning talipsilyopura, na Allah arye, “Wininamlume,” nyapsine ninguk, wininamlume.

Imamat 15:32

Aning ati ara, akunum laka nyapsine. Yata malye winin ning do nirya, anang nirya arye, amalye ning talibikiba, malye akunum kipdeipdakce talak ara, “Anggunce winibuka-winibuka wininamlume,” nyapdeipne yupu ara, moubuka wininamlume. Ara, ninye ton, uk dilirye, lin bisik arye yabung ap, mek ap, ining ap, balyopura, narye nyapdeipsin touk, pia winipra banalume.

Imamat 21:1

Allah Yahweh arye, Musa biti, ayupu nyapdeibuk. Ance, anyapdeipne yupu ara, imam-imam nang, sik kekenak binuka, nyapnalyame. Ara, Harun birye deibukba, deipdanin balamik nang arye, imam pil talibuka donyak nang, sik nirya ati, ayupu nyapnulyame. Ara, imam pil don nang noutam arye, tonoknye ton, Israel yala nang buk, sik mapu silip ton dipmaceba, sik nong dobuka dadeipmace dam yanuka, pia kum talinamyake. Ara, dipmace nang, sik nong ara, sik imam nang arye talibicopura, ‘Sik nong malye kipdacakʼ tenen, nyapne.

Bilangan 5:2

Musa ance anyapdeipman yupu nirya ara, sik Israel ninye dam binuka nyapnulyame. Ara, sik Israel ninye malye korot suse, sik bol deice, mambul weik suse dilamlye nang do, malye suse dilamlirye, yabung ap, ining ap, balamle malye suse dilamlye ninye do, tonda ninye dipmalinye, el bol pipmalinye do, sik anang nirya ara, Israel ninye, sik tia ati, dolamak tenda aik dobuka ulamunyak arye kisikdakuka, yuk karin sukum buru tam dopkwetemunyeba, unamlule. Ara, ‘Amalye ning ara, yum nang, sik nong dakdonopbikcakʼ tenen ati, Israel ninye ap, asuse dilamlye ninye ap, ansinibuka kum unamake.

Bilangan 6:6

Anye, el nyalin yupu deice arye, ‘Atalak nirya ara, Allah el ninguk unamne,’ nyalamlya ati, aunamle talak ara, moubuka unamle. Tonda atalak ara, dipmalinye, deipmace dam ton kum dilyanganamlule.

Bilangan 6:9

Ati, winipmanto, “Allah el ninguk unamne,” nyabuka nyalin yupu nyapdeiamlinye Nazir nang ara, el mangkau arye banmalibuk, el dam talye karin arye yuknye ton dipliba, Nazir nang arye adipmalinye el nong dam bilyopura, adice arye, el akunum malye updeipdaliba, Allah arye, ‘Aning ara malye,’ tenelule. Ati, aNazirnye birye, ‘Allah el ning unamneʼ tenen, el kisok potong pia kum kolamlye babye, akunum malye upmalule. Winiplya arye, malye updeipdalyopura, asum arye nukuka daunmali bukni, like tekbarye sum akunum uplyopura, el kisok potong kopnamle. El kisok potong koplya deice arye, el nong nirya ara, tuba tamubuka teleb unamle. Winiplyeura, Allah arye, ‘Wini talak anye akunum teleb unmale,’ tenenamle.

Bilangan 9:6

Winibik bukni, atalak ara anggun Israel ninye kan-kan noutam arye, yate wiribuka nang ton, dipmangu nang sik bol akunum pimek. Abol pipmek nang ara, malye akunum updeipdanmeka ati, Allah el dam kum yangalamik. Tonda, Allah el si erena ati, yuna kum kwalipmek. Ati, adiparyuk asum Kaplibuka binamlum yuna kwalipnamek ning ara, Se, nun ton kum melipmapyeura, kum dipnamabe,’ tenebik. Ati sik anang arye, Se yate wiriptibye do?’ tenen, adiparyuk Musa ap, Harun ap, sik damuk binuka asipdeyik.

Bilangan 31:20

Tonda, atouk, sik baju ap, anggunce kam ning obuka bola arye sekuka wilulum ning yala-yala nirya ap, tonda kambing bola ap, potong ap arye denebuka wilalum baju do, yo deice arye memebuka delilamlum ning do, aning yala-yala nirya ara, pia teleb kibuka mek likinamlulume,” Musa birye nyabuk.

Yehezkiel 39:12

Wala tatekbarye deice, sik Israel nang arye, Gog ap, el yin nang ap, akunum obikba, sik nong deiplobik ning nirya, bulubuka dobikirye, tuku lukuka weinamsiyake. Winibikca deice arye, Israel nang unyak mutuku tuku noutam nirya ara, tuba teleb kipdeipnamsiake. Ara pia malye ning kum kipdeibikirye, ton kume kum danamle. Telebuk upnamle.

Yehezkiel 44:26

Aning nyapmakina atonun, imamnye birye, akunum dipnamak nang bol piplyopura, na Allah arye, ‘Aning ara, malye winin ning ati, na dam pia kum yanganamlume,’ akunum nyapdeipsa ati, aning malye winin ning nirya kum danana ati, talye daunmalya ani, wala tekbarye deice arye, talye unamle. Tek barye sum akunum uplyopura, na kanye ara, ‘Anye tuba teleb upmale,’ tenenamne.