Bilangan 18:6 - Eipomek

⁶ An tam nang Lewi yala nang ara, yuk Israel nang kan-kan arye, an melibuka pil dona ati, narye dipkoprob akunum wipse. Wipsa ara, an melipkikiba, sik ap, neika pil dona ati arepkise. Tonda, sik ayala nang arye, na si erena ati winibikirye, ance pil dopnamlamak ara, ‘Sikce melibuka donamakʼ tenen, akunum kintinibuka deipsise. Ara, ‘Nati, doltakne tenda aik noutam pil donamakʼ tenen, arepse ning, talibuka pil donamaka ati, kintinip deipse.

Bilangan 18:6 Referans Kwoze

Bilangan 3:9

Musa ance Harun biti, sik Lewi yala nang nirya ap, sikce dibikiba, dadeipdanin banamak nang nirya ap dobuka, Harun biti arenamlame. Sik Lewi yala nang arye, Harun atibuk, pil melinamake. Aning ara, sik Israel yala nang unyak bukni, anoutam ara, sik Lewi yala nang aryuk, na si erena pil ati, melibuka pil donamake. Ati, sik anang ara, wipdeipnamlame.” Allah arye nyabuk.

Bilangan 3:45

“Aning akunum winipminyopura, sik Lewi yala nang ara, nati winimince, ‘Sik anang ara, Allah el kanye delin ninye pia unamakeʼ tenen, wipdeipnamlume. Ara, anggun Israel ninye arye, deiplum mapu nirya ara, sik punubuka dekna ati, wipdeipnamlume. Tonda, Lewi yala nang arye weinyak ning, winiryuk delilul ning nirya ara, sik Lewi yala nang arye, weinyak ning punupnamlume. Ati, Lewi yala nang arye weinyak ning, min yuma ning ara, yuk wipdeipnamlume, Aning nirya ara, sik Israel ninye arye weinyak ning, punubuka dekna ati, wipdeipnamlume. Nara, anggun ni koproba, Allah Yahweh unune.

Bilangan 3:12

Wini talak, anggun Lewi yala nang nirya ara, ‘Naʼ tenen, ninye, na mapu koproba atonun updeipsine. Sik Israel ninye nirya arye, minop deipnamak mapu, sik winiryuk mapu nirya pununa ati, sik Lewi yala nang dobuka deipne. Sikda, na mapu koproba unamnyake.

Yehezkiel 34:20

Ati ara, naryuk, Allah Yahweh aning-aning nirya talibuka, deice tam erebuka, Pia Mikip Weik Deiyoknye ununye birye, anggunti nyapne. Se, domba basam pia teleb ning ara, na adiparyuk yanuka bokeipnirye, domba basam nong teleb ubuka mikip wamlye ning yuk, nong bol malye wamlye ning ap, wipnirye yuk-yuk deipnamne.

Yehezkiel 34:11

Aning nirya nyapmasina ara, talye ati kum nyapsine. Deiyok ara, ani. Na Allah Yahweh aning-aning nirya talibuka, deice tam erebuka, Pia Mikip Weik Deiyoknye ununye birye nyapsine. Ara, na babye, na domba basam atonun nang nirya ara, ebukaplirye, dobuka delilyanamne. Winipnirye, naryuk weinamne.

Yesaya 51:12

Allah arye, sik Israel nang ati nyabuk. Nara Allah aunune. Narye ayupu nyapsinirye, anggun kanye talima melipsinirye, teleb unamlume. Naryuk anggun nirya ati, kanye pia teleb kipdeipnamsine. Winipnane ati ara, anggunda, yata ning deiyok ati, tukwak mutuku noutam malye unyak nang ati, ilil usulul do? Tukwak nang nirya ara, dibinauk unamake. Winipmanto ara, talye yo mutmuta, keting tin arye opliba, sesal sepmalye touk, unyaka anya arye, sik talye tukwak nang ati, ilil una kume.

Yesaya 48:15

Anye bira, na Allah arye akunum wipsirye, yukupse. Tonda, narye elti, yukupsirye, el nong dobuka, akunum boyanuka deipse. Boyaniba, elce, ‘Winipnamne, winipnamne,’ tenelye ning nirya ara, winipnamle. Elce tenelye ning nirya ara, teleb kibuka, pil dopnin banmalya ani, aning nirya nong upnamle! Ayupu nirya ara, Allah arye nyapdeibukba, nabi Yesaya kekebukce, sekuk

Keluaran 31:6

Aninguk kum bukni, el melinanye biti ara, narye Dan yalanye Ahisamak el mi Aholiab wipdeipse. Ara, el melina ati weik kel kina deiyok ning pil donamake ati arepse. Aning atonun, sik yuk pil don nang ton, weik kel kina deiyok ning, arepsiba, anang babye, na nyapkise ning, ‘Aning donamlulume, aning ton kintinipnamlyame,’ nyapkise ning donamkiyake. Allah arye nyabuk.

Keluaran 14:17

Winipyopura, ‘Mesir ninye malye kiplirye, Israel ninye binukce bisikuk aminyan binuyap’ tenen, na Allah arye arepneba, sik talima kat upliba, kum kel kibikirye, laut mekwen noutam bisikuk binuyake. Sik bikcopura, narye wenebuka oplopnamane. Ara, narye weiknye Firaun ap, el yin talin nang ap, el kuda libuka tuku deice ban ning, kereta kuda ap, aning deice bukuka yanmak nang ap, na mikip deice arye opnamne. Akunum opnyopura, aminyan talak yuk ninye nirya kekebikirye, na si erebuka, ‘Se Allah ara pia mambule,’ nyapnamake,” Allah arye nyabuk.

Kejadian 9:9

“Winira narye anggunti, ‘Dipkoprop winipnamsine,’ nyabuka, nyalin yupu nyapsine. Ara, narye anggun ap, anggunce deibuka dadeipdanin balamica ani, aminyan talak sik mapu arye, deipnamak ninye nirya ap ati, nyalin yupu nyapsine.

Kejadian 6:17

Nyabukopura, ayupu ton dukdongopbuka nyabuk. “Ura, weik mekwen deipnyopura, im noutam eitam bukni, im amu tam tukwak mutuku im sirya, mutuku sirya nirya noutamak, kam ulye ning aning-aning nirya mekwen dipliba, dipnamake. Yata yala ning do nirya, kam ulye ning nirya ap, isin ulye ning nirya ap dipnamake. Tonok ning babye, kum bataknamne.

Bilangan 3:6

Ance, sik Lewi yala nang ati, nyapnalyame. “Sik anang ara, minopce Harun dam yakirye, ‘Nunda Harun ap, an ap melibuka, pil donamap nang ara, ani,’ nyapnamnyake.

Bilangan 3:13

Aning ara, talye ati kum nyapkine. Deiyok ara, Israel ninye arye, minop delinamak mapu nirya ara, na mapu unamaka ati nyapne. Ura, Israel ninye, anggun Mesir mutuku ulamlum talak ara, narye Mesir nang, min yuma sik mapu nirya omse. Winyamse talak ara, anggun Israel ninye arye, min yuma deiamlum mapu ap, deilinamlum mapu ap, ura, anggun weinamlum kam un ning nirya arye, minop deilinamak mapu ap ara, ‘Na mapu uk unamakeʼ tenen, wipdeipsise. Atalak ara, anggun uniryuk ning nirya kum omse ati, anggun Israel ninye arye, minop winiryuk deipnamlum mapu ap, domba ato ning arye delinamak mapu ap, delinamak ning ara, na ninguk unamle. Na Allah Yahweh arye, Lewi yala nang ati ara, ‘Na ninguk unamake,’ nyapse ati, sikda, ‘Naʼ tenen, nang unamake. Nara, sik ni koproba, Allah Yahweh unune.