Bilangan 16:39 - Eipomek

³⁹ Nyabukba, Musa birye, ayupu binuka, imam Eleasar biti, laka nyabukopura, imam Eleasar birye, uku dipmokce, sirika batamok ning, emas nirya ara, bulupdeibukce, el mapu ati nyabukba, sikce aning deibuka teiknaba, teleb winin ning deice deibuka, teikikura, pala kibukba, aning dobuka, kam ning opnarye, uku dongonak ati, mesba kintinip deibika deice kalupdongobik. Ara, Allah arye, “Winipnamlume,” nyapdeibuk touk, ubik.

Bilangan 16:39 Referans Kwoze

Bilangan 16:38

Auku dipmalce, seklopmal emas ara, wipnulyame. Ara, uku ap, siltong teleb nyan ning ati deipmek ning ara, wini talak ara, aning pia lekuk ulule ati, aning wipnulyame. Korah tam nang, sik 250 nang arye, aning boyanmangurye, uku dongopmangu siltong teleb ning nirya ara, malye upmangu nang arye, wininmangu ning ati, Allah el uku arye, sik malye nang nirya, akunum dibukba dipmek bukni, emas batakmangu ati, wini talak aning ara, lek ning akunum upmale. Ati, aemas binuka dopmince, memen ning martalok arye teikminyeba, pala mitik tonun uplyopura, kam ning obikirye, uku dongona ati memepdeibik ning, el si mesba deice ara, emas arye kalupdongopnulyame. Ara, sik Israel ninye arye, aning eibikirye, ‘E, aning ara, malye winyamik nang ati, Allah arye, asum wenebuka opmuk ning ara, ani,’ tenebikirye, bikinamaka ati, bikilin ning ati, mesba kalulongona ara, emas arye memedeipnalame.” Allah arye, Musa biti nyabuk.

Bilangan 16:40

Amoupdeibik ning ara, Israel ninye eibikirye, asum Allah arye, Korah yala nang ati wenebukce, tuku likdobukba, tuku pum bisik biyikce, diplamik nang unyakak sukum biyik ning ap, Allah arye uku dopkwetebukba, Korah tam nang nirya dibuk ning ap, tuba tamubuka tenebikce, bikik. ‘Ara, emas teikuka, mitik pala kibukba, amesba deice deibik ning eibikce, bikinamakʼ tenen, bikilina ati, aning kintinipdeibik. Tonda, Harun tam nanguk, Allah dam yakirye, siltong teleb nyan ning ati, arepnamting bukni, Harun yala kum nang arye, yuk ninye yala-yala nirya ara, apil pia kum dopnamtinge. ‘Aning babye biknamakʼ tenen, aning kintinip deibik. Ura, yuk yala ninye nirya ara, ‘Allah el si erena ati, uku ap, siltong teleb nyan ning ap, el dam yanuka areptibye,ʼ tenebikce nang ara, asum winibuk ning tuba tamubuka tenibikcopura, ‘Ilil weik upnamleʼ tenen, bikilin ning deibik. Yuk yala ninye arye, malye kibikirye arebikcopura, Korah ap, el melin nang ap, obuka kum daneibuk touk, unamake. Ayupu nirya ara, Allah Yahweh arye, Musa el kekenak nyapdeibukba, elce Eleasar biti, binuka ayupu nyabukba, kekebukce, anyapdeipmok touk, ubuka pil dobuk.

2 Tawarikh 26:18

Raja Uziah birye Allah si eren aik wekuka, kinggin tong teleb ning, uku danak binuka tekuk talak ara, sik anang arye binuka nyabik. “Nai, Rajao, ance Allah arena ati, kinggin tong teleb ning ara, anyaik pum tam uku kum dongoptume. Deiyok ara, anda imamnye kum ulyama atia. Nun ka imam Harun birye deiamukba, dadeipdanin yangace nang tonok, ‘Apil donamakʼ tenen, akunum wipdeiamik imam nang, ‘Apil sikcuk talebuka donamake. Yuk talye nang ton pia kum doptinge,’ nyapdeiamuka ati, sik imam nang aryuk, apil dopnamtinge. Ati ara, Raja anda, Teleb Lek Aik noutam aryuk batakuka, bai tam binulyame! Nun ni koproba Allah Yahweh arye nyapdeiamsuk touk, kum winipmalama ati, elce, ‘Telebe,’ kum tenepnamakile,” nyabik.

Esra 2:62

Sik ayala nang nirya arye, ‘Nunda Israel yala nang arye deiamsika ati, nun si ara, Lewi tam yala nang ati, si sekuka delinyakak ara, nun si ton aupsuk do?’ tenen, moubuka dipdeyik bukni, sik anang si ton kum uamuka ati, kum eibik. Ati ara, Israel ninye deiyok nang arye, “Kume, sik ayala nang ara, imam kina ara, pia kum kiptinge. Ara, sikda Lewi tam nang kume. Talye yala nang unyaka ati, dipkoprob Allah el kanye ara, ‘Sikda, na si eren aik melin pil, pia kum doptinge,’ tenelule,” nyapdeibik.

1 Tawarikh 24:2

Nadab ap, Abihu ap ara, sik ni koproba kanam kum dibuk talak aryuk, sik anang ara minop diprik. Adiprik talak ara, sik mapu ton pia kum deiamdik diparyuk diprik. Ati ara, sik kayapu nang bitinye ara, Eliazar ap, Itamar ap sik bitinye uk, imam nang kipdeibik.