Bilangan 15:10 - Eipomek

¹⁰ Tonda, anggur mek 2 liter tonap tabakuka, boyanamninyake. Aboyanuka arelyanamniyak ning nirya ara, arebikiba, imam nang arye, uku dongobikcopura, uku dipliba, siltong teleb ning welepliba, na Allah kekepnirye, kanye teleb unamnile.

Bilangan 15:10 Referans Kwoze

Bilangan 15:5

Tonda, kam ning ton obuka, uku dongopnukca ati, domba basam do, sapi basam do boyanuka, na Allah ati yanuka arepnunikce ning babye, atalak nirya ara, anggur mek tonok liter ap, boyanuka, tabakikirye, arelyanamniyake. Ara, domba basam mi arepnamanikce talak nirya ara, anyapdeipman touk, anggur mek tonok liter ap, tabakuka arenamninyake.

Bilangan 6:15

Tonda, aining ning boyangalye talak aryuk, nena kum roti dabikirye dobuka, tapu arye wibik aling, el si keranjang arye libuka deipmalye ning ap, tonda roti kwaning el si kue, ara tepung pia teleb ning ap, minyak zaitun ap, tabakuka dapmakce ning ap, tonda nong pia mitang ning bukni, kat kue dapmakce ning ara, minyak zaitun dobuka, akue bol deice likuka deipmakce ning ap dobuka, aning-aning nirya boyanganamlule. Tonda, Allah arye, “Anggun malye updalum ning kum kilina ati, gandum atonun ning ap, yuk din ning ap, din mek yala yuk-yuk ning ap, aning nirya ara, na si erena ati, arelyanganamnulume,” nyapdeibuk touk, aning ton boyanganamnyake.

Bilangan 15:9

Ara, asapi basam boyanuka, arelyanganamak talak aryuk, tepung pia teleb ning ton, tabakuka el ikin ara, 3,3 kilogram ap, tonda, zaitun minyak mek, 2 liter ap, tabakuka arenamninyake. Abitinye ning ton, tabakikirye, boyanamninyake.

Bilangan 15:11

Aning wininamlum ning nirya ara, sapi basam yim tonok do, domba basam yim weik ning tonok do, tonda aning kumopura, kambing basam yim do, domba basam mi do, kambing basam mi do, aning nirya arenamnulum talak ara, anggur mek 2 liter ton tabakuka, adiparyuk boyanuka, na Allah ati arelyanamnulume.

1 Samuel 1:24

Samuel akunum moum dakeibukopura, mitik talak aryuk, el lin birye ami ap, sapi basam keting tamun winilye ning ap, tonda yakong atonun ning, el si ara, gandum, ikin 22 liter ap, anggur duk mek tonok makau ap, (ara yo bol lin aling arye libuka bobiyuk ning), bobuka Yahweh el si eren aik, Silo mutuku bobiyuk.