Bilangan 14:20 - Eipomek

²⁰ Musa birye nyabuka morobukba, Allah el si Yahweh arye tamubuka nyabuk. Telebe ance moropmanilam touk, sik Israel kili sal wel nang ati, teleb kibuka namin kipnune.

Bilangan 14:20 Referans Kwoze

Yakobus 5:16

Aning ati ara, ‘Allah arye kweteipnamsil’ tenen, anggun malye winimunye ning nirya, lak akarye laka nyabuka nyapdamunce, Allah morolanamlulume. Pia diksukumuk wininyak ninye arye, Allah morolamaka ara, mikip weik ulya deice arye, Allah kekeplirye, teleb kipdeilisulule.

Mazmur 106:23

Atalak ara, sik malye weik winilamika ati, Allah arye, “Sik Israel yala nang nirya ara, obuka malye kipnirye bataknamne!” nyabuk. Nyabuk touk, Allah arye anang nirya akunum obuka, sirya dakmatu bukni, Musa birye Allah el dam yanuka, Allah ati, ‘Se na nio, aning ara, kum winipnulame. Anang namin kipnalame,” nyabuka morobuka ati, Allah arye anang kum obuka, sirya dakuk.

Mazmur 99:8

Se, nun si erenyap Allah, nun ni Yahweh, sik Israel nang arye, anti, ‘Naio melipsilyame!’ nyabuka morolamikba, ance ayupu kekeplumce, sik morolamik ning ati, melilamlume. Allah, anda sik Israel yala nang nirya ati ara, sik mitik malye winilamik ning ara, luba kiplumce, kum kililamlume. Bukni, sik pia malye weik ulamik ning ara, tuba tamubuka kwang daklamlumce, wenelamlume.

Yeremia 31:2

Na Allah Yahweh arye nyapsine. Yuk pera mutuku ninye, yu ninye arye, na mapu Israel ninye kum oplomik nang ara, ninye kum upmanto mutuku, mek pia kumak, malye mutuku noutamak daulamik. Bukni, amutuku noutamak arye dipdobikba, Israel ninye arye, ‘Nunda dan mutuku bitibirye, telebuk uptibye do?’ tenen, elamikce, nati morolamnik ninye ara, na Allah arye sikti, kanye talima arepnilibuk, lyepnirye, teleb kipdeipnamne.

Keluaran 8:9

Firaun birye nyabukura, Musa birye, tamubuka nyabuk. “Anda weiknye uminya anya arye, ance, ‘Asum teleb’ tenen, wibuka nyapniminyopura, narye Allah moropnamane. Winipniba, an pil dona deiyok nang ap, an ap, Mesir mutuku ninye nirya ap, anggun aik ap, talye sukum nirya ap, yakai pia weik upmal ning ara, kum uplirye, tamubuka Nil mekinuk wekelbinamake,” nyabuk.

Keluaran 32:14

Musa birye, Allah el si Yahweh ati, ayupu nyabuka ati ara, Yahweh arye, ‘Yo, amalye ning wininmak ninye nirya wenepnirye, obuka sirya daknamane,’ tenepmanua ara, bataknirye, ‘Akilisal kum opnamane,’ tenebuk. Utenebukce, Allah arye yu upmok ning nirya ara, aninye sik nong deice ikin ning kum deibuk. Winibukce, Allah el yu upmok ning ara, batakukce, tonap teleb kanye bobuk.